---
title: "Pingajeqqad isumaginninnermi ikiortimik pissarsiorpoq "
description: "Pingajeqqad isumaginninnermi ikiortimik pissarsiorpoq "
date: "2026-11-02"
created: "2026-11-02"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pingajeqqad isumaginninnermi ikiortimik pissarsiorpoq](https://sermersooq.gl/suliffissat/inuttaqanngitsut/pingajeqqad-isumaginninnermi-ikiortimik-pissarsiorpoq)

Qinnuteqarnissamut periarfissarititaasoq

23/11/2026

Suliffik

Tasiilaq

Sumiiffik

Forvaltning for Børn og Skole

Attaveqarfissaq

Kista Marie T. Nikodemussen / ks11kini@sermersooq.gl

Isumaginninnermi ikiorti suliamut tunngatillugu anguniagaqarluartut, nukissaqarluartut piumassuseqarluartullu ilaanut akuleriinik meeqqerivik Pingajeqqad ujartorparput.

Illiua meeqqanut attaviginnilluartartoq qanilaarnermillu tunniussilluarsinnaasoq?

Taamaappat illiusimassaaq akuleriinnik meeqqerivik Pingajeqqad -ni isumaginninnermi ikiortitutatorfimmmut ujartugarput.

 Akuleriinnik meeqqerivik Pingajeqqad meeqqanut 88-inut 0 – 6 ukiulinnut inini 6-inni agguataaqqasuni inissaqarpoq. Meeqqerivik Tasiilamiippoq aamma 22-nik sulisoqarluni, aqutsisoq ilanngullugu.

Ammarsarfiit: Ataasinngornermiit tallimanngornermut nal: 7:00 – 17:00

**Ilisarnaatigaarput :**

-Attaveqaqatigiilluarneq

-Toqqissisimatitsineq

-Tatigeqatigiinneq

-Akuersaartuuneq

**Anguniagaraarput :**

Pilersissallugit suleqatigiit akulerulluarsimasut, tunniussimalluartut, persorsaanermullu tunngasut ineriartortinnissaanut anguniaqaqatigiittut, attaveqaqatigiinnikkut suleqatigiinnikkullu sulisut immikkut piginnaaneqarfii pingaartillugit anguniakkanut inissaqartitsinikkut atorluarnerisigullu meeqqanut inerikkiartuutaasumik sunniuteqaqatigiinnissaq.

Meeqqanut Atuarfeqarnermullu Ingerlatsiviup Meeqqat alapernaatsut, tatitussusillit, peqqissut nuannaartullu pilersinnissaat anguniagaraa. Anguniakkat anguneqarnissaannut illit aqutsisoq qanimut suleqatigalugu ukkatarinissai naatsorsuutigineqarpoq

**Ujartorparput**

∙Isumaginninnermi ikiortitut ilinniarsimasoq

∙Qanilaasuseqarlutik tikilluaqqusillutit inissaqartitillutik akuersaartumik anngajoqqaanut meeqqanullu sullisisinnaassaatit

∙Suliffeqarfimmi, pinnguarnermik, aalasarnermik oqaatsinillu ineriartortitsinermik qitiutitsisumi sulerusussuseqarputit aamma taakku, perorsaanikkut sammisaqartitsinikkut, ineriartortikkusuppatit

∙Tamakkiisumik isiginnillaqqissuussasutit aamma suleqatiginnillaqqittutit

∙Tunuarsimaanat suliassamik tigusisinnaassaatit akisussaaffik-llu

∙Tamatigoortuunissat unneqqarissuunissallu Ammasuunissallu toqqissisimanermillu pilersitsisinnaanissat naatsorsuutigissavarput

**Illoqarfimmi meeqqat nuannernerpaat saniatigut neqeroorutigisinnaavarput:**

∙Suleqatit tamatigoortut

∙Pissanganartumik ataatsimooqatigiilluni ineriartorfiusumi peqataaneq

∙Angajoqqaat meeqqamik ulluinnaannik soqutiginnittut

∙Suliffimmi avatangiisit pitsaasut, quianarsinnaasunut illarnermullu inissaqartitsisut

Meeqqanut Atuarfeqarnermut Ingerlatsivik ulluunerani neqeroorutinut naleqquttunik ingerlaavartumik pikkorissartitsinissamut neqerooruteqartoqartarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Kista Marie T. Nikodemussen, oqarasuaat +299 36 77 48 imaluunniit e-mail: ks11kini@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1139-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1139-26)

## Attaveqarfissaq

Kista Marie T. Nikodemussen / ks11kini@sermersooq.gl