---
title: "Pensionisialerinermut Ineqarnermullu tapiissutilerinermut immikkoortortami aqutsisoq"
description: "Pensionisialerinermut Ineqarnermullu tapiissutilerinermut immikkoortortami aqutsisoq"
date: "2026-09-15"
created: "2026-09-15"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Pensionisialerinermut Ineqarnermullu tapiissutilerinermut immikkoortortami aqutsisoq](https://sermersooq.gl/suliffissat/inuttaqanngitsut/pensionisialerinermut-ineqarnermullu-tapiissutilerinermut-immikkoortortami-aqutsisoq)

Qinnuteqarnissamut periarfissarititaasoq

28/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Bea Mølgaard Lennert / ks54bele@sermersooq.gl / 368135 / 550669

Kommuneqarfik Sermersooq Isumaginninnermut sullissivimmi Pensionisialerinermut Ineqarnermullu tapiissutilerinermut immikkoortortaq pikkorissumik kajumissuseqarluartumillu ulloq 1. November  2026 tamatumaluunniit kinguninngua piaartumik atorfinittussanik aqutsisussarsiorpoq.

Isumaginninnermut sullissivimmi suliassaqarfimmi suliassat innuttaasunut inersimasunut tapersersortariaqartunut tunngasut isumagineqartarput.

Immikkoortortaqarfimmi aqutsisup suliassarai aqutsineq kiisalu Pensionisialerinermut Ineqarnermullu tapiissutilerinermut immikkoortortaqarfimmiisumaginninnermik suliat pitsaassuseqarnerannik qulakkeerineq. Immikkoortortaqarfik 10-t missaanni sulisoqarpoq.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviani inissisimavoq, tassani Suliffeqarnermut Isumaginninnikkullu sullissinermut tunngasuni fagchefiusoq pingaarnertut aqutsisuuvoq.

**Atorfiup imaa:**

Immikkoortortami Aqutsisoq suleqatigilerusutarput - ajornanngippat misilittagaqartoq - isumaginninnermik suliassaqarfimmi aqutsinermik suliassanik ingerlatsissaaq tassunga atasumik ataani suliassat assigiinngitsut isumagissallugit:

∙ Suleqatigiinnik aqutsineq, ilanngullugit; MUS-imik oqaloqatiginninnerit, nalerisimaneq, piffissamik suliffiusumik tamakkiisumik atorluaaneq, sulinngiffeqarnernut pilersaarutit, ullunik sammisaqarfiusunik aaqqissuussineq, nalunaaquttap-akunneri suliffiit nalunaarsorneqarnerinik akuersineq (webtas) kiisalu sullissisunik nutaanik atorfinitsitsinerit

∙ Aqutsisoqatigiit peqatigalugit pikkorissarnertut neqeroorutinik aaqqissuussineq

∙ Suleqatigiinnut aqutsisoq suleqatigalugu suleriaatsini inatsisit eqquutsinneqarnerannik qulakkeerinninneq

∙ Immikkoortortami nukissat naapertuuttumik atorneqarnerannik akisussaaneq, tamatumani aqutsisoqatit aamma ataqatigiissaareqatigalugit

∙ Suliassaqarfiit assigiinngitsut akornanni suleqatigiinneq siunersioqatigiinnerlu

∙ Immikkoortortaqarfimmi ataatsimiinnernik aamma sulisut ataatsimiinnerinik isumaginninneq kiisalu immikkoortortaqarfimmi ataatsimiinerit allat suleqatigiinni aqutsisoq peqatigalugu ataqatigiissaarnerat

∙ Sulianik takunnikkumanernik, oqaaseqaatinik aamma sulianik assingusunik qinnuiginninnerit kiisalu naammagittaalliornermik suliat pillugit aqutsisutut ataqatigiissaarineq

∙ Immikkoortortaqarfimmi suliatigut aningaasaqarnikkullu akisussaasuuneq

∙ Fagchefimut ilisimatitsissutit

∙ Suliffeqarnermut Isumaginninnermullu Ingerlatsivimmi suliarigasuagassanut peqataaneq

∙ Aqutsisoqatigiinnit suliakkiunneqarallartunik isumaginninneq

Suliassat Suliffeqarnermut Isumaginninnermullu Ingerlatsivik kiisalu suleqatit allat taamatullu suliassaqarfinni allani suleqatigisat qanimut suleqatigalugit suliarneqartarput.

**Qinnuteqartumut naatsorsuutigisat:**

∙ Isumaginninnermik suliassaqarfimmut tunngasumik ilinniagaqarsimaneq (Isumaginninnermik sulianut siunnersorti, isumaginninnermut siunnersorti)

∙ Isumaginninnerup iluani sullissinermik misilittagaqartuusutit

∙ Aqutsisutut ilinniagaqarsimaneq imaluunniit aqutsisutut ilinniagaqalernissamut soqutiginninneq

**Pingaartipparputtaaq:**

∙ Aalajaatsuunissaq, pitsaassutsimik ilisimasaqarluarneq immikkuualuttunillu maluginiarsinnaaneq

∙ Tamakkiisumik takunnissinnaalluni ataatsikkut arlalinnik suliaqarsinnaaneq

∙ Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaaneq

∙ Nammineerluni sulisinnaaneq, akisussaassuseqarneq sullissiumatunerlu

∙ Suliassat agguataarneqarnerisa ingerlaavartumik allanngortiterneqarneranni eqaatsumik periaaseqarneq

∙ Ulloq ulapaarfiugaluarpalluunniit ukkatarinnilluni aaqqissuulluakkamillu suliaqarsinnaaneq

∙ Tatitussuseqarneq, pilersitsisinnaaneq, nukissaqarluarneq piumassuseqarluarnerlu

∙ Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluarsinnaaneq

∙ Siammasissumik suleqateqarluarsinnaaneq

**Uagut neqeroorutigaavut:**

Suliffik unammillernartulik, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Patajaatsumik suliassanut suliffimmullu pulatikkiartuaarneqarnissaq pingaarteqaarput, aamma pimoorupparput suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Bea Mølgaard Lennert, oqarasuaat +299 368135 imaluunniit e-mail: ks54bele@sermersooq.gl

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Qinnuteqaat:**Qinnuteqaat qulequtserlugu **Atorfiup ilisarnaataa 918-26-mik**, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=918-26)

## Attaveqarfissaq

Bea Mølgaard Lennert / ks54bele@sermersooq.gl / 368135 / 550669