---
title: "NUIF asaasumik pissarsiorpoq"
description: "- Genopslag"
date: "2026-08-25"
created: "2026-08-25"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [NUIF asaasumik pissarsiorpoq](https://sermersooq.gl/suliffissat/inuttaqanngitsut/nuif-asaasumik-pissarsiorpoq)

Qinnuteqarnissamut periarfissarititaasoq

15/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Asii Brønlund Lange / ks78asbl@sermersooq.gl

Atuisutsinnut avatangiisit minguitsut nuannersullu qulakkeerneqarnissaannut ikiuukkusuppit? NUIF asaasutut sulisussamik pissarsiorpoq.

NUIF tassaavoq inuusuttut meeqqallu ornittagaat sammisaqartitsivik, nipilersornermik eqqumiitsuliornermik/ isiginnaartitsinermik, filmiliornermillu suliaqarfiusoq.

NUIF-mi illorsuarmi suliassaqarfiit assigiinngisitaartuupput, pingaartitaraarpullu illup ilua silaannarillunilu eqqiluittuunissaa.

Taassumap saniatigut Nipilersortartut sungiusartarfii marluk aammalu isiginnaartitsisartut suliaqartarfissaat ineriartortitsivigalugu aallartisarparput.

Takuneqarsinnaasumik eqqiaaneq suliarissavat, tassa imaappoq, illut atuisunik peqartillugu eqqiaaneq ilaatigut ingerlanneqarsinnaasassaaq. Tamanna piumasaqarpoq inussiarnersuunissaq atuisutsinnut aammalu avataaniittunut allanik atuisunut, piumassuseqarluarnissat aamma piffissaq pilersaarusiorluarsinnaanissat.

**Naatsorsuutigaarput:**

·Eqqiaanermik suliaqarnermik misilittagaqarneq, pitsaanerusoq eqqiaanermut ikiortitut ilinniarsimaguit piumasaqataanngilarli

·Kalaallisut oqalussinnaaneq, paasinnissinnaaneq atuarsinnaanerlu

·Akisussaassuseqarpoq, piffissaliussanik naammassinnissinnaavoq nammineerlunilu sulisarluni

·Peqqissaartumik suliaqartarpoq aammalu angusaqarluarnissaq siunertarissagit

·Atuisutsinnut aamma siunissami suleqatigisassanut attaveqarnissaq nuannersumik pingaartikkit

·Pitsaasumik isiginnittaaseqarlutit aammalu fleksibel-iullutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorpugut:**

·Ataavartumik suliffimmik, tassa tunngaviusumik sapaatip akunneranut 40 tiimit

·Pikkorissarnerit aamma sulinermi atortussat pitsaasut.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Asii B. Lange, oqarasuaat +299 36 63 01 imaluunniit e-mail: ks78asbl@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 835-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=835-26)

## Attaveqarfissaq

Asii Brønlund Lange / ks78asbl@sermersooq.gl