---
title: "Perorsaasut marluk Maligiamut"
description: "Perorsaasut marluk Maligiamut"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Perorsaasut marluk Maligiamut](https://sermersooq.gl/suliffissat/inuttaqanngitsut/perorsaasut-marluk-maligiamut)

Qinnuteqarnissamut periarfissarititaasoq

28/8/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Pipaluk Gedionsen-Steenholdt / ks27pige@sermersooq.gl

*Nuummi meeqqerivimmi angisuumi meeraaqqeriviutigalunilu meeqqeriviusumi meeqqat toqqissisimanartumik, ineriartorfiusumik isumaqarluartumillu ulluinnarni atugaqarnissaannik pilersitseqataarusuppit?*

**Atorfik pillugu**

Maligiaq perorsaasunik marlunnik tunniusimasunik, suliaminnik ilisimasaqarluartunik perorsaanermilu sulinermut aktiivimik peqataasussanik pissarsiorpoq. Meeqqat atugarissaarnissaat, ineriartornissaat, ilinniarnissaat inuttullu inerikkiartornissaat tapersersussavatit. Sulinermi ataatsimoorfiusumi, attaveqatigiinnerit pitsaasut, sinaakkutit ersarissut angajoqqaanillu qanimut suleqateqarneq ulluinnarni sulinermi tunngaviupput.

Meeqqat ulloq tamaat ataqatigiissumik, toqqissisimanartumik qanilaartumillu atugaqarnissaat anguniarlugu sulivugut. Sammisassat ilusilersornissaannut Maligiallu perorsaanikkut suleriaasiata ineriartortinnissaanut sunniuteqarnissamut periarfissaqassaatit.

**Suliassatit pingaarnerit**

·Meeqqat eqimattat pisariaqartitaat aallaavigalugit perorsaanikkut sammisanik ineriartuutaasunik pilersaarusiorneq, ingerlatsineq naliliinerlu

·Sinaakkutinik toqqissisimanartunik, peqataatitsisunik siumut naatsorsuutigineqarsinnaasunillu pilersitsineq kiisalu meeqqat inersimasullu akornanni attaveqatigiinnernik pitsaasunik tapersersuineq

·Meeqqap ataasiakkaap atugarissaarnera ineriartorneralu malinnaaffigalugit nakkutigineqarnerat kiisalu perorsaanikkut ataatsimoorussamik eqqarsaatersornermi suliamut tunngasumik peqataaneq

·Angajoqqaat, suleqatit, aqutsisut suliamullu attuumassuteqartumik assigiinngitsunik suliallit ataqqinnittumik aaqqiissutissarsiorfiusumillu suleqatigineqarnerat.

·Aaqqissuussinermut, ileqqunut pitsaasunut, peqqinnartunik nerisaqarnermut, eqqiluisaarinermut silamilu aktiivimik inuunermut peqataaneq

·Sulisut ataatsimiinneranni, suliamut tunngasunik oqallinnerni meeqqeriviullu suleriaasiata ineriartortinneqarnerani aktiivimik peqataaneq

**Perorsaanikkut ilisarnaativut**

Maligiaq meeraaqqerivimmi meeqqerivimmilu meeqqanut ininik arfinilinnik eqaatsumik aaqqissuunneqarsinnaasunik imaqarpoq. Pingaartippavut:

·Toqqissisimaneq attaveqatigiinnerillu pitsaasut meeqqap ineriartorneranut tunngaviunissaat

·Ullut tamaasa silamiinneq silaannarissumilu pinnguarneq

·Nerisat peqqinnartut, eqqiluisaarneq pitsaasoq perorsaanermilu ileqqut aalajangersimasut ilisarnartullu

·Meeqqat nammineersinnaassutsiminnik, alapernaassutsiminnik, nukittussutsiminnik nuannaarneranillu ineriartortitsinissaat

·Meeqqat tamarmik peqataaffigisinnaasaannik ataatsimoorfeqarneq, meeqqallu tamarmik ilaasutut misigiffigisaat

**Illit uku piginnaaneqarfigigukkit pissarsiorpatsigit**

·Perorsaasutut ilinniagaqarsimasutit

·Akisussaaffimmik tigusisinnaasutit, nammineerlutit sulisinnaasutit peqatigisaanillu ataatsimoornermi aktiivimik peqataasinnaasutit

·Suliamut tunngasunik alapernaatsutit perorsaanermullu tunngasunik oqallinnerni pitsaasumik peqataarusussuseqartutit

·Meeqqanik suliaqarninni isumassuisuusutit, aalajaatsutit, qanilaartutit erseqqissumillu periuseqartutit

·Ulluinnarni ulapaarfiusumi allanngorartumilu eqaatsumik suleriaaseqarsinnaasutit allannguinissamullu piareersimasutit

·Meeqqat, angajoqqaat suleqatillu ataqqinnittumik suliamullu naleqquttumik attaveqarfigisinnaagitit

·Kalaallisut danskisullu piginnaasaqarluarneq iluaqutaassaaq, piumasaqaataananili

**Neqeroorutigaarput**

·Ulluinnarni sammisassanut meeqqeriviullu ineriartortinneqarneranut suliamut tunngasumik sunniuteqarnissamut periarfissalik suliffik

·Sulisut atugarissaarnerannik, suliffimmi avatangiisinik suleqatigiitullu pitsaasumik ataatsimoornermik pingaartitsineq

·Meeqqat assigiinngisitaartut kiisalu ulluinnarni akisussaaffeqarnermik, allanngorassutsimik isumaqarluartunillu attaveqatigiinnermik imalik

**Maligiaq pillugu**

Meeraaqqeriviutigaluni meeqqerivik Maligiaq naluttarfimmut Malimmut qanittumiippoq pisuttuarnissamullu periarfissaqarluarpoq. Meeqqat 96-it ininut arfinilinnut agguagaallutik inissaqartinneqarput: meeraaqqerivimmi meeqqat 0–2½-nik ukiullit 36-t ininut pingasunut, inimi ataatsimi meeqqat 12-it, kiisalu meeqqerivimmi meeqqat 2½–6-inik ukiullit 60-it ininut pingasunut, inimi ataatsimi meeqqat 20-t.

Aqutsisup saniatigut inini tamani sulisut pingasut sulisorineqarnissaat aalajangersagaavoq, aqutsisup tullia sulisut amerlassusissaannut ilaalluni, kiisalu igaffimmi eqqiaanermilu sulisoqarpoq. Meeqqerivik ataasinngornermiit tallimanngornermut nal. 07.00–17.00 ammasarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Pipaluk Gedionsen-Steenholdt, oqarasuaat +299 36 64 80 imaluunniit e-mail: ks27pige@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 754-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=754-26)

## Attaveqarfissaq

Pipaluk Gedionsen-Steenholdt / ks27pige@sermersooq.gl