---
title: "Pitsaassutsimik qulakkeerinninnermut immikkoortortaq kukkunersiuisussarsiorpoq"
description: "Pitsaassutsimik qulakkeerinninnermut immikkoortortaq kukkunersiuisussarsiorpoq"
date: "2026-08-31"
created: "2026-08-31"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pitsaassutsimik qulakkeerinninnermut immikkoortortaq kukkunersiuisussarsiorpoq](https://sermersooq.gl/suliffissat/inuttaqanngitsut/pitsaassutsimik-qulakkeerinninnermut-immikkoortortaq-kukkunersiuisussarsiorpoq)

Qinnuteqarnissamut periarfissarititaasoq

21/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Margrethe Møller / ks55mamo@sermersooq.gl

**Suleqatigiilluartuni kivitsisuniikkusuppit?**

**Kommuneqarfik Sermersooq Nuummi, Pitsaassutsimik qulakkeerinninnermut immikkoortortaq**

**Ulluinnarni innuttaasunut sunniuteqarluarlutit nuannaraajuk?**

Suliffeqarusuppit ineriartorsinnaallutit, immikkoortortamullu nukittuumut ineriartortumiikkusullutit? Suliffimmi nutaaliornermik, suleqatigiinnermik pitsaasumik, nammineq sunniuteqarsinnaanissamillu periarfissaqartumi sulerusuppit?

Taava immaqa illiuvoq tikilluaqqusassarput Pitsaassutsimik qulakkeerinninnermut immikkoortortaqarfimmi.

**Kikkuuvugut?**

Pitsaassutsimik qulakkeerinninnermut immikkoortortaqarfik tassaavoq immikkoortortaqarfik, Kommuneqarfik Sermersooq tamarmi misissuiffigisartussaassalluni – pitsaassuseq, ineriartornerlu salliullugit ingerlaartussaq. Maannakkorpiaq sulisut 3-it tunniusimasut sulisuupput, suliarippullu: Pisortanit ikiorsiissutit, suliffissarsiortunut ikiorsiissutit, siusinaartumik pensionisiat, utoqqalinersiallu.

Maani naammattussavatit:

·Suleqatigiit ikioqatigiilluartut

·Suliffeqarfik isumassarsianik tusarusuttoq

·Ulluinnarni assigiinngitsunik unamminartunik ineriartortitsinermillu periarfissartalik

·Aallarniinermik akisussaanermillu tigusisinnanermik inissaqartitsisoq

**Suliassat**

Sulisutut periarfissaqarpoq ineriartornissamut – aammalu immikkoortortap ineriartortinneqarneranut sunniuteqarnissamut. Suliassat ilagaat:

·Pitsaassutsinik misissuineq, ukununnga tunngasut: Pisortanit ikiorsiissutit, suliffissarsiortutut ikiorsiissutinik, siusinaartumik sulisinnaajunnaarnersiutisiallit, utoqqalinarsiallillu pillugit. Qulaani pineqartunut Kommuneqarfik Sermersuumi tamarmi atuupput

·Allaffissornermi sulianik sullissinermi misissuinerit attuumassuteqartut

·Ineriartortitsinermut suliniutinut peqataaneq, suleriaatsinillu pitsanngorsaaneq

·Suliassat ad hoc, tassani ilusilersueqataasinnaallutit

**Naatsorsuutigisagut ilinnut:**

Misilittagaqartumik peqataalluarsinnaasumik ataanilu makkunannga suliaqarluarsinnaasumik pissarsiorpugut:

·TNI-mi assingusumilluunniit ilinniagaqarsimasutit

·Systeminik arlalinnik atuisinnaanissaq

·Kisitsisinik suliaqarsinnaanissaq

·Alapernaatsoq, suleqataajumasoq, akisussaaffimmillu tigusisinnaasoq

·Allannikkut oqaatsitigullu ersarissumik attaveqarsinnaasoq

·Ulluinnarni ulapaarfimmiissinnaasoq, ikioqatigiissinnaasorlu

·Inussiarnersoq, aaqqissuussillaqqittumillu sulisartoq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

·Pitsaassaaq suliassaqarfimmi sullissinermik misilittagaqaruit aammalu IT (Getorganized, AX prisme aamma winformatik) misilittagaqarfigalugit, piumasaqaataanngilarli

**Neqeroorutigaarput**

·Suliffeqarfik pingaartumik isumalik, suliallu sunniuteqarluartut takusinnaallugu

·Suleqatigiinneq nukittooq avitseqatigiinnerlu, ineriartorfik, nuannersumillu ataatsimoorneq

·Inuttut aammalu suliaqarfimmi ineriartortitsinissamut periarfissat

·Ingerlaavartumik Immikkoortortaqarfik ineriartortoq, illillu allannguinissamut sunniuteqarfigisinnaasat

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: : Isumaginninnermut sullissivimmi siunnersuisunut aqutsisoq Margrethe Møller, oqarasuaat +299 36 75 17 imaluunniit e-mail: ks55mamo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 857-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=857-26)

## Attaveqarfissaq

Margrethe Møller / ks55mamo@sermersooq.gl