---
title: "Nuummi Majoriami suliffissarsiortunut ilitsersuisunullu Immikkoortumi aqutsisussarsiorpoq"
description: "Nuummi Majoriami suliffissarsiortunut ilitsersuisunullu Immikkoortumi aqutsisussarsiorpoq"
date: "2026-10-09"
created: "2026-10-09"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nuummi Majoriami suliffissarsiortunut ilitsersuisunullu Immikkoortumi aqutsisussarsiorpoq](https://sermersooq.gl/suliffissat/inuttaqanngitsut/nuummi-majoriami-suliffissarsiortunut-ilitsersuisunullu-immikkoortumi-aqutsisussarsiorpoq)

Qinnuteqarnissamut periarfissarititaasoq

28/10/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Karina Ivalo Kleist / ks23kakl@sermersooq.gl / 220501

Kommuneqarfik Sermersooq Nuummi Majoriami suliffissarsiortunut ilitsersuisunullu Immikkoortumi aqutsisussarsiorpoq, suliffissarsiornermut ilitsersuinermik akisussaasussamik, tassanilu malittarisassat atuuttut sukkasuumik ineriartorfiupput, taamaalilluni immikkoortumi aqutsisoq nutaaq maanna ineriartornermut maanna pisumut nangitsinissamut peqataasinnaalluni.

Atorfik Kommuneqarfik Sermersuumi Isumaginninnermut Suliffeqarnermullu Ingerlatsiviup ilaaniippoq, tassanilu Nuummi Majoriami pisortaq aqutsisuussalluni.

Majoriami suliffissarsiortunik ilitsersuinermilu immikkoortumi suliassat pingaarnertut tassaapput suliffinnik innersuussinerit, suliffissarsiortunik nalunaarsuinerit, suliffissarsiortut suliatigut piginnaasaannik qaffassaaneq, suliffissaaleqisunik sulilersitsineq, inuusuttunik ujartuilluni aqqutissiuussineq, suliffeqarfinnik attaveqarnerit, avataanit suliffissarsiortunik atorfinitsitsinissamut qinnuteqaatit, nuttarnissamut aningaasaliissutinik qinnuteqarnerit, suliffissarsiortutut pisartakkanik qinnuteqaatit, suliffissaaleqisunut qulaajaanerit, piginnaanngorsaqqiinerit, nikerartunik suliffik, siusinaartumik soraarnerussutisiallit sulisinnaassusaannik nalilersuinerit kiisalu siusinaartumik soraarnerussutisiaqarniartunut qinnuteqaatit tassungalu aqqutissiuussinerit kajumissaarinerillu.

 Majoriami sulisut tamarmik tunngavinnik pingaartitanik tunngaveqarlutik sulipput, taamaattumillu atorfimmut qinnuteqartut pingaartinneqartunik ukuninnga malinnikkusuttuussapput:

·Suliamik paasisimasaqassuseq – suliarisamik inissisimaffimmi sapersannginneq

·Inuiaqatigiinnik isiginninneq - suliap suliarinerani sumiiffimmi inuiaqatigiinnik paasinnissinnaaneq

· Naammassinninneq – pingaarnertut suliassap naammassilluarneqarnissaa

·Tamakkiisumik isiginnissinnaaneq - Majoriaq tamakkiisumik isigalugu

·Periusissiaq – Majoriaq pillugu sammiviliineq sinaakkusiinerlu

·Attaveqaqatigiinneq - suliffiup iluani avammullu oqaloqatiginninneq

·Ineriartortitsineq - inunnik, suleriutsinik suliffeqarfimmilu aaqqissuussaanermik nukittorsaaneq

·Ilitsersuineq - suliassamik pingaarutilimmik suliamik ilisimasaqarluni suliaqarneq.

**Atorfiup imarai:**

·Suliffissarsiuussisarfimmi ilitsersuisarfimmilu immikkoortumi sulisunik aqutsinerit

·Suleriaatsinut sulianullu sullissinerup aaqqissuunneqarlunilu malinnaavigineqarnissaanik qulakkeerinninneq

·Naatsorsueqqissaarnermi ingerlaavartumik nalunaarusiortarnissap qularnaassallugu

·Suleqatit aqutsinikkut ineriartortinnissaat siunersiuisoqartarnissaalu qularnaassallugu

·Suleqatit piginnaasaasa ineriartortinnissaannut suleqataassalluni

·Nuummi Majoriami aqutsisunik allanik suleqateqarneq

·Suliffissarsiuussisarfiup immikkoortui ilinniarfiillu suleqatigiinnissaat qularnaassallugu

·Kommunimi ingerlatsiviit allat suleqatigissallugit

·Politikkikkut ataatsimiititaliamut suliassanik saqqummiussinermi suliaqarneq

·Suliassat takkuttartut assigiinngitsut suleqataaffigisassallugit

**Naatsorsuutigineqartut:**

·Inunnik isumaginninnermi ilinniarsimasuussaatit

·Aqutsinermik misilittagaqartutit

·Isumaginninnermi, ilinniarnermut suliffeqarnermilu aaqqissuussaanermut tunngasuni inatsisinik ilisimasaqassasutit

·Missingersuutilerinermik naatsorsuuserinermillu suliaqarnermik ilisimasaqartutit.

·Angusassat pillugit sulisartutit sunniuteqarluarusuttutillu

·Pisuni qanoq ikkaluartuni malinnaasinnaavutit aamma aaqqiagiinngittoqartillugu aaqqiivigisinnaagitit

·Aaqqissuussinermik piginnaasaqarluartutit

·Aallarnisaasartutit aamma maligassiuilluartartutit

·Inunnut ataqqinnittumik naligalugillu akuersaartumik aqutseriaaseqartutit

·Suliffeqarnermut suliassaqarfimmi kissaatigineqartunik pisariaqartinneqartunillu qulaajaanermut peqataassaatit

∙ Marluinnik kalaallisut qallunaatullu oqaaseqartuuneq iluaqutaassaaq, piumasaqaataanngilarli

**Neqeroorutigaavut:**

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit siunersiueqatigisarlugillu attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat. Aqutsisunngorniarnermut ilinniarnissamut periarfissaqarumaarpoq.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sullissivimmi pisortaq Karina Ivalo Kleistimut, oqarasuaat +299 36 63 70 imaluunniit e-mail: ks23kakl@sermersooq.gl.

**Qinnuteqaat:**

Qinnuteqaat qulequtserlugu**Atorfiup ilisarnaataa 1041-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1041-26)

## Attaveqarfissaq

Karina Ivalo Kleist / ks23kakl@sermersooq.gl / 220501