---
title: "Nuummi Piginnaanngorsarnermut Qitiusoqarfik sulisussarsiorpoq"
description: "Nuummi Piginnaanngorsarnermut Qitiusoqarfik sulisussarsiorpoq"
date: "2026-10-19"
created: "2026-10-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nuummi Piginnaanngorsarnermut Qitiusoqarfik sulisussarsiorpoq](https://sermersooq.gl/suliffissat/inuttaqanngitsut/nuummi-piginnaanngorsarnermut-qitiusoqarfik-sulisussarsiorpoq)

Qinnuteqarnissamut periarfissarititaasoq

9/11/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Malene Henningsen Jensen / ks78maje@sermersooq.gl / 546265 / 546265

Inuusuttut immikkut pisariaqartitsisut namminersorsinnaanerulernissaannut, ulluinnarni namminneq isumaginnissinnaanerannut aamma siunissaannut periarfissanik nutaanik pilersitsinissaannut ineriartortitseqataarusuppit?

Inunnut innarluutilinnut aamma tarnimikkut nappaatilinnullu Immikkoortortaqarfik Nuummi Piginnaanngorsarnermut Qitiusoqarfimmut sulisussarsiorpoq. Atorfik ulloq naallugu suliffiuvoq (sapaatip akunneranut akunnerit 40-t) pingaarnertut ulluunerani suliffigineqartarput.

**Piginnaanngorsarnermut Qitiusoqarfik pillugu:**

Piginnaanngorsarnermut Qitiusoqarfik aggustimi 2025 ammarpoq, taanna inuusuttut 16-28-nik ukiulinnut tarnikkut, eqqarsartaatsikkut aamma inooqataanikkut ajornartorsiutilinnut ingerlatsinermik ataasiakkaanut naleqqussakkamik aaqqissuussaasumik neqerooruteqarpoq, ilaatigut autismeqartunut, ADHD/ADD-mik, annilaanganermik aamma nanertisimanermik eqqugaasimasunut.

Siunertaavoq inuusuttut ataasiakkaat inuttut, inooqataanikkut suliassatigullu piginnaasaannik ineriartortitsissalluni, namminersorsinnaanerat qaffakkumallugu aamma ilinniagaqarnissamut, suliffeqarnermut imaluunniit sammisamik allamik isumaqarluartunut qanillattorsinnaaqqullugit.

Ingerlatsinerit inuusuttut ataasiakkaat nukissaannik, pisariaqartitaannik aamma anguniagaannik aallaaveqarput ilaatigut ulluinnarni namminneq isumaginnissinnaanerannik aamma ADL-imik, inooqataanikkut piginnaasaat, tarnip pissusiinik ilikkagaqarneq, timimik aalatitsineq, kulturi aamma sunngiffimmut tunngasut sammineqartarput kiisalu ilinniagaqarfinnut suliffissaqartitsinermullu aqqutissiuunneqarneq.

Qitiusoqarfik pilersinneqareerlunilu ingerlanneqalereerpoq, sulili ineriartortinneqarpoq. Suleqatigiinni inuttakitsunnguani ilanngutissaatit ulluinnarnik sunniuteqaqataasinnaavutit aamma neqeroorummik suliatigut ineriartortitsinermi.

**Suliassatit:**

Suleqatitit peqatigalugit:

∙Inuusuttut pisariaqartitaat anguniakkallu aallaavigalugit pilersaarusiorneq, inunnut ataasiakkaanut naleqqussakkanik taamatullu sammisanik ataatsimoortunik ingerlatsinerit

∙Inuusuttut ulluinnarnik ajunngitsumik ingerlatsinerannik, namminersorsinnaanerannik, inooqataanikkut piginnaasaannik kajumissusaannillu ineriartortitsinermut ikiuunneq

∙Inuusuttut ingerlatsineranni aaqqissuussaanermik, siumut naatsorsuutigineqarsinnaasunik aamma sinaakkutissanik toqqissisimanartunik pilersitsissaatit

∙Inuusuttut ataasiakkaat ineriartorneranni malittarinninneq uppernarsaasiornerlu

∙Qanigisaasunik, sullissisunik suleqatinillu naapertuuttunik allanik suleqateqarneq

∙Qitiusoqarfiup suliassatigut ingerlatsinerani aamma taakkua imarisaannik ineriartornermut ingerlaavartumut ilanngussaqarneq

**Suleqatigerusutarput tassaavoq**

∙Suliatigut naleqquttumik tunuliaqutaqartoq, ass. perorsaasoq, pillorissaasoq, ilinniartitsisoq imaluunniit isumaginninnikkut imaluunniit peqqissutsikkut ilinniakkamik allamik naapertuuttumik ilinniagalik

∙Sullinneqartunik sullissinermi soqutigisaqarluartoq ajornanngippallu misilittagalik

∙Inuusuttunik ataasiakkaanik naapitsinermi atassuteqallaqqissuseqartoq, naammagittartoq aamma alapernaatsoq

∙Aaqqissussaasumik saniatigulli eqaassuseqartumik sulisinnaasoq aamma periutsiminik ataasiakkaanut naleqqussarsinnaassusilik

∙Tamanik isiginnissinnaassuseqartoq pisunilu unammillernarsinnaasuni eqqissisimasinnaasoq

∙Namminerisamik sulisinnaasoq, akisussaaffimmik tigusisinnaasoq aamma suleqatigiinni qanimut suleqatigiinneq nalerisimaffigivatit

∙Suliassaqarfimmut alapernaatsoq isiginnittaatsimik isumassarsianillu tunniussaqarusussuseqartoq

·Marluinnik oqaaseqarneq kalaallisut qallunaatullu iluaqutaassaaq, piumasaqaataanngilarli

**Neqeroorutigaavut:**

∙Suliffik isumaqarluartoq assigiinngisitaartorlu inuusuttunut immikkut aalajangersimaqqissaartumik iliuuseqarnissamut periarfissalik

∙Ulluinnarni sunniuteqaqataanermut aamma suliatigut ineriartornermi annertuumik periarfissalik

∙Suleqatigiinni inuttakitsunnguani qanimut suleqatigiinneq aamma suliatigut ingerlaavartumik siunersioqatigiinneq

∙Sulianut piginnaasatigullu inerikkiartornermut periarfissat

**Pineqaatissinneqarsimannginnermik uppernarsaat:**

Atorfik uani pineqaatissinneqarsimannginnermik uppernarsaammik pissarsinissaq inatsisitigut pisussaaffiuvoq. Inatsit naapertorlugu kommune pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermik uppernarsaammik Politiinit aatsaat pissarsereerpat.

**Akissarsiatigut atorfinitsitaanermilu atugassarititaasut**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatiginninniarsinnaatitaasup akornanni isumaqatigiissutit atuuttut naapertorlugit.

Qaammatini pingasuni misiligummik atorfinitsitsisoqassaaq.

**Inissaqartitsineq:**

Atorfimmut atatillugu inigisassamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Malene H. Jensen, oqarasuaat +299 52 01 32 imaluunniit e-mail: ks78maje@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1072-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1072-26)

## Attaveqarfissaq

Malene Henningsen Jensen / ks78maje@sermersooq.gl / 546265 / 546265