---
title: "Pitsaaliuinermut Suliniutinut Siunnersuisunullu katsorsaasoq"
description: "Pitsaaliuinermut Suliniutinut Siunnersuisunullu katsorsaasoq"
date: "2026-09-17"
created: "2026-09-17"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pitsaaliuinermut Suliniutinut Siunnersuisunullu katsorsaasoq](https://sermersooq.gl/suliffissat/inuttaqanngitsut/pitsaaliuinermut-suliniutinut-siunnersuisunullu-katsorsaasoq)

Qinnuteqarnissamut periarfissarititaasoq

8/10/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Ingelise Brandt / ks86inbr@sermersooq.gl

Kommuneqarfik Sermersuumi Pitsaaliuinermut Suliniutinut Siunnersortinullu Immikkoortortaq kajumissuseqarluartunik suliatigullu nukittuunik sisamanik katsorsaasussarsiorpoq.

Pitsaaliuinermut Suliniutinut Siunnersortinullu Immikkoortortaq kommunimi neqeroorutaavoq ilaatigut ikorfartuinermik, siunnersuinermik pitsaaliuinermillu meeqqanut, inuusuttunut ilaqutariinnullu suliniutinik suliaqarfiusoq. Sulinermi siusissukkut suliniuteqarneq, ilaqutariit ataatsimoornissaanik suliaqarneq tamakkiisumillu isiginnittumik aaqqiissuteqarnerit aallaavigineqarput ilaatigut atugarissaarneq, ineriartorneq attaveqarnerlu qitiutinneqarlutik.

Immikkoortortamiipput sulisut suliassaqarfimmi ilisimasallit assigiinngitsunillu piginnaasallit, taakkulu tamakkiisumik isiginnittumik aaqqiissuteqarniarnermi ilaqutariinnillu toqqissisimanartumik suleqatigiinnissaq anguniarlugu qanimut suleqatigiittarput. Ataqqinnittumik oqaloqatigiittarneq, attaveqarnerup suliarinera pitsaaliuisumillu ikorfartuineq pingaartitarineqarput.

Pitsaaliuilluni ikorfartuillunilu suliniuteqarnikkut ilaqutariit atugarissaarnerisa ineriartornerisalu nukittorsarneqarnissaat kiisalu meeqqat inuusuttullu sapinngisamik pitsaanerpaamik peroriartornerminni atugaqartinneqarnissaat immikkoortortami sulinermi siunertaavoq.

Atorfiit ulloq naallugu atorfiupput Pitsaaliuinermut Suliniutinut Siunnersortinullu Immikkoortortami aqutsisoq qaninnertut qullersarineqarluni.

Paasissutissat amerlanerusut uani takusinnaavatit: Kommuneqarfik Sermersooq

**Atorfiup imarisai**

Katorsaasunik misilittagalnnik pitsaaliuinermik ilaqutariinnullu tunngasunik suliaqartussanik suliassanillu makkuninnga suliaqartussanik pissarsiorpugut:

∙Meeqqanut, inuusuttunut ilaqutariinnullu katsorsaanermik ikorfartuinermillu ingerlatsineq
∙Ilaqutariinnik attaveqarnermik kajumissaarinermillu suliaqarneq
∙Siusissukkut paasinnittarneq pitsaaliuinermillu suliniuteqarneq
∙Iliuusissatut pilersaarusiorneq allagaasiornerlu
∙Suliffiup iluani avataanilu suleqatigisartakkanik akimut suleqateqarneq
∙Ataatsimiinnerni, attaveqaatit ataatsimiinnerini ataqatigiissaarinermilu peqataaneq
∙Pinasuartumik suliassanik suliaqarneq

Immikkoortortami sulisut allat kiisalu suleqatigisartakkat soorlu atuarfiit, meeqqeriviit, peqqinnissaqarfik isumaginnittoqarfiillu qanimut suleqatigalugit suliassat suliarineqartassapput.

**Qinnuteqaateqartunut naatsorsuutigisat**

∙Isumaginninnikkut naleqquttumik ilinniagaqarneq, soorlu isumaginninnermi siunnersorti, perorsaasoq allamilluunniit naleqquttumik ilinniagaq
∙Ilaqutariinnik katsorsaanermik, attaveqarluni suliaqarnermik isumaginninnikkulluunniit pitsaaliuinertalimmik suliaqarnermik misilittagaqarneq iluaqutaassaaq
∙Assigiinngitsunik suliallit akimorlugit suleqateqarnermik allagaasiortarnermillu misilittagaqarneq
∙Meeqqat, inuusuttut ilaqutariillu atugaatigut ineriartorneritigullu sulisutut paasisimasaqarfigineri

**Ilanngullugit pingaartippagut:**

∙Aalajaatsoq, akisussaaffimmik pitsaassutsimillu ilisimaarinnittoq
∙Namminersorlutit aamma suleqatigiit qanimut suleqatigalugit sulisinnaasoq
∙Attaveqallaqqissoq tutsuiginallaqqissorlu
∙Suleqatiginnillaqqissoq assigiinngitsunillu sulialinnik suleqateqarsinnaasoq
∙Erseqqissumik attaveqarsinnaasoq, oqaatsitigut allattariarsornikkullu
∙Ulluinnarni ulapaarfiusuni aaqqissuussaasumik sulisinnaasoq
∙Nikerartumik aaqqiissuseqartumillu sulisinnaasoq
∙Pitsaaliuinermik suliaqarnermi ineriartornermut pitsaasumik tunniussaqarsinnaasoq
∙Kalaallisut qallunaatullu oqaaseqarneq pitsaaqutaassaaq, piumasaqaataanngilarli

**Neqeroorutigaavut**

Suliffik pissanganartoq isumaqarluartorlu meeqqanut, inuusuttunut ilaqutariinnullu allannguinissamik periarfissalik. Immikkoortortami ineriartortumi suleqatit kajumissuseqarluartut, suliatigut siunersiueqateqarnissamut periarfissalimmi suliatigullu sunniuteqaqataanissamut periarfissalimmi suleqataalissaatit.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Ingelise Brandt, oqarasuaat +299 36 72 69 imaluunniit e-mail: ks86inbr@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 937-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=937-26)

## Attaveqarfissaq

Ingelise Brandt / ks86inbr@sermersooq.gl