---
title: "Pisortaqatigiit Allatseqarfiannut AC-fuldmægtigimik/Suliniutinut ataqatigiissaarisumik pissarsiorpoq"
description: "Pisortaqatigiit Allatseqarfiannut AC-fuldmægtigimik/Suliniutinut ataqatigiissaarisumik pissarsiorpoq"
date: "2026-11-16"
created: "2026-11-16"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pisortaqatigiit Allatseqarfiannut AC-fuldmægtigimik/Suliniutinut ataqatigiissaarisumik pissarsiorpoq](https://sermersooq.gl/suliffissat/inuttaqanngitsut/pisortaqatigiit-allatseqarfiannut-ac-fuldmaegtigimiksuliniutinut-ataqatigiissaarisumik-pissarsiorpoq)

Qinnuteqarnissamut periarfissarititaasoq

26/11/2026

Suliffik

Nuuk

Sumiiffik

Koncernservice

Attaveqarfissaq

Maritha Eugenius / ks89maeu@sermersooq.gl / 367014 / +299 523636

**Kommuneqarfik Sermersooq Pisortaqatigiit Allatseqarfiannut AC-fuldmægtigimik/Suliniutinut ataqatigiissaarisumik pikkorissumik sulisussarsiorpoq**

Kommuneqarfik Sermersuumi ineriartornermut suleqataallutit suliniutinik aqutseqataarusuppit ataqatigiissaarillutillu?

Aaqqissuussaasumik suleriaaseqarpit, misissueqqissaarnermut piginnaasaqarlutit aamma suliniut siuariartornerannik pilersitsillaqqissuullutit? Suliniutinik aqutsinernit pisortatullu allaffissornermik misilittagaqarpit, aamma kommunip pilersaarusiukkamik anguniagaanit angusanut aalajangersimasunut allanngortitseqataanissamik kissaateqarpit? Taava immaqa illit tassaavutit Pisortaqatigiit Allatseqarfianni suliniutinut ataqatigiissaarisutut suleqatissarput nutaaq.

Pisortaqatigiit Allatseqarfiat suliffeqarfiuvoq kajuminnartoq aamma suliassaqarfimmik peqqissaarussisoq qaffasissunik anguniaqarfiusoq. Pisortaqatigiit Allatseqarfianni ulluinnaat allanngorartuupput suliassallu unammillernartarlutik, ilaanni pisut sukkasuumik pisarput aamma piffissaalatitsilluni suliassat naammassisassaasarput sulianut, inatsisinut aamma aningaasaqarnermut tunngavissat pitsaasut najoqqutaralugit.

Pisortaqatigiit Allatseqarfianit Kommunalbestyrelsimi, nunaqarfimmi siulersuisut aamma najukkami ataatsimiititaliat qinikkat politikkikkut sullinneqarnerat isumagineqarput, soorluttaaq kommunimi aqutsisut sinnerisa sullinneqarnerannut akisussaaffik tassaniippoq.

Suliniummut ataqatigiissaarisutut suliassaqarfiit assigiinngitsut suliniutaasa ataqatigiissaarneqarnerat ingerlanneqarnerallu suliarissavatit taamatullu Illoqarfiit pingaarnersaannut pilersaarutinik atulersitsinermik suliaqarnermi qitiusumik atuuffeqassaatit. Suliassaqarfiit assigiinngitsorpassuit aamma kommunitut suliffeqarfissuarmi aqutsisut assigiinngitsunik qaffasissusillit suleqatigissavatit, taamatullu suliniutit pilersaarutaasut iliuuserisanut angusanullu aalajangersimasunut allanngortinneqarnerannut qulakkeerinneqataallutit.

**Immikkoortortami aqutsisoq suleqatigalugu suliassatit sukumiinerusumik aalajangersarneqassapput, ilaatigut makkuusut:**

·Suliassaqarfiit assigiinngitsut ataatsimoortumik suliniutaannik aqutsineq ataqatigiissaarinerlu

·Suliniutit isumassarsiaanerminnit atuutsinneqalernerannut pilersaarusiorneq, ataqatigiissaarineq aamma malittarinninneq

·Illoqarfiit pingaarnersaannut pilersaarummi anguniakkat atuutsilersinneqarnerat

·Siuariartornermik, suliniutinut suliat tamakkiisuunerannik ataqatigiinnerannillu qulakkeerinerit

·Aqutsisunik kiffartuussisarnerit

·Suliamik saqqummiussinernik, misissueqqissaarnernik, nalunaarusianik, tusarniaanermi akissutinik, allakkanik attaveqaqatigiinnermillu sulianik ingerlatsinerit

·Sulianik takkussuuttunik aaqqiissuteqarneq kiisalu allatseqarfiup suliaasa sinnerinik pisariaqartitsisoqartillugu peqataaneq

**Naatsorsuutigaarput, illit:**

·Ilinniartitaanermik ingerlaqqiffiusumik naleqquttumik naammassinnissimasutit

·Suliniutinik aqutsinermit pisortanilu allaffissornermik misilittagaqartutit

·Suleqatigiinnermut attaveqaqatigiinnermullu pitsaasunik piginnaaneqartutit aamma akisussaaffeqarneq nalerisimanerigitit

·Suliniutinik pilersaarusiornermik, ataqatigiissaarinermik ingerlatsinermilu namminersorsinnaallutit sulisinnaasutit

·Ulluinnarni suliassanik assigiinngitsorpassuarnik ataatsikkoortumillu ingerlasunik aaqqissuussisinnaasutit, pingaarnersiuillutit tamakkiisumillu paasinnissinnaallutit

·Misissueqqissaarnermut pitsaasunik piginnaasaqartutit aamma pilersaarusiornikkut anguniakkanik suliassanut aalajangersimasunut allanngortitsisinnaasutit

·Suliassaqarfinnik assigiinngitsunik suleqateqarsinnaasutit aamma kommunitut suliffeqarfissuarmi qaffasissutsini assigiinngitsuni suleqateqarsinnaasutit

·Inussiarnersuusutit, aaqqiissutissarsiortuusutit aamma pitsaasumik pilersitserusussutsimillu eqqarsariartaaseqartutit

**Neqeroorutigaavut:**
Ulluinnaat assigiinngisitaartut pissanganartullu kommunimi politikkikkut allaffissornikkullu aalajangiinerit ingerlatsinerillu qanillugit sulissaatit, pilersaarutinik siunnerfilinnik ineriartortitsinermut atulersitsinermullu illit sunniuteqaqataasinnaallutit.

Suliffeqarfimmi kajuminnartumi suliassaqarfimmilu peqqissaarussisumi ilanngutissaatit maani sulisut pikkorissuupput soqutiginnittuullutillu, tamarmik sullivimmi avatangiisit pitsaasuunissaannut tunniussaqaqataapput suleqatigiittuut ataqatigiilluarneq akuersaartuunerlu atugaapput.

Ilanngullugu neqeroorutigaarput suliffik unammillernartoq namminerisamik akisussaassuseqarnissamut periarfissalik, nammineq suliassanut sunniuteqarsinnaaneq aamma maani suliassaqarfiit allat suleqatigalugit illit suliassaqarfimmut piginnaasatit atorluarneqarsinnaapput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Maritha Eugenius, oqarasuaat +299 36 70 14 imaluunniit e-mail: ks89maeu@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1206-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1206-26)

## Attaveqarfissaq

Maritha Eugenius / ks89maeu@sermersooq.gl / 367014 / +299 523636
