---
title: "Peqqissutsimut pitsaaliuinermullu siunnersortitut atorfimmut ernereernerup kingorna taartaasoq"
description: "- Allagarsiuteqqitaq"
date: "2026-09-25"
created: "2026-09-25"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Peqqissutsimut pitsaaliuinermullu siunnersortitut atorfimmut ernereernerup kingorna taartaasoq](https://sermersooq.gl/suliffissat/inuttaqanngitsut/peqqissutsimut-pitsaaliuinermullu-siunnersortitut-atorfimmut-ernereernerup-kingorna-taartaasoq)

Qinnuteqarnissamut periarfissarititaasoq

16/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Rena Kriegel Mikkelsen / ks17rekr@sermersooq.gl

**Meeqqanut Atuarfeqarnermullu Ingerlatsivik - Kommuneqarfik Sermersooq**

Kommunitsinni meeqqat inuusuttullu pitsaasumik inuuneqarnissaannut pitsaanerpaanik atugassaqartitaanissaat suleqataaffigerusuppiuk? Atuartitsinermik paasissutissiinissamillu misittagaqarpit – aamma peqqissutsimik siuarsaanermik pinaveersaartitsinermillu sulissuteqarusuppit?

Taava immaqa Ineriartortitsinermut, Peqqinnermik Siuarsaanermut Pitsaaliuinermullu Immikkoortortami ernereernerup kingorna taartaasussaraatsigit.

**Atorfik pillugu**

Peqqissutsimut pitsaaliuinermullu siunnersortitut atorfimmut ernereernerup kingorna taartaasussamik pissarsiorpugut. Immikkoortortami Kommuneqarfik Sermersuumi meeqqat inuusuttullu akornanni atugarissaarnerulernissaat, ilikkalertornissaat ineriartornissaallu anguniagaralugit suliaqartumi suleqataassaatit.

Peqqissutsimut pitsaaliuinermullu siunnersortitut sulinerni meeqqanut qanimut sullissisut peqqinnissamik siuarsaanermi pitsaaliuinermilu suliaqarnerannut ikorfartuissaatit. Suliniutit siammasipput ilaatigullu imaralugit:

∙Eqqarsartaatsikkut peqqissuuneq

∙Pimmatiginninnerup pinaveersaartinnissaa

∙Kinguaassiornikkut peqqinneq

∙Nerisaqarneq timimillu aalatitsineq

∙Aanngajaarniutinik atuilernissamut pitsaaliuineq

Atuarfiit, ulluunerani neqeroorutit, klubbillu qanimut suleqatigalugit najukkami pisariaqartinneqartut aallaavigalugit atuartitsinissat, saqqummiussinissat ineriartortitsinissallu pilersaarusiaralugillu ingerlatissavatit.

Kommunip illoqarfiini nunaqarfiinilu angalasarnissaq naatsorsuutigineqarsinnaavoq.

**Illit suliassatit**

∙Atuartitsinerit, ingerlatsinerit sammisassallu pilersaarusiarissavatit, ingerlatissavatit nalilersorlugillu

∙Suliniutit pisariaqartitanik, paasissutissanik, ilisimatusarnermik aamma ingerlatsiviup anguniagaanik tunngaveqarnissaat qulakkiissavatit

∙Suleqatit attuumassutillit suleqatigisassavatit (ass. politiit, Paarisa, peqqinnissaqarfik pinerluttunullu isumaginnittoqarfik)

∙Ilisimasannik suliamik ilisimasalinnut, meeqqanut, inuusuttunut angajoqqaanullu ingerlatitseqqiisassaatit

**Ilinnut tunngasut**

Pingaartipparput illit:

∙Atuartitsinermik paasissutissiisarnermilluunniit misilittagaqartutit katersuussimasullu saavaniinnissannut nuannarisaqartutit

∙Naleqquttumik ilinniagaqartutit (ass. perorsaanermik, ilinniartitsisutut, isumaginninnermik imaluunniit peqqissutsimut suliassaqarfimmut tunngasumik ilinniagaliuvutit)

∙Kalaallini inuiaqatigiinni pissutsinik ilisimasaqartutit

∙Inunnut allanut akuersaartumik ataqqinnittumillu saaffiginnittariaaseqartutit

∙Kalaallisut danskisullu oqaatsit atorluarsinnaagitit

**Ingerlatsivik pillugu**

Ineriartortitsinermut, Peqqinnermik Siuarsaanermut Pitsaaliuinermullu Immikkoortortami suleqatigiinnut ilaalissaatit, tassanilu sulisuupput:

∙Ineriartortitsinermut pisortaq

∙Peqqissutsimut pitsaaliuinermullu siunnersortit pingasut

∙Suliatigut aqutsisoq

Ineriartortitsinermi aqutsisoq qaninnertut pisortarissavat

**Neqeroorutigaavut**

∙Suliffik isumaqarluartoq meeqqat inuusuttullu atugarissaarnerannut pingaaruteqaqisoq

∙Suleqatit sulilluartut pikkorissullu

∙Suliatigut ineriartortitsinissamut periarfissalik

∙Suliffik atugarissaarnermik suleqatigiinnermillu qitiutitsisoq

Ulluinnarni annertuumik allanngorartoqarsinnaasartoq suleqaterpassuaqarfiusorlu

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ineriartortitsinermut pisortaq Rena Kriegel Mikkelsen, oqarasuaat +299 55 85 23 e-mail: ks17rekr@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 977-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=977-26)

## Attaveqarfissaq

Rena Kriegel Mikkelsen / ks17rekr@sermersooq.gl