---
title: "Nunap Immikkoortuanut Nuummut Takornariaqarneq Inuussutissarsiornerlu pillugit Siunnersorti"
description: "Nunap Immikkoortuanut Nuummut Takornariaqarneq Inuussutissarsiornerlu pillugit Siunnersorti"
date: "2026-09-02"
created: "2026-09-02"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nunap Immikkoortuanut Nuummut Takornariaqarneq Inuussutissarsiornerlu pillugit Siunnersorti](https://sermersooq.gl/suliffissat/inuttaqanngitsut/nunap-immikkoortuanut-nuummut-takornariaqarneq-inuussutissarsiornerlu-pillugit-siunnersorti)

Qinnuteqarnissamut periarfissarititaasoq

23/9/2026

Suliffik

Nuuk

Sumiiffik

Koncernservice

Attaveqarfissaq

Salik Damgaard / ks00sada@sermersooq.gl

**Kommuneqarfik Sermersooq Nunap Immikkoortuanut Nuummut Takornariaqarneq Inuussutissarsiornerlu pillugit Siunnersortissarsiorpoq**

Kommuneqarfik Sermersuumi takornariaqarnermik inuussutissarsiornermillu ineriartortitseqataarusuppit?

Suliassanik pissanganartunik suliaqarusuppit, najukkami takornarialerisunik suleqateqarusuppit aamma takornariaqarnerup inuussutissarsiornerullu iluini ineriartortitseqataarusuppit? Taamaappat immaqa illit atorfissaqartippatsigit.

Kommuneqarfik Sermersooq sulilluarsinnaasumik angusaqarusussuseqartumillu Takornariaqarnermi Inuussutissarsiornermilu siunnersortimik sulisussarsiorpoq, ajornanngippat ataatsimut isiginnittumik imaluunniit takornarialerinerup, inuussutissarsiutinik ineriartortitsinerup aamma/imaluunniit suliniutinik aqutsinerup iluani misilittagalimmik. Atorfik piaarnerpaamik imaluunniit isumaqatigiissuteqarnikkut inuttalerneqarumavoq.

Takornariaqarnermi Inuussutissarsiornermilu siunnersortitut Kommuneqarfik Sermersuup takornarialerinerup inuussutissarsiornerullu iluini suliniutaannik nukittorsaanermi ineriartortitseqqiinermilu qitiusumik atuuffeqassaatit. Nunap Immikkoortua Nuuk pingaarnertut suliassaqarfigissavat, tassanilu najukkami takornarialerisut taavalu Nuup pilerinartutut, piujuartitsisutut unammillersinnaassuseqartutullu ornigarneqartarnerata ineriartortinneqarnera qanimut misigisassallugu.

Suliatigut kommunimi assigiinngitsunik suliaqartuusut ataatsimooqatigiinneqataalissaatittaaq. Taamaattumik Nunap Immikkoortuani Paamiuni aamma Nunap Immikkoortuani Tunumi takornariaqarnerup inuussutissarsiornerullu ineriartortinnissaannut suleqatinik takornarialerisunillu suleqateqarneq misigissavat.

**Immikkoortortaq ineriartortoq:**

Takornariaqarneq Inuussutissarsiornerlu ineriartortuartoq nutaanillu suliniuteqartuartoq peqataaffigissavat. Najukkami suliffeqarfiit, aaqqissuussat, takornarialerisut, ingerlatsiviit allat suleqatigisartakkallu allat qanimut suleqatigisarpavut.

Taamaattumik ineriartornerup sunniuteqarfiginissaanut, isumassarsiat piviusunngortinnissaannut politikkikkullu aalajangiussat sukumiisumik suliniutinngortinnissaannut najukkamilu malugineqarsinnaasumik angusaqarnissamut periarfissaqassaatit.

Atorfik aaqqissuussaanikkut Takornariaqarnermut Inuussutissarsiornermullu immikkoortortami inississisimavoq, taannalu Inuussutissarsiornermut, Aaqqissuussinermut Pisiniarnermullu atavoq Suliffeqarfiup iluani Kiffartuussimmi, Takornariaqarnermut Inuussutissarsiornermullu immikkoortortami aqutsisumut attaveqarluni.

**Atorfiup imarisai:**

Takornariaqarnermut Inuussutissarsiornermullu siunnersorti suliassanik arlalinnik isumaginnissinnaasoq taakkununnga ilanngullugit:

·Najukkami takornarialerisut allallu suleqatigisartakkat qanimut suleqatigalugit, Nunap Immikkoortuani Nuummi takornariaqarnerup inuussutissarsiornerullu pilersaarusiukkamik ineriartortinneranut peqataaneq

·Takornarialerisut attuumassuteqartut kommunimilu ingerlatsiviit allat qanimut suleqatigalugit politikkikkut aalajangiussanik kissaatinillu iliuusinngortillugillu atuutilersittarneri

·Nuummi Takornariaqarnermi Attaveqaammut allatseqarfittut atuuffeqarneq, matumani ataatsimiinnernik, workshoppinik aamma malinnaanernik ataqatigiissaarineq kiisalu attaveqaataasut suleqatigiinnerat, suliaqarnerat ataatsimullu suliniuteqarnerat tapersersorlugu

