---
title: "Siunnersut isumaginninnermi ilinniagalinnik siunnersortinik marlunnik pissarsiorpoq"
description: "Siunnersut isumaginninnermi ilinniagalinnik siunnersortinik marlunnik pissarsiorpoq"
date: "2026-08-26"
created: "2026-08-26"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Siunnersut isumaginninnermi ilinniagalinnik siunnersortinik marlunnik pissarsiorpoq](https://sermersooq.gl/suliffissat/inuttaqanngitsut/siunnersut-isumaginninnermi-ilinniagalinnik-siunnersortinik-marlunnik-pissarsiorpoq)

Qinnuteqarnissamut periarfissarititaasoq

2/9/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Naja Anelouise Heilmann / ks35anhe@sermersooq.gl / 368156

Suleqatigiilluartuni kivitsisuniikkusuppit?

Kommuneqarfik Sermersooq Nuummi Siunnersuisuni isumaginninnermi ilinniagalinnik siunnersortinik marlunnik pissarsiorpoq.

**Ulluinnarni innuttaasunut sunniuteqarluarlutit nuannaraajuk?**
Suliffeqarusuppit ineriartorsinnaallutit, immikkoortortamullu nukittuumut ineriartortumiikkusullutit? Suliffimmi nutaaliornermik, suleqatigiinnermik pitsaasumik, nammineq sunniuteqarsinnaanissamillu periarfissaqartumi sulerusuppit?

Taava immaqa illiuvoq tikilluaqqusassarput Siunnersuini.

**Kikkuuvugut:**

Siunnersuisut tassaavoq immikkoortortaqarfik ineriartortoq – pitsaassuseq, suleqatigiilluarneq, ineriartornerlu salliullugit ingerlaartoq. Maannakkorpiaq sulisut 14-it tunniusimasut sulisuupput, suliarippullu pisortanik ikiorsiissutit, siusinaartumik pensionisiat, isumaginninnikkullu innuttaasunik sullissivik. Isumaginninnermi sullissivimmi suleqatigiinnik isorartuvoq, kommuunimi kommuunillu avataani.

Maani naammattussavatit:

∙Suleqatigiit ikioqatigiilluartut

∙Suliffeqarfik isumassarsianik tusarusuttoq

∙Ulluinnarni assigiinngitsunik unamminartunik ineriartortitsinermillu periarfissartalik

∙Aarlarniinermik akisussaanermillu tigusisinnanermik inissaqartitsisoq

**Suliassat**

Sulisutut periarfissaqarpoq ineriartornissamut – aammalu immikkoortortap ineriartortinneqarneranut sunniuteqarnissamut. Suliassat ilagaat:

∙Suliassanik sullissineq siunnersuinerlu pisortanit ikiorsiissutit siusinaartumillu pensioneqarmut pillugit, kiisalu innuttaasunik sullissineq

∙Allaffissornermi sulianik sullissinermi misissuinerit attuumassuteqartut

∙Nutaanik suleqatinik ilitsersuineq tapersersuinerlu

∙Ineriartortitsinermut suliniutinut peqataaneq, suleriaatsinillu pitsanngorsaaneq

∙Suliassat ad hoc, tassani ilusilersueqataasinnaallutit

**Naatsorsuutigaarput:**

∙Isumaginninnermut siunnersortitut, Isumaginninnermi ikiortitut, siunnersuinermi ikiortitut ilinniagaqarsimasutit assingusumilluunniit

∙Qanimut innuttaasunik sullissilluarnissamik aammalu pitsaasunik periarfissiiumasuullutit

∙Alapernaatsoq, suleqataajumasoq, akisussaaffimmillu tigusisinnaasoq

∙Allannikkut oqaatsitigullu ersarissumik attaveqarsinnaasoq

∙Ulluinnarni ulapaarfimmiissinnaasoq, ikioqatigiissinnaasorlu

∙Inussiarnersoq, aaqqissuussillaqqittumillu sulisartoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

∙Pitsaassaaq suliassaqarfimmi sullissinermik misilittagaqaruit aammalu IT (Getorganized og AX prisme) misilittagaqarfigalugit, piumasaqaataanngilarli.

**Neqeroorutigaarput:**

∙Suliffeqarfik pingaartumik isumalik, suliallu sunniuteqarluartut takusinnaallugu

∙Suleqatigiinneq nukittooq avitseqatigiinnerlu, ineriartorfik, nuannersumillu ataatsimoorneq

∙Inuttut aammalu suliaqarfimmi ineriartortitsinissamut periarfissat

∙Ingerlaavartumik Immikkoortortaqarfik ineriartortoq, ilillu allannguinissamut sunniuteqarfigisinnaasat

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:Isumaginninnermut sullissivimmi siunnersuisunut aqutsisoq:

Naja Anelouise Heilmann, oqarasuaat +299 36 80 21 imaluunniit e-mail: ks35anhe@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa** **839-26** **-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=839-26)

## Attaveqarfissaq

Naja Anelouise Heilmann / ks35anhe@sermersooq.gl / 368156