---
title: "Nuummi Angerlarsimaffeqanngitsunut sullissivimmi aqutsisoq"
description: "Nuummi Angerlarsimaffeqanngitsunut sullissivimmi aqutsisoq"
date: "2026-10-02"
created: "2026-10-01"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nuummi Angerlarsimaffeqanngitsunut sullissivimmi aqutsisoq](https://sermersooq.gl/suliffissat/inuttaqanngitsut/nuummi-angerlarsimaffeqanngitsunut-sullissivimmi-aqutsisoq)

Qinnuteqarnissamut periarfissarititaasoq

22/10/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Marthannguaq Dahl Bech / ks93mabe@sermersooq.gl

**Nuummi Angerlarsimaffeqanngitsunut Inunnillu isumaginninnermi sullissivimmi (Gadeteam-imi) aammalu Angerlarsimaffeqanngitsunut najugaqalivinnissamut sungiusarfinni Aqutsisussamik pissarsiorpoq**

Gadeteam-imi Angerlarsimaffittaarnissamullu najugaqalivinnissamut sungiusarfimmi Aqutsisutut ulluinnarni suliassat ataavartumik ingerlanneqarnissaa qulakkeertassavat.

Gadeteam-ikkut allaffiat Angerlarsimaffeqanngitsut Unnuisarfiannut Umiamut nooqqammerpoq nuannersumillu ineriartorneq ingerlaarluni, immikkoortortaqarfimmi siunertarput Innuttaasunik pitsaasumik sullissinissarput ikioqatigiinnikkut pilersissallugu.

Najugaqalivinnissamut sungiusarfiit adresse-nut marlunnut inissisimapput, siulleq ineeqqat 11-it 15-inut inissaqarluni (aappariinnut pingasut) aappaa ineeqqat 44-rut 43-inik inissaqarluni. Immikkut akisussaasoqarput. Gadeteam-ikkut aamma akisussaaffigivaat Uummateqarfik angerlarsimaffeqanngitsunut Inuuniarnermikkullu artorsaateqartunut orninneqarsinnaasoq. Ulluinnarni ammasarfigaa: nal. 10.00-imiit nal. 14.00-imut. Tassanilu aamma immikkut akisussaasoqarluni.

Aamma aqqusinermi ujartuineq ingerlanneqartarpoq immikkullu akisussaasoqarlutik.

**Atorfik pillugu:**

Aqutsisutut Gadeteam-imi najugaqalivinnissamullu sungiusarfimmi sulisut ulluinnarni suliassaat ingerlanissaannut akisussaaffigissavat tapersersuillutillu. Qulakkiissavat suleqatigiit sulianik ilisimasaqarneq tamakkiisumillu isiginninneq aqqutigalugu innuttaasunik sullissineq inernera pitsaasuunissaa. Saniatugullu qitiusumik suleqatinut maligassiuisuussaatit suliffiup pitsaasuunissaanut, sulisut sulianik ilisimasaqarnerunissaat siuarsarniarlugit.

**Suliassaqarfiit:**

∙**Aqutsineq aaqqissuussinerlu:**
 Teamip suliassai sakkussaalu tamakkiisumik suliassaqarfinni aaqqissuullugit aqutsisuussaatit sunniuteqartumillu qulakkiissallugit, pingaartumik pilersaarusiorneq aamma suliat pitsaassusissaata allaaserineqarnera, illup iluani malittarisassat attartornermut isumaqatigiissutit ingerlalluarnissai qulakkeerlugit.

∙**Pitsaanermik nakkutilliineq aamma avitseqatigiinneq:**
 Gadeteam-imi sulisunut tapersersuinikkut avitseqatigiinneq siunnersuisarnerlu ingerlanneqartassaaq innuttaasunut pitsaasumik sullissinerup inernera pitsaasuunissaa anguniarlugu.

