---
title: "Qivioq Isumaginninnermi ikiortimik pissarsiorpoq"
description: "Qivioq Isumaginninnermi ikiortimik pissarsiorpoq"
date: "2026-10-05"
created: "2026-10-05"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Qivioq Isumaginninnermi ikiortimik pissarsiorpoq](https://sermersooq.gl/suliffissat/inuttaqanngitsut/qivioq-isumaginninnermi-ikiortimik-pissarsiorpoq)

Qinnuteqarnissamut periarfissarititaasoq

26/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Hansine Mathiassen / ks84hama@sermersooq.gl / 366800

Kommuneqarfik Sermersooq pikkorissumik tunniusimasumillu Inunnik isumanginninnermi ikiortimik akuleriinnik meeraateqarfik Qivioq piaartumik kingusinnerusukkulluunniit sulilersinnaasumik pissarsiorpoq.

Akuleriinnik meeraateqarfik Qivioq meeqqanut 96-nut naatsorsuussaavoq. Ammasarluni nal: 7:00-17:00-p tungaanut.

Ininut arfinilinnut agguangaalluni. Sulisut: Perorsaasoq tullersortaatingisoq, inunnik isumanginninnermi ikiorti ikiortilu. Iggavimmioq, iggavimmilu ikiorti, aqutsisorlu. Taakkulu saniatingut pisariaqartitsisoqartillugu kaammattortinik atorfinitsitsisoqarsinnaasarpoq.

Akuleriinnik meeraateqarfik Qivioq Nuuk-p illoqarfiani Samuel Kleinschmidtip aqq. 6-B 4209 inissisimavoq. Paasissutissat annertunerusut uani pissarsiarineqarsinnaapput: [link immikkoortortamut / Suliffeqarfimmut / Ingerlatsivimmut Sermersooq.gl-imiit aaneqartoq]

**Atorfiup imarisaa:**

Misilittagaqartumik inunnik isumanginninnermi ikiortimik pissarsiorpungut. Perorsaanilerinikkut peqataalluarsinnaasumik ataanilu makkunannga suliaqarluarsinnaasumik pissarsiorpungut:

·Kammangiitta

·Perorsaaneq timersornertalik

·Tunngaviit 7-t

·Akuersaartumik perorsaaneq

·Meeqqat pisinnaatitaaffii

Suliassat akuleriinnik meeqqerivik Qivioq-mi sulisut kiisalu allat suliamut attuumassuteqarsinnaasut peqatigilluinnarlugit suliat ingerlanneqartassapput.

**Qinnuteqartunut naatsorsuutigisat:**

·Inunnik isumanginninnermi ikiortitut ilinniarsimasoq, imaluunniit assingusumik ilinniangaqarsimaneq

·Qanilaartoq meeqqanullu kajumissaarisoq

·Meeqqat ataasiakkaat killiffimminni pisariaqartitaannut eqqummaarissoq

·Unneqarissuunissat aammalu ammasuunissat

·Akisussaaffimmik tingusisinnaasutit. Suliassarsiullaqqittoq meeqqanut ineriartortitseqataanissarnut piumassuseqarluartuusutit

·Sulisutut ineriartornissarnut piumassuseqartuusutit, ammasuullutillu

·Atuisunut suleqatikkuminartuusutit

·Allannguerusussuseqartuusutit

**Pingaartipparputtaaq:**

·Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

·Uippakajaarani arlariinnik suliaqarsinnaasoq

·Erseqqissumik tappissumillu allattariarsorlunilu oqaluttariarsorsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

·Nukittooq pilersitsiniallaqqissoq inissaqartitsiuartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

**Neqoroorutigaavut:**

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Hansine Mathiassen, oqarasuaat +299 36 68 00 imaluunniit e-mail: ks12hakr@sermersooq.gl imaluunniit uunga:

Tullersorti Sara Qvist Frederiksen, oqarasuaat +299 36 68 00 imaluunniit e-mail: ks86safr@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1017-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1017-26)

## Attaveqarfissaq

Hansine Mathiassen / ks84hama@sermersooq.gl / 366800