---
title: "Pillorissaasut aamma timimik sungiusaasoqatigiit paarlatsinik marlunnik pissarsiorpoq"
description: "Pillorissaasut aamma timimik sungiusaasoqatigiit paarlatsinik marlunnik pissarsiorpoq"
date: "2026-08-24"
created: "2026-08-24"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pillorissaasut aamma timimik sungiusaasoqatigiit paarlatsinik marlunnik pissarsiorpoq](https://sermersooq.gl/suliffissat/inuttaqanngitsut/pillorissaasut-aamma-timimik-sungiusaasoqatigiit-paarlatsinik-marlunnik-pissarsiorpoq)

Qinnuteqarnissamut periarfissarititaasoq

14/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Heidi Paneeraq Møller / ks05hemo@sermersooq.gl / 367368

Kommuneqarfik Sermersooq, Nuummi Pillorissaasut aamma timimik sungiusaasoqatigiinnut paarlatsinik marlunnik pissarsiorpoq, ulloq 1. Novembari 2026 taassumaluunnit kingorna aallartissinnaasunik.

Timimik sungiusaasutut imaluunniit pillorissaasutut ilinniagaqarpit imaluunniit Nuummukarusuppit kommunimilu pillorissaasutut imaluunniit timimik sungiusaasutut qaammatini sisamani sulerusuppit, taamaappat una immaqa ilinnoorpoq!

Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqanik suliassaqarfik, Inersimasunik suliassaqarfik, Piginnaanngorsaqqiinermut aamma Innarluutilinnik suliassaqarfik & tarnimikkut innarluutilinnik suliassaqarfik inuunerissaarnerulernissamut teknologiimik atortorissaarutinut tunngasunik immikkut ittumik akisussaaffilik.

Pillorissaasut aamma timimik sungiusaasut suleqatigiit innuttaasut qanorluunniit ukioqaraluartut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unammillernartitaminnik namminersorsinnaanerulernissaannut suleqataapput. Taamaaliortarpugut ilaatigut piginnaanernik ulluinnarsiutaasunik siunertaqarluartunik sammisaqartitsinerit aqqutigalugit. Piginnaanernik attassiinnartitsinermik sungiusaaneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu.

Ineriartornermik ingerlatsinermik aallartitseqqammerpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersuineq.

Suliaqarfiit assigiinngitsut qanimut suleqatigalugit illit Kommuneqarfik Sermersuumi suliassat assigiinngitsut pissanganartut suleqataaffigerusuppigit aamma holdinik sungiusaaqataasalerusuppit, taava illiuvoq uagut suleqatigerusutarput!

Atorfik ullormut suliffiusussaq tamaat suliffiuvoq (nal. ak. 40-t) Nuummilu ataatsimut allaffeqarluni, ullut tassanngaaniit aallartittassaaq.

**Sungiusaasup suliassai:**

∙Suliatigut nalilersuinerit misissuinerillu

∙Innuttaasup angerlarsimaffiani, sungiusartarfimmi, naluttarfimmi il. il. piginnaanernik attassiinnarnissaq siunertaralugu eqaarsaartitsineq

∙Sungiusarnermut, ilitsersuinermut naliliinermullu tunngasunik angerlarsimaffimmut pulaarnerit

∙Qinnuteqaatinik suliaqarneq iluaqusersuutissanik aamma inigisami allannguutit

∙Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq

∙Sullitanik ataatsimeeqateqarneq, ilaqutaasunik aammalu suleqatigisartakkanik assigiinngitsunik ataatsimeeqateqartarneq

∙Innuttaasunut aamma suleqatigisartakkanut allakkatigut oqaatsitigullu siunnersuineq ilitsersuinerlu

∙Uppernarsaatit

∙Allaffissornikkut suliassat

∙Susassaqarfiit arlallit suleqatigiinnerat

**Pisariaqartitarput tassaavoq:**

∙Timimik sungiusaasutut pillorissaasutulluunniit ilinniagaqarsimasoq

∙Kommunimi sungiusaanermut aamma iluaqusersuutinut tunngasunik misilittagalik

∙Assigiinngitsunik sulialinnik suleqatigiittarnermik misilittagalik

∙Iluaqusersuutinut tunngasunik ilisimasalik

∙Nammineersinnaassusilik sulinermilu nammineq aaqqissuussisinnaasoq

∙Isumassarsiullaqqissoq, iliuuseqarusussuseqartoq suliatigullu inissilluarsimasoq

∙Kulturini assigiinngitsuniissinnaasoq

∙Pissutsinut allanngorarsinnaasunut tulluarsarsinnaasoq

∙Suleqatigiinnut suleqataalluartoq, ammasoq inissaqartitsilluartorlu

∙Ingerlatitseqqiilluarsinnaasoq - suleqatigiinnullu allanut ilinniartitsilluarsinnaasoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Uagut neqeroorutigaavut:**

∙Pitsaasumik ilisarititsineq

∙Suliffeqarfik pissanganartoq illit annertuumik sunniuteqarfigisinnaasat

∙Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq

∙Suliassat assigiinngiiaartut pissanganartullu

∙Suleqatit pikkorissut piumassusillillu

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqartut upperivarput. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pillorissaasut aamma timimik sungiusaasut suleqatigiinnut aqutsisoq Heidi Paneeraq Møller, oqarasuaat +299 37 49 85 imaluunniit e-mail: ks05hemo@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 821-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=821-26)

## Attaveqarfissaq

Heidi Paneeraq Møller / ks05hemo@sermersooq.gl / 367368