∙**Attaveqatigiinneq suleqatigiinnerlu:**
 Immikkoortortaqarfinni allani aqutsineq aamma suleqatigiinnermut tunngatillugu immikkoortortaqarfimmi sulisoqarnermut ataatsimoorussami innuttaasunullu attaveqarluarnissaa qulakkeerneqassaaq.

∙**Suliassanik malinnaaneq aamma nalunaarusiorneq:**
 Teamip suliassaqarfinni misissuinermut qaammarsagaanermut aqutsineq nalunaarusiorneq ilanngullugu naammassiniartussaavat.

**Piginnaasat:**

∙Socialrådgiveritut, pædagog-itulluunniit ilinniagaqarsimanissaq imaluunniit taamaattumik tunuliaquteqarneq, aamma naleqquttumik ilinniagaqarsimanissamut periarfissaqartut

∙Aqutsinermut misilittagaqartut imaluunniit koordinerimik atuuffeqarsimallutik misilittagaqartut

∙Attaveqatigiinnermi piginnaasaqarneq, suliassaqarfinni attaveqatigiinnermi toqqissisimanermik pilersitsisinnaanissaq

∙Suliassaqarfinni Angerlarsimaffeqanngitsunut tunngasunik ilisimaarinnilluartuunissaq aamma suliassaqarfinni piginnaasaqarnissaq, innuttaasut inooqataanikkut ajornartorsiuteqartunik, isumassorneqarnissamik, ikorfartorneqarnissamik isumagineqarnissamillu pisariaqartitsisunik paasinnissinnaanissaq pingaaruteqarpoq

∙Sulisunik tapersersuinissamut ilitsersuinerlu oqimaaqatigiissumik ineriartortitsinissamut tapersiineq

∙Angerlarsimaffeqanngitsunut tunngasunik suliat pitsaassusissaata allaaserineqarneranik ilisimasaqarnissaq piginnaasaqarnissarlu

∙Kalaallisut qallunaatullu oqaaseqartuunissaq pitsaassaaq piumasaqaataananili

Inuttut:

∙Tunngaviusumik allaanerussuteqarneq ataatsimoornerlu nukittut isigissagitit

∙Pitsaasumik allannguerusuttuusutit

∙Aaqqissuussaaneq ataqatigiissaarinerlu nuannarigitit

∙Arlalinnik suliaqarlutit nuannarissagit

∙Paasisaqarusussuseqartutit, alapernaatsuutit allallu isiginnittaasiinut akuerinnittuusutit

**Ingerlatsivik pillugu:**

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilerpugut. Pikkorissunik sulisoqassagaanni sulianut tunngasut oqaluuserineqarsinnaasariaqartut upperaarput!

Gadeteam-imi Angerlarsimaffeqanngitsullu unnuisarfianni suleqatigiittut ataatsimoortumik naleqartitaqarpugut, ataqatigiittumik pissuseqarpugut suliffittalu avataaniit isigineqarnera pingaartillugu:

Naleqartitat:

Akisussaassuseqarpugut, Attaveqaqatigiilluartarpugut, tunniusimasuuvuguut, ataqqeqatigiippugut toqqissisimasuullutalu.

Ataqatigiittumik pissuseqarneq:

Attaveqaqatigiilluartuuvugut, ataqqinnittuuvugut, suliffitsialaavugut killiliisinnaallutalu.

Suliffitta avataaniit isigineqarnera:

Sulisutut sulivugut, Kivitsisuuvugut maligassiuisuullutalu.

**Alapernaannerulersimaguit:**

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavatit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.

Tusarfiginissat qilanaaraarput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq. Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Gadeteam-imi immikkoortortami aqutsisoq Marthannguaq Dahl Bech, oqarasuaat +299 36 67 94 imaluunniit e-mail: ks93mabe@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1006-26-mik**, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1006-26)

## Attaveqarfissaq

Marthannguaq Dahl Bech / ks93mabe@sermersooq.gl