---
title: "Nuummi Innuttaasunut Kiffartuussivimmi siunnersortimik suleqatissarsiorpugut"
description: "Nuummi Innuttaasunut Kiffartuussivimmi siunnersortimik suleqatissarsiorpugut"
date: "2026-10-28"
created: "2026-10-28"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nuummi Innuttaasunut Kiffartuussivimmi siunnersortimik suleqatissarsiorpugut](https://sermersooq.gl/suliffissat/inuttaqanngitsut/nuummi-innuttaasunut-kiffartuussivimmi-siunnersortimik-suleqatissarsiorpugut)

Qinnuteqarnissamut periarfissarititaasoq

18/11/2026

Suliffik

Nuuk

Sumiiffik

Koncernservice

Attaveqarfissaq

Laila Egede Ignatiussen / ks23laeg@sermersooq.gl

**Nuummi innuttaasut inuunerannut allanngueqataarusuppit?**

Kommuneqarfik Sermersuup Nuummi Innuttaasunut Kiffartuussivianut siunnersortimik tunniusimasumik, innuttaasunillu sullissinermik nuannarisaqarluartumik pissarsiorpugut.

Inunnik suleqateqarneq nuannariviuk? Ullut assigiinngitsut, suliassallu assigiinngiiaartut nuannaraagit? Allat ajornartorsiutaannut aaqqiissutissarsiornermi ikiuunnissat nuannaarutigisarpit?

Taava immaqa illit tassaavutit suleqatissarput nutaaq!

**Uagutsinni innuttaasut qitiutippagut**

Innuttaasunut Kiffartuussivimmi inuit inuunerisa immikkoortuini tamani naapittarpavut. Meeraq inunngorpat nalunaarsuinermiit, atinik allannguinernut, nuunnernut, katittunut kiisalu innuttaasunut ataasiakkaanut pingaarutilinnut allanut tunngasunik sullissisarpugut.

Kommunimik innuttaasut naapitsineranni siulliit ilagigajuttarpavut. Taamaattumik suliassagut tassaaginnanngillat suliassanik ingerlatsineq; aamma toqqissisimanermik pilersitsineq, paasinnittumik sullissineq aammalu innuttaasut ikiorneqarluartutut misigitinnissaat pingaaruteqarput.

Upperaarput innuttaasunik pitsaasumik sullissineq qungujunnermik, tusarnaarsinnaanermik aammalu aaqqiissutissarsiornissamut piumassuseqarnermik aallartittartoq.

**Ulluinnarni suliassatit suussappat?**

Siunnersortitut ulluinnarni suliassatit assigiinngiiaassapput. Namminerisannik suliaqarsinnaassaatit, suleqatitillu pikkorissut peqatigalugit sulisassallutit.

·Innuttaasut apeqqutaannik saaffiginnissutaannillu ikiuineq siunnersuinerlu

·Innuttaasunut Kiffartuussiviup suliassaqarfiini assigiinngitsuni allaffissornikkut suliassanik ingerlatsineq

·Innuttaasut qarasaasiakkut namminneq sullississutinik atuineranni ikiuineq

·Suliassanik eqqortumik, ataqqinnittumik aammalu pitsaasumik ingerlatsineq

·Suleqatinik kommunimilu immikkoortortaqarfinnik allanik suleqateqarneq

·Innuttaasunik sullissinerup suli pitsaanerulersinnissaanut isumassarsianik saqqummiussineq

Ullut ilaat ulapaarfiusarput, allallu suliassanik itisiliinissamut periarfissaqartitsarlutik. Ullut tamarmik ataatsimoorutigaat inuit naapitatit pillugit suliavit pingaaruteqarnera.

**Kinaavit?**

Suleqatissarsiorpugut inunnik sullissinermik nuannarisaqarluartumik

·Allaffissornikkut imaluunniit allaffimmi sulinermut tunngasumik ilinniagaqarsimasutit

·Inussiarnersuusutit, tikilluaqqusisuusutit aammalu allat ataqqillugit naapittaritit

·Suliassat amerlagaluarpataluunniit tamakkiisumik isiginnissinnaasutit

·Aaqqissuussaasumik sulisartutit suliassanillu akisussaassuseqartutit

·Alapernaatsuusutit, ilikkagaqarusuttutit aperinissamullu tunuarsimaartanngitsutit

·Qarasaasiakkut aaqqiissutit soqutigisaritit

·Kalaallisut, qallunaatut tuluttullu oqalullutillu allassinnaasutit

·Suleqatigiilluarnermut peqataarusuttutit

Ullormi siullermi suliassaqarfivut tamaasa ilisimareernissaat naatsorsuutiginngilarput. Pingaarnerpaavoq ilikkagaqarusunnissat, akisussaassuseqarnissat aammalu suliap tamarmik tunuani inummik peqarnera paasissallugu.

**Suut neqeroorutigisinnaavavut:**

Suleqatigiit imminnut ikioqatigiittut, suleqatigiilluarnermillu pingaartitsisut akornanniilissaatit

·Ulluinnarni sulineq isumalik, innuttaasunut iluaqutaasoq

·Suliassat assigiinngiiaartut piginnaasannillu ineriartortitsinissamut periarfissat

·Suleqatit pitsaasut ikiuukkumatuullu

·Namminersorluni akisussaaffeqarnissamut aammalu suliamut tunngasunik siunersiueqatigiinnissamut periarfissat

·Suliffik suleqatigiinnermik, ataqqinninnermik nuannaarnermillu pingaartitsisoq

·Siunissami Innuttaasunut Kiffartuussiviup ineriartortinneranut peqataasinnaaneq

Nalunngilarput innuttaasunik pitsaasumik sullissineq pitsaasumik suliffimmi avatangiiseqarnissamik aamma pisariaqartitsisoq. Taamaattumik ikioqatigiinneq, ilisimasanik avitseqatigiinneq aammalu innuttaasunik suleqatinillu ataqqinnittumik naapitsineq pingaartippavut.

Suleqatigiinnut ilanngugit!

Nuummi Innuttaasunut Kiffartuussivik Kommuneqarfik Sermersuumi Intern Servicep ilagaa. Misilittakkatigut piginnaasatigullu assigiinngitsunik tunuliaqutaqarpugut, anguniagarpulli ataatsimoorpoq: innuttaasut pitsaasumik, eqqortumik ataqqinnittumillu sullinnissaat.

**Ulluinnarni sulininni allanngueqataaffigisinnaasannut ilanngukkusuppit? Taava qinnuteqaatit tigunissaa qilanaaraarput!**

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Laila Egede Ignatiussen, oqarasuaat +299 36 71 94 imaluunniit e-mail: ks23laeg@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1117-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1117-26)

## Attaveqarfissaq

Laila Egede Ignatiussen / ks23laeg@sermersooq.gl