---
title: "Puiaq Ernæringshjælper-itut imaluunniit Ernæringsassistent-itut sulinermi sungiusartussarsiorpoq"
description: "Puiaq Ernæringshjælper-itut imaluunniit Ernæringsassistent-itut sulinermi sungiusartussarsiorpoq"
date: "2026-08-19"
created: "2026-08-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Puiaq Ernæringshjælper-itut imaluunniit Ernæringsassistent-itut sulinermi sungiusartussarsiorpoq](https://sermersooq.gl/suliffissat/inuttaqanngitsut/puiaq-ernaeringshjaelper-itut-imaluunniit-ernaeringsassistent-itut-sulinermi-sungiusartussarsiorpoq)

Qinnuteqarnissamut periarfissarititaasoq

9/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Maja Marie Nielsen / ks09mani@sermersooq.gl / 366788

**Sulinermi sungiusartussamik ujaasivugut Ernæringshjælperimik imaluunniit Ernæringsassistent akuleriinnik meeraateqarfik Puiamut**

Kommuneqarfik Sermersooq-mi akuleriinnik meeraateqarfik Puiami alapernaatsumik pimoorussisumillu Ernæringshjælperimik imalunniit Ernæringsassistent-itut ilinniarsimasumik piaartumik ilinniartuik pissarsiorpoq.

**Kommuneqarfik Sermersuumi illit ilinniarnermut atatillugu suliffimmiittutut:**

·Pissanganarluinnartumik ineriartorfiusumi suliffeqarferujussuarmi peqataaneq

·Siammasissumik ilinniagaqalerneq meeqqat nerisaqarnerat pillugit

·Ullut assigiinngisitaartuussapput, illillu nammineerlutit suliassatit sunniuteqarfigisassavatit

·Inuppassuarnik assigiinngitsunik naapitsisarneq kiffartuussinerlu

·Inuiaqatigiit atugaat pillugit annertuumik paasisimasaqalerneq

·Attaveqaateqartuaannarneq

·Ilinniartut ilinniarnermullu atatillugu suliffimmiittut attaveqatigiittartut amerlasuut akornanniissaatit, ilaatigullu naapinnissassinnut misilittakkanillu paarlaasseqatigiittarnissassinnut periarfissaqassallusi

·Qaninnertut pisortarisamit kommunimilu ilinniartunik siunnersortimit ikorfartorneqarneq ilitsersorneqarnerlu

·Ilinniarnermut atatillugu suliffimmiittunut ataqatigiissaarisumik attaveqartarneq

**Ilinniartuunerpit nalaani angusaqarluarsimaguit, siunissami atorfinitsitaanissannut periarfissaqarluarsinnaavutit**

**Pingaartipparput:**

·Alapernaatsuussasutit nutaanillu ilikkagaqarnissamut sapiissuseqartuussasutit

·Suliassamik pissanganartumik peqataaffigerusutannik takugaangavit ujartuisutut peqataaniarsarisartuussasutit

·Kiffartuussiumalluartuusutit

·Suliassatit tamatigut piumassuseqarfigalugit, sulerusussuseqarfigalugit orniginartillugillu suliarinninniartuussasutit

·Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaassasutit

Kommuneqarfik Sermersooq ilinniarnermut atatillugu suliffimmiititsisinnaasui illoqarfiit tassaapput Nuuk, Paamiut aamma Tasiilaq.

Taakkununnga arlaannut ilinniarninnut atatillugu suliffimmiinnissannut soqutiginnikkuit qinnuteqaatinni qullermi illoqarfik qinnuteqarfigisat allassavat, ilaatigullu immikkoortortaq sorleq soqutiginerlugu ilanngussinnaallugu.

**Meeqqerivik pillugu**

Puiaq ukiumikkut akuleriinnut paaqqinnittarfiuvoq, Puiaq illoqarfimmi inissisimavoq sissamut ungasinngitsoq illorsuit akornani inissisimalluni, pinngortitanut atassuteqarpoq meeqqamut aalaffiulluarsinnaasoq, 2005-mi ammarneqartoq.

Meeqqanut inissat 64-nut amerlassusilerneqarput.

Illu quleriiuvoq meeqqat ininut sisamanut agguaallutik. Meeraaqqeriviit init marluk 24-nik meerartallit, meeqqerivik init marluk immikkut 20-inik meerartalik. Sulisullu 15-it.

Paaqqinnittarfitta ilisarnaataa aamma anguniakkagut pillugit uani annermik atuagassaqarpoq: sermersooq.gl

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Nielsine Lange, oqarasuaat +299 36 68 83 imaluunniit e-mail: ks40nila@sermersooq.gl imaluunniit uunga: Tullersorti Maja Marie Nielsen, oqarasuaat +299 36 67 89 imaluunniit e-mail: ks09mani@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 802-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=802-26)

## Attaveqarfissaq

Maja Marie Nielsen / ks09mani@sermersooq.gl / 366788