---
title: "Nukariit Perorsaanermut tunngasumik ilinniagalimmik sulisussarsiorpoq"
description: "Nukariit Perorsaanermut tunngasumik ilinniagalimmik sulisussarsiorpoq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nukariit Perorsaanermut tunngasumik ilinniagalimmik sulisussarsiorpoq](https://sermersooq.gl/suliffissat/inuttaqanngitsut/nukariit-perorsaanermut-tunngasumik-ilinniagalimmik-sulisussarsiorpoq)

Qinnuteqarnissamut periarfissarititaasoq

18/8/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Julie Møller Petersen / ks15jump@sermersooq.gl

**Perorsaanermut tunngasunik ilinniagalik soqutiginnittoq tunniusimasorlu Meeqqerivik Nukariit-ni sulilersinnaasoq pissarsiariumaneqarpoq**

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqarput meeqqallu ataasiakkaat ineriartornerat atugarissaarnerallu ukkatarineqarput.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

**Meeqqerivitsinni immikkut ilisarnaatigaarput:**

Anguniakkat aallaavigalugit sulineq, ukunannga:

·Meeqqat alapernaatsut, tatituut, peqqissut nuannaartullu pilersitseqataaffigerusuppavut

·Meeqqanut pinngorartitsisunut inissaqartitsineq tapersersuineq aqqutigalugu, meeqqaanut aqqutissiuussineq aamma meeqqap ilusaanik tulluusimaartuuneq

Tamakkua angusinnaajumallugit, ullup ingerlanerani sunik misigisaqarsimaneranik meeqqap nammineq oqaluttuarsinnaanera anguniagaraarput taamaalillutik nammineq misigisatik aallaavigalugit oqaasinnguisinnaaqqullugit

·Meeqqap maannamut ineriartorneranik killiffianik ataqqinninneq

**Suliffik qanoq ittoq neqeroorutigisinnaavarput:**

·Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit

·Suliffimmi ulluinnarni sammisanut annertuumik sunniuteqarfigisinnaasat neqeroorutigaarput

·Meeqqeriviuvugut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq

**Qinnuteqartumut naatsorsuutigineqartut:**

·Perorsaanilerinermut tunngasunik ilinniagaqarsimanissat

·Nammineq akisussaaffimmik tigusisinnaavutit namminersorlutillu sulisinnaallutit

·Suleqatinut angajoqqaanullu suleqatiginnikkumavutit

·Allanngortitsinissamut piareersimasuuvutit

·Meeqqanut ineriartuutaasunik sammisaqartitsinernik pilersaarusiorsinnaavutit

·Aalajaatsoq piffissamillu ataqqinnittoq

·Meeqqat ataasiakkaat pisariaqartitaannut eqqummaarittuunissat

**Meeqqerivik pillugu:**

Nukariit meeqqeriviullunilu meeraaqqeriviuvoq meeqqanut 120-inut, taakku ininut 8-nut agguataagaapput, meeraaqqerivimmi meeqqat 60-t meeqqerivimmilu meeqqat 60-t. Inini tamani sulisut pingasunik amerlassusiligaapput.
Meeqqerivik qinngutsinni Atuarfik Hans Lynge qanittuani eqqissisimanartumilu inissisimavoq.
Sapaatip akunneranut akunnerni 40-ni nikerartumik suliffiuvoq.Nukariit ullukkut nal 07.00 - 17.00 ammasarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Julie M. Petersen, oqarasuaat +299 36 69 91 imaluunniit e-mail: ks15jump@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 704-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=704-26)

## Attaveqarfissaq

Julie Møller Petersen / ks15jump@sermersooq.gl