·Suleqatit suleqatigisartakkallu attuumassuteqartut suleqatigalugit Nuuk takornariarfittut nittarsaanneqarnerani peqataaneq, matumani imarisanik, nittarsaanernik niuernermilu nittarsaanernik naleqquttunik suliaqarneq ataqatigiissaarinerlu ilanngullugit

·Nunap Immikkoortuani Nuummi inuussutissarsiornermik ineriartortitsinerup iluani suliniutinik ineriartortitseqataaneq ataqatigiissaareqataanerlu

·Nunap Immikkoortuani Paamiuni aamma Nunap Immikkoortuani Tunumi takornariaqarnermut inuussutissarsiornermullu suliassaqarfik pillugu suleqatinik suleqatigisartakkanillu assigiinngitsutigut suleqateqarneq

·Suliassaqarfinni assigiinngitsuni suliniutinik nutaanik, suleqatiginninnernik sulianillu ineriartortitseqataaneq

·Takornariaqarnerup inuussutissarsiornerullu iluini suliassanik takkussuuttunik suliaqarneq

Suliffiup avataani takornarialerisut, kommunimi ingerlatsiviit allat, nunat immikkoortuini allani suleqatit kiisalu Takornariaqarnermut Inuussutissarsiornermullu immikkoortortami aqutsisoq qanimut suleqatigalugit suliassat suliarineqartassapput

**Illit ilisarnaatitit:**

Takornariaqarnermut Inuussutissarsiornermullu siunnersorti eqqortumik suleriuseqartoq, ineriartornermik alapernaatsoq allanillu suleqateqarluni angusaqarusussuseqarfiusumi nalerisimalluni sulisinnaasoq ujartorparput.

Pingaartipparput illit:

·Politikkikkut aqutaasumi sulinermik paasinnilluartuussasutit politikkikkullu aalajangiussanik kissaatinillu iliuusinngortitsisinnaasutit

·Ingerlatitseqqiinermut piginnaasaqarluartutit sullitanullu assigiinngitsunut erseqqissumik attaveqaqatiginnissinnaasutit

·Siunersiueqatigiinneq suleqatigiinnerlu sulinermi nalinginnaasutut suliassatut paasisimassagitit

·Kisitsisinut nukittuffeqartutit aamma paasissutissanik aningaasaqarnermillu aaqqissuussaasumik sulisinnaassuseqartutit

·Aaqqissuussaasumik, misissueqqissaarnikkut pitsaasumik ataatsimut isiginnissinnaassuseqartutit

·Namminersorlutit sulisinnaavutit, anguniagaqartoq aamma piffissaliussat aalajangersimasut iluanni

·Suleqatiginnillaqqittuusutit aamma suleqatigiit assigiinngitsut akornanni suleqatissarsiorneq piginnaasaqarfigigit

·Nammineerlutit suliassanik aallartitsisinnaasutit aamma isumassarsiat periusissiallu iliuusinngortissinnaagitit

·Takornariaqarnermik inuussutissarsiornermillu ineriartortitsinermik suliaqarusussuseqartutit kommunimilu nunat immikkoortuini assigiinngitsuni suliatigut ataatsimooqatigiinniissinnaalluartutit

·Kalaallisut danskisullu piginnaasaqarluarnissat iluaqutaassaqaaq, kisianni piumasaqaataanngilaq.

**Ilinniakkatigut tunuliaqutaq:**

Assersuutigalugu aningaasaqarnerup, inuiaqatigiilerinerup, takornariaqarnerup, inuussutissarsiutinik ineriartortitsinerup assigisaasaluunniit iluini ingerlariaqqiffiusumik naleqquttumik ilinniagaqarneq – ajornanngippat suliniutinik aqutsinerup, takornariaqarnerup inuussutissarsiornermilluunniit ineriartortitsinerup iluani misilittagalik.

Taamaattorli Kommuneqarfik Sermersuumi takornariaqarnerup inuussutissarsiornerullu ineriartortinnissaannut peqataarusunnerit isumassarsiallu angusaqarfiusutut piviusunngortissinnaagitit pingaarnerpaajuvoq.

**Neqeroorutigaavut:**

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat.

**Pinerluuteqarsimannginnermik uppernarsaat:**

Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu atorfininneq aatsaat aallartissinnaavoq, kommunip pineqaatissinneqarsimannginnermut uppernarsaat tigoreerpagu. Taamaattumik maluginiaqquarput sulilerfissaq aatsaat isumaqatigiissutigineqarsinnaammat, kommunip pineqaatissinneqarsimannginnermut uppernarsaat Politiinit tigoreerpagu.

**Akissarsiatigut atorfinitsitsinermilu atugassarititaasut:**

Akissarsianut aamma atorfininnermi atugassarititaasunut tunngatillugu Naalakkersuisunik isumaqatigiissutit atuuttut malinneqassapput, piffissami atorfiniffiusumi Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit.

Qaammatini pingasuni misiliummik atorfinitsitsisoqassaaq.

**Ineqarneq:**

Atorfimmut atatillugu inimik innersuussisoqarsinnaanngilaq

**Paasissutissat annertunerusut uannga pissarsiarineqarsinnaapput:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Salik Damgaard, oqarasuaat +299 58 02 77 imaluunniit e-mail: ks00sada@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 865-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq

**Imatut qinnuteqassaatit:**

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

**Malugiuk:**

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=865-26)

## Attaveqarfissaq

Salik Damgaard / ks00sada@sermersooq.gl