---
title: "Qeerpi Siunnersortissarsiorpoq"
description: "Qeerpi Siunnersortissarsiorpoq"
date: "2026-11-19"
created: "2026-11-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Qeerpi Siunnersortissarsiorpoq](https://sermersooq.gl/suliffissat/inuttaqanngitsut/qeerpi-siunnersortissarsiorpoq)

Qinnuteqarnissamut periarfissarititaasoq

25/11/2026

Suliffik

Tasiilaq

Sumiiffik

Forvaltning for Børn og Skole

Attaveqarfissaq

Jonna Klemensen Nielsen / ks95joni@sermersooq.gl / 367737

**Tunumiusut assassorfimmik aamma kulturikkut naapiffimmik nutaamik pilersitseqataagit**

Tunumiusut assassorneq kulturilu pingaartippigit? Aallaqqaammullu assassornerup, kulturikkut kingornussat aamma avitseqatiginninnerup ataatsimoorfigisaanni suliffimmi nutaami najoqqutassanik pilersitseqataarusuppit?

Taamaappat immaqa illit atorfissaqartippatsigit!

**Qeerpi pillugu:**

Qeerpi tunumiut assassortariaasiannik aamma kulturikkut kingornussaannik ingerlatsiffiussaaq, ineriartortitsiviulluni aamma avitseqatiginniffiulluni.

Qeerpimi Kittat assassornikkut patajaatsumik tunngaveqarnera isumassarsiorfiussaaq kisianni Amaarngili pingaarnertut assassornermik suliffeqarfiussalluni.

Qeerpip qangatut mersortarfioriarluni suliffeqarfittut kulturikkut avitseqatigiiffittut ineriartortinnissaa siunertaavoq, tassani assassorneq sulianut, ilinniartitsinermut, oqaluttuanut aamma inuit akornanni naapinnermut tunngaviussalluni.

Siunnersortitut ineriartornermi tassani pingaarutilittut atuuffeqassaatit.

**Illit atuuffiit:**

Qeerpi naqqaniit suleqatigiinnut ulluinnarmik pitsaasumik ingerlalluartumillu pilersitseqataaffigissavat.

Suliassatit ilaatigut makkuusinnaapput:

∙Ulluinnarni sulinermik ataqatigiissaarineq agguataarinninnerlu.

∙Amaarngilimi aamma assassortunik allanik mersornermi assassorlunilu suliassanut tunngasuni peqataaneq.

∙Suleriaatsit pitsaassusillit pitsaasullu qulakkeernissaat.

∙Suliamut sammisumik ingerlatsinermi suleqatinik ikorfartuineq ilitsersuinerlu.

∙Mersortarfimmik aamma Qeerpimi suleriaatsimik ineriartortitseqataaneq.

∙Qeerpimik ineriartortitsineq pillugu aqutsisunik suleqateqarneq

∙Workshoppinut, atuartitsinernut, aaqqissuussinernut aamma paasissutissanik ingerlatitseqqiinernut allanut peqataaneq.

∙Amaarngili, tunumiut assassortariaasiat aamma kulturiat pillugit ilisimasanik ingerlatitseqqiineq.

∙Mersortarfimmit suliffeqarfimmut kulturikkut ingerlatitseqqiffiusumut ikaarsaarnermik qulakkeerinneqataaneq.

Suliamik ingerlatsinermut aamma ineriartortitsinermik pingaartitsissaatit – nutaanillu pilersitseqataanissamut soqutiginnillutit.

**Ujartorparput una:**

∙Mersornermik assassornermillu misilittagalik.

∙**Amaarngili**mut tunngatillugu ilisimasaqartutit misilittagaqartutillu.

∙Mersorfimmik atuinermut aamma assassorluni periutsinut attuumassutilinnut ilisimasaqarluartutit.

∙Akisussaaffimmik tiguserusussusilik siunnersortaarusuttorlu.

∙Namminersorsinnaasutit, aalajaatsuusutit aamma aaqqissuussillaqqittorlu.

∙Suleqateqallaqqissuusutit allanillu kajumissaarillaqqissuussutit.

∙Tunumiut kulturiannik, oqaluttuarisaanerannik ileqquinillu pingaartitsisoq.

∙Ilisimasannik aamma assassornermik allanik avitseqatiginnikkumasutit.

∙Isumassarsianik aamma sammisassanik nutaanik ineriartortitsinissamut alapernaattuusutit kajumissuseqarlutillu.

Ilinniartitsinermik, workshoppertitsinermik imaluunniit kulturikkut ingerlatitseqqiinermik misilittagaqarneq iluaqutaassaaq, kisiannili piumasaqaataanngilaq.

**Neqeroorutigaavut:**

Suliffik pissanganartoq aamma isumaqarluartoq, aallaqqaataanik peqataanissamut **** periarfissaqarfigisat.

Makkua periarfissarissavatit:

∙Qeerpimik ineriartortitseqataagit.

∙Amaarngilimi sulineq aamma tunumiusut assassornermik suliaqarneq.

∙Qeerpip ineriartortinnerani ilusileeqataagit.

∙Kulturikkut avitseqatiginnittariaatsit nutaat ineriartortikkit

∙Kinguaariinnut tulliuttunut assassornermik ilisimasanillu ingerlatitseqqiigit.

∙Suleqatigiinnut nutaanut aamma suliffimmut nutaamut pingaarutilittut ilaalerit.

Atorfik sapaatip akunneranut 40 tiimit suliffiuvoq

Aaqqissuussamut naammassereersimasumut ilaalissanngilatit – pilersitseqataassaatit.

Aallaqqaataanit peqataarusuppit?

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Katersugaasivimmi aqutsisoq Jonna Nielsen, oqarasuaat +299 X36 77 37 imaluunniit e-mail: ks95joni@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1224-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1224-26)

## Attaveqarfissaq

Jonna Klemensen Nielsen / ks95joni@sermersooq.gl / 367737
