---
title: "Pillorissaasut suleqatigiit timimik sungiusaasumik pissarsiorput"
description: "Pillorissaasut suleqatigiit timimik sungiusaasumik pissarsiorput"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pillorissaasut suleqatigiit timimik sungiusaasumik pissarsiorput](https://sermersooq.gl/suliffissat/inuttaqanngitsut/pillorissaasut-suleqatigiit-timimik-sungiusaasumik-pissarsiorput)

Qinnuteqarnissamut periarfissarititaasoq

18/8/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Heidi Paneeraq Møller / ks05hemo@sermersooq.gl / 367368

**Kommuneqarfik Sermersuumi inersimasunut sullissinermi pillorissaasut suleqatigiit timimik sungiusaasumik pissarsiorput.**

Timimik sungiusaasumik pissarsiorpugut ajornanngippat 1 oktobari 2026-imi imaluunniit taassuma kingornagut piaartumik atorfinittussamik.

Nuummukarusuppit tamaanilu eqimattat sungiusarnerpassuinik suliaqarlutit, taava atorfik una immaqa ilinnut piukkunnarpoq.

Timimik sungiusaasut suleqatigiiuvugut Kalaallit Nunaannut pinngortitaq kuturilu kusanartut misigisassarsiorfigiartorlugit misigisassarsioriartortut aammalu maanngarnissamik qangalili takorluugaq piviusunngortikkiartorlugu. Inuit tikilluaqqulluarnissaat pingaartitaraarput aammalu innuttaasut qanorluunniit ukiullit timikkut, eqqarsartaatsikkut, malugissutsikkut aamma/imaluunniit tarnikkut ataavartumik piginnaasakillisimasut ulluinnarni nammineersinnaassuseqarnerat anguniarlugu suleqataavugut.

**Taamaaliortarpugut ilaatigut ima suliaqarluta:**

∙Piginnaanernik attassiinnartitsinermik sungiusaaneq, ataasiakkaarinikkut holdikkaartumilluunniit.

∙Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu.

∙Isumaqarluartunik sammisassaqartitsinikkut ulluinnarni piginnaasanik sungiusaaneq.

Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqat, Inersimasut, Piginnaanngorsaqqiineq aamma Innarluutilinnik Tarnimikkullu napparsimasunik suliassaqarfik, kiisalu pillorissaasoq ataaseq teknologii atorlugu isumaginninnermi suliniutinut immikkut akisussaavoq. Suliassamik pissanganartumik tamatigut naammattuugaqartarpugut aammalu maani sulinitsinni ataatsimoornermik misigilersinneqartarpugut.

Ulluinnarni Nuummi suliffeqassaatit.

Suliaqarfiit assigiinngitsut qanimut suleqatigalugit illit Kommuneqarfik Sermersuumi suleqatigiit peqatigalugit inersimasunut/utoqqarnut suliassaqarfimmik ineriartortitseqataarusullutit sunniuteqaqataarusukkuit, taava illiuvoq uagut suleqatigerusutarput!

Atorfik Nuummi allaffeqarfimmi ataatsimoorussami ulloq naallugu sapaatip akunneranut 40 tiimit suliffiuvoq.

**Timimik sungiusaasup suliassai:**

∙Sammisassaqartitsivinni, utoqqaat illuini angerlarsimaffinnilu piginnaasanik attassiinnarnissaq siunertaralugu sungiusarneq. Immaqalu naluttarfimmi sungiusarneq

∙Sungiusarnermut, ilitsersuinermut naliliinermullu tunngasunik angerlarsimaffimmut pulaarnerit

∙Iluaqusersuutissanik aamma inigisami allannguinernut qinnuteqaatinik suliaqarneq

∙Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq

∙Suliassaqarfinnut allanut, kommunip utoqqarnik paaqqutarinniffiini sammisassaqartitsiviinilu suleqatigilluartakkani paasissutissanik ingerlatitseqqiillaqqissoq

∙Allaffissornikkut suliassat

∙Susassaqarfiit arlallit suleqatigiinnerat

∙Pillorissaasut aamma timimik sungiusaasut suleqatigiinni suliassaannik kivitseqataaneq

**Pisariaqartitarput tassaavoq:**

∙Timimik sungiusaasoq ilinniarsimasoq

∙Ajornanngippat utoqqarnut suliassaqarfimmi misilittagalik

∙Nammineersinnaassuseqarneq sulinermilu nammineq aaqqissuussisinnaaneq

∙Isumassarsiullaqqissuusutit, iliuuseqarusussuseqartoq sulianullu eqqarsallaqqissuseqarneq

∙Kulturini assigiinngitsuniissinnaaneq

∙Sungiussianeq aamma allanngueriaannaassuseqarneq

∙Suleqatigiinnut suleqataalluarneq, ammasoq inissaqartitsilluarnerlu

∙Ingerlatitseqqiilluarsinnaaneq - suleqatigiinnullu allanut ilinniartitsilluarsinnaaneq

∙Ajornanngippat iluaqusersuutinik misilittagaqarneq.

**Neqeroorutigivagut:**

∙Pitsaasumik ilisarititsineq

∙Suliffeqarfik pissanganartoq illit annertuumik sunniuteqarfigisinnaasat

∙Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq

∙Suliassat assigiinngiiaartut pissanganartullu

∙Suleqatit pikkorissut piumassusillillu

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pillorissaasut aamma timimik sungiusaasut suleqatigiinni aqutsisoq Heidi Paneeraq Møller, oqarasuaat +299 27 49 85 imaluunniit e-mail: ks05hemo@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 707-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=707-26)

## Attaveqarfissaq

Heidi Paneeraq Møller / ks05hemo@sermersooq.gl / 367368