---
title: "Pensionisianik sullissinermi fuldmægtigi"
description: "Pensionisianik sullissinermi fuldmægtigi"
date: "2026-08-19"
created: "2026-08-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pensionisianik sullissinermi fuldmægtigi](https://sermersooq.gl/suliffissat/inuttaqanngitsut/pensionisianik-sullissinermi-fuldmaegtigi)

Qinnuteqarnissamut periarfissarititaasoq

8/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Margrethe Najaaraq Kleist / ks79mana@sermersooq.gl

Kommuneqarfik Sermersooq pikkorissumik kajumissuseqarluartumillu Isumaginninnermut sullissiviup ataani Pensioninut tunngasunut immikkoortortami fuldmægtigissarsiorpoq 1. oktober 2026 tamatumaluunniit kinguninngua atorfinittussamik.

Maanna pensionilerisut 8-upput, tassanilu utoqqalinersiat, siusinaartumillu utoqqalinersiallit inatsisit atuuttut malillugit aammalu suliani ataasiakkaani innuttaasut ataasiakkaat pisariaqartitaanik nalilersuinermi aallaavigineqartut malillugit sullissineq.

Pensionisianik sullissinermi immikkoortortaq Isumaginninnermi sullissiviup ataaniippoq, tassanilu susassaqarfiit akimorlugit suliassaqartarpoq aammalu kommunip iluaniittunik avataaniittunillu arlalippassuarnik suleqateqartarluni.

Isumaginninnermut sullissivik maanna 30-t missaannik sulisoqarpoq, taakkulu assigiingitsunut tallimanik agguataakkanik suleqatigiiaaqarpoq – pensionisialinnut aningaasaqarnerannullu immikkoortortaq, isumaginninnermut sulialinnut, angerlarsimaffeqanngitsunut sullissisut aammalu pitsaassutsimut immikkoortortaqarfik.

Atorfik piffissaq suliffiusussaq tamakkerlugu suliffiuvoq, pensionisianik sullissinermi immikkoortortami aqutsisoq qaninnertut aqutsisoralugu.

**Atorfiup imaarisaa:**

Atorfik pingaarnertut qinnuteqaatinik takkussortunik suliaqarfiuvoq, ulluinnarnilu pensionisianik sullissisut allat peqatigalugit suliassanik assigiinngisitaarsinnaasartunik ataani allassimasunik suliaqartussamik pissarsiorpugut:

·Innuttaasunik siunnersuilluni ilitsersuillunilu sullissineq. Suleqatigiiuvugut qinnuteqaatinik assigiingitsunik suliaqartartut, ilaatigut pensionisialinnut aggerlutik, telefonikkut mailikkulluunniit assigisaanilluunniit saaffiginnillutik sullissineq

ingerlatitseqqinnerluunniit suliarisarpavut

·Siusinaartumik pensioniasianut utoqqalinersialinnullu tunngatillugu qinnuteqaatinik assigiinngisitaartunik sullissineq inatsisit, peqqussutit, kaajallaasitat nalunaarutillu atuuttut naapertorlugit sullissineq

·Suliassanik assigiingitsunik takkussuuttunik suliaqarneq

·Isumaginninnikkut sullissivimmi suliassat suleqatit qanimut suleqatigalugit ingerlanneqartarput, aamma utoqqarnik sullissivimmi, kiisalu avataaniittut suleqativut suleqatigalugit

**Tamatuma saniatigut naatsoruutigaarput pingaartillugulu, illit:**

·Allaffimmiutut, imaluunniit akademiimik ilinniagaqarsimanissat, imaluunniit socialrådgiverimik assigisaanilluunniit ilinniarsimasuussaatit

·Suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigit, naliginnaasumik atuisutut

·Ineriartortitsinermik sullissilluarnermillu pingaartitsisuusutit

·Suleqatikkuminartuusutit

·Isumalluartuullutillu ilakkuminartuusutit

·Aalajaatsuusutit, pitsaassutsimik ilisimasaqarluartuusutit immikkuualuttunillu maluginiaasinnaasutit

·Samminersorlutit sulineq akisussaassutsimillu ilisimaarinnilluartuusutit

·Suliassanik assigiingitsunik ataqatigiittumik aaqqissuulluakkamik tulleriiaarisinnaalluartuusutit

·Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit

·Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit

·Siammasissumik suleqateqarluarsinnaasutit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

·Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

**Uagut neqeroorutigaavut:**

Suliffik suleqatitsialaat suleqatigalugit ingerlanneqassaaq, aammalu atorfiup imarisaata ineriartortinneqarneranut sunniuteqarnissamut periarfissaqarluarluni, kiisalu aaqqissuussaanermi ineriartortumi allanngorartuartumilu akisussaaqataassallutit. Tamakkununnga ilanngullugu qanimut suleqatigiilluni suliffiup avatangiiserissaarfiunissaa aamma suliniuteqartuarnissap nutaaliornissallu inissaqartuarnissai anguniartuarparput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Margrethe Najaaraq Kleist, oqarasuaat +299 36 81 16 imaluunniit e-mail: ks79mana@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 791-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=791-26)

## Attaveqarfissaq

Margrethe Najaaraq Kleist / ks79mana@sermersooq.gl