---
title: "Nuuk Snow Fest suliniummut aqutsisoq"
description: "Nuuk Snow Fest suliniummut aqutsisoq"
date: "2026-11-10"
created: "2026-11-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nuuk Snow Fest suliniummut aqutsisoq](https://sermersooq.gl/suliffissat/inuttaqanngitsut/nuuk-snow-fest-suliniummut-aqutsisoq)

Qinnuteqarnissamut periarfissarititaasoq

1/12/2026

Suliffik

Nuuk

Sumiiffik

Koncernservice

Attaveqarfissaq

Jonas Lundsgaard Nilsson  / ks97jolu@sermersooq.gl / 367523 / 298799

Kommuneqarfik Sermersuumi Nuuk Snow Festimut suliniutinut aqutsisumik pikkorissumik tunniusimalluartumillu pissarsiorpugut. Atorfik ullup ilaani aalajangersimasumik atorfiuvoq agguaqatigiissillugu sapaatip-akunneranut akunnerit 5 sulisarnissaq naatsorsuutaavoq aamma isumaqatigiissuteqarnikkut atorfimmit soraartoqassaaq.

Nuuk Snow Festimik ineriartortitseqataarusuppit ingerlatseqataallutillu, peqataasunut isiginnaarianullu nuannersunik misigisaqartitserusullutit?

Suliniummut aqutsisussarsiorpugut festivalip pilersaarusiorneranik tamakkiisumik isumaginnissinnaasumik, isumaqatigiissutinik malitseqartitsisumik aamma aningaasaliisunut, peqataasunut namminnerlu kajumissutsiminnik suleqataasunut suleqatigiinnermik pitsaasumik qulakkeerinnikkusuttumik. Ukioq kaajallallugu festivalimut tunngasunik suliaqassaatit, marsip aallartinnerani festivalip ingerlanneqalernerani ingerlanneqarneranilu pingaarnernik annermillu suliaqartassallutit.

Atorfik Kultureqarnermut immikkoortortami Sammisaqartitsineq Kulturillu ataaniippoq. Immikkoortumi aqutsisup ataani inissisimassaatit aamma festivalip teknikkeqarnermik aqutsisua immikkoortumilu sulisut allat qanimut suleqatigissavatit.

Festivali pillugu uani atuagassaqarpoq http://www.snow.gl

**Atorfiup imarisai**

Suliniummut pilersaarut ataatsimoortoq allaffissornikkullu ataqatigiissaarineq akisussaaffigissavatit. Teknikkeqarnermik aqutsisup akisussaaffigai tigussaasunik suliaqarneq aamma teknikkimik pilersaarusiorneq ingerlatsinerlu. Ilissi ataatsimoorlusi suliassarpassuit suliarisassavasi aamma immikkoortumi aqutsisoq peqatigalugu suliassat agguataarneqarnerannik ingerlaavartumik isumaqatigiissuteqartassaasi.

Illit suliassatit ilagaatigut tassaapput:

·Piffissamut pilersaarutinik suliaqarneq malittarinninnerlu, ingerlatsinermi malitassiorneq isumaqatigiissusiornerillu, festivalip ingerlanneqarnissaanut piareersimaneqaqqullugu

·Kultureqarnermut immikkoortoq peqatigalugu missingersuutit inississorneqarnerat aamma aningaasaqarnermik malittarinninneq

·Aningaasaleeqataasunut suleqatigisanullu attaveqarnerit kiisalu aningaasaliisunut saqqummiussassaliorneq aamma kommunip sinaakkutissatut akuerisaasa iluanni isumaqatigiissutinik malittarinninneq

·Peqataasunut attaveqarneq aamma peqataaniarlutik nalunaartunik ataqatigiissaarineq, paasissutissiineq, angallassineq unnuisitsinerlu

·Teknikkeqarnermik aqutsisoq peqatigalugu kajumissutsiminnik suliaqarusuttunik pissarsiniarneq ataqatigiissaarinerlu

·Attaveqatigiinnermik pilersaarusiorneq ataqatigiissaarinerlu tassunga ilanngullugit inuit attaveqatigiiffii, peqataasunut paasissutissiineq isiginnaarianullu atortussat

·Teknikkeqarnermik aqutsisoq peqatigalugu programi, angallassineq suliassanillu tigussaasunik ingerlatsineq ataqatigiissarinerillu

·Ingerlatsinermi peqataaneq kiisalu naliliinermi, aningaasaqarnermik isumaqatigiissutinillu malinnaaviginninnerit aamma ukiup tullissaani festivalimut piareersarneq

**Naatsorsuutigaarput illit**

·Suliniummik aqutsinermik imaluunniit festivalinik ataqatigiissaarinernit, aaqqissuussinernit imaluunniit sammisanit assingusunit misilittagaqarnerit

·Aaqqissuussaasumik suleriaaseqartutit isumaqatigiissutillu aalajangersimasut pilersaarutinut aalajangersimasunut piviusunngortissinnaagitit naammassinissaannullu malittaralugit

·Oqalunnikkut allattariarsornikkullu paasinartumik paatsuugassaanngitsumillu attaveqarsinnaasutit

·Missingersuutinik aamma aningaasaqarnermik malittarinninnermik ajornanngippallu aningaasaleeqataasunik suliaqarnernit misilittagaqartutit

·Kajumissutsiminnik suliallit, peqataasut, pisiniartarfiit aamma suleqatinik suleqateqarneq nalerisimaarnarigitit

·Piffissannik eqaatsumik pilersaarusiorsinnaavutit aamma festivali sioqqullugu kingornalu piffissani ulapiffiusuni najuussinnaasutit

**Tamatuma saniatigut pingaartipparput, illit**

·Piffissaalluartillugu akisussaaffimmik tigusisinnaasutit nalunaaruteqarlutillu, suliassaq ataatsimoorluni aalajangiiffigineqassatillugu imaluunniit ikiorneqartariaqarnermi

·Tamakkiisumik isiginnissinnaasutit, aamma pilersaarutit allanngortillugit suliassallu arlallit ataatsikkut naammassineqassatillugit

·Immikkuualuttunik takunnissinnaasutit suleqatigiinnermullu pitsaasumut ilanngussaqaqataasinnaasutit festivalimik allaffissortut aamma tigussaasunik suliallit akornanni

·Festivali soqutigigit aamma najukkami ingerlatsisut peqatigalugit ineriartortitseqataarusuttutit

·Kalaallisut qallunaatullu oqalussinnaasutit paasisinnaallutillu

**Neqeroorutigaarput**

·Namminerisamik akisussaaffeqarluni festivalip ineriartornissaanut sunniuteqarsinnaalluni piffissap ilaani atorfik

·Teknikkeqarnermik aqutsisumik, Kultureqarnermut immikkoortumik aamma festivalip suleqatigisaanik qanimut suleqateqarnerit

·Ukiup ingerlanerani aamma immikkoortumi aqutsisoq ingerlaavartumik siunersioqatigalugu suliamik ineriartortitsineq eqaatsoq

**Akissarsiatigut atorfinitsitaanermilu atugassarititaasut**

Atorfik ullup ilaannaa aalajangersimasumik atorfiuvoq. Sapaatip-akunneranut akunnerit 5 suliffiusassasut naatsorsuutigineqarpoq. Ukiup ingerlanerani piffissaq suliffiusoq assigiinngisitaarpoq pilersaarusiorneqassallunilu sulinermut pilersaarut isumaqatigiissutaasoq tunngavigalugu, ajornanngippat festivalip ingerlanissaata qanillinerani ingerlanneqarneranilu akunnerit amerlanerit suliffiusussaapput, piffissanilu allani akunnerni ikinnerusuni sulisoqartassaaq. Festivalip ingerlanerata nalaani unnukkut aamma sapaatip-akunnerisa naaneranni sulisarnissaq naatsorsuutigineqassaaq.

Akissarsiat atorfeqarnermilu atugassarititaasut isumaqatigiissut atuuttoq naapertorlugu aalajangersarneqassapput imaluunniit atorfeqarnermi inissisimaffissaq isumaqatigiissutaasoq tunngavigalugu. Piffissaq suliffiusussaq aamma piffissaq naatsorsuiffissaq atorfininnermi aalajangersarneqassaaq. Sulinerusinnaaneq immikkoortumi aqutsisumik isumaqatigiissutigineqassaaq aamma malittarisassat atuuttut naapertorlugit suliarineqassaaq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortumi aqutsisoq Jonas L. Nilsson oqarasuaat +299 288340 imaluunniit e-mail ks97jolu@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1180-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1180-26)

## Attaveqarfissaq

Jonas Lundsgaard Nilsson  / ks97jolu@sermersooq.gl / 367523 / 298799