---
title: "Nipilersornermik Ilinniarfimmut nipilersornermik ilinniartitsisumik pissarsiorpoq "
description: "Nipilersornermik Ilinniarfimmut nipilersornermik ilinniartitsisumik pissarsiorpoq "
date: "2026-10-01"
created: "2026-10-01"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Nipilersornermik Ilinniarfimmut nipilersornermik ilinniartitsisumik pissarsiorpoq](https://sermersooq.gl/suliffissat/inuttaqanngitsut/nipilersornermik-ilinniarfimmut-nipilersornermik-ilinniartitsisumik-pissarsiorpoq)

Qinnuteqarnissamut periarfissarititaasoq

22/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Angutimmarik Fleischer / ks00anfl@sermersooq.gl

**Sermersuumi Sunngiffimmi aamma Piorsarsimassutsimut Immikkoortortaqarfik Nipilersornermik Ilinniarfimmut nipilersornermik ilinniartitsisumik pissarsiorpoq**

Sermersuumi Nipilersornermik Ilinniarfimmi piorsaaqataanissamut piginnaasaqarlutillu ineriartortitseqataarusuppit? Nipilersornikkut suliaqarnermi nipilersornermulluunniit attuumassutilimmik ilinniagaqarlutit? Meeqqanut inuusuttunullu nipilersornermik ilinniartitsineq uummateqarfigiviuk? Suliat pissaganartut suleqatillu pikkorissut suleqataaffigerusuppigit?

Taava immaqa tassa illit suleqatissarput nutaaq.

Kommuneqarfik Sermersooq nipilersornermi ilinniarfimmut pikkorissumik, tunniusimasumik eqaatsumillu ilinniartitsisussarsiorpoq 01/11-2026 aallarnerfigalugu, allatut isumaqatigiittoqanngippat, atorfinittussamik.

**Kikkuuvugut**

Sermersuumi Nipilersornermik Ilinniarfik Sunngiffimmi aamma Piorsarsimassutsimut Immikkoortortaqarfimmiippoq, Meeqqanut Atuarfeqarnermullu Ingerlatsiviup ataani. Kommunemi meeqqat inuusuttullu nipilersuutinik, erinarsornermik, erinarsoqatigiinnermik nipilersoqatigiinnermilu akeqanngitsumik ilinniartinneqarnissaanut neqerooruteqartarluta – ataasiakkaanut eqimattanullu.

Nipilersornermik Ilinniarfimmi nipilersornermik avatangiisinik kajuminnartunik tamanullu peqataaffiusinnaasunik pilersitsinissaq pingaartipparput, tassani meeqqat inuusuttullu nipilersornikkut piginnaasatik, pilersitsisinnaassusertik nipilersornermillu nuannarinninnertik ineriartortissinnaavaat. Sulisutut nipilersornermik suliaqartunut amerlanngitsunut ilaalissaatit, tassani assigiinngitsunik piginnaasaqarneq, isumassarsianut suliniutinullu nutaanut inissaqartitsisoqarluni.

Najukkami, ilaatigullu nunani allani, immikkoortortat, namminersortut suliffeqarfiillu, ilaatigut meeqqat atuarfii meeqqeriviillu, suleqatigisarpavut. Ukioq kaajallallugu suliniutinik, workshop-inik tusarnaartitsinernillu assigiinngitsunik ingerlatsisoqartarpoq, ilaatigut najukkami suleqatigisartakkat kiisalu avataanit pulaartut nipilersortartut ilinniartitsisullu suleqatiginissaannut periarfissaqarluni.

Nipilersornermik Ilinniarfik ilinniartitsisunik aalajangersimasumik atorfeqartunik tiimimusialinnillu ilinniartitsisunik inuttaqarpoq, taakkulu suleqatigiillutik atuartitsineq sammisasallu allat sinaakkutaanik pilersitsisarput.

**Atorfiup imarisai**

Nipilersornermik ilinniartitsisumik tunniusimasumik, suliaminut pikkorissumik siammasissumillu piginnaasaqartumik, meeqqanik inuusuttunillu ilinniartitsinissamut Sermersuumi Nipilersornermik Ilinniarfiullu ineriartortinneqarneranut peqataanissamut piumassuseqartumik pissarsiorpugut. Nipilersornikkut pitsaasunik piginnaasaqarputit, nipilersornermik piginnaanngorsaasinnaallutit atuartullu peqatigalugit nuannersunik nipilersornikkut misigisaqartitsinissamut soqutiginnillutit.

Nipilersornermik ilinniartitsisutut nammineq ilinniartitsinivit ilusilersornissaanut aammalu Sermersuumi Nipilersornermik Ilinniarfiup suliaanut ineriartortitseqataanissamut sunniuteqarnissamullu periarfissaqassaatit. Namminersorlutit sulisinnaanissat pingaartipparput, peqatigisaanillu suleqatitit suleqatigisartakkavut allat suleqatiginissai kajungernatsissagit pingaartipparput.

**Suliassatit pingaarnerit ilaatigut ukuussapput:**

· Meeqqanik inuusuttunillu ataasiakkaanik eqimattanilu nipilersornermik ilinniartitsineq

·Ilinniartitsinissaq namminersorluni pilersaarusiornera aaqqissuunneralu

·Nipilersornermik Ilinniarfiup sammisaanut neqeroorutaanullu ineriartortitseqataaneq

·Atuartut tusarnaartitsinerani, suliniutinik allani workshop-inillu pilersaarusioqataaneq ingerlatsitseqataanerlu

·Najukkami suleqatigisartakkat kiisalu avataanit pulaartut nipilersortartut ilinniartitsisullu peqatigalugit suliniutinut sammisassanullu peqataanissaq

·Meeqqat atuarfiinik, meeqqerivinnik, sunngiffimmi klubbinik najukkamilu suleqatigisartakkanik allanik suleqateqarneq

·Nipilersornermik Ilinniarfiup sammisartagaanut atatillugu suliassanik ingerlatsinermut allaffissornermullu tunngasunik suliaqarneq

·Nipilersornermik Ilinniarfiup sulineranut suliaanullu atatillugu suliassat allat

Suliassat Nipilersornermik Ilinniarfiup pisortaa, suleqatit suleqatigisartakkallu allat qanimut suleqatigalugit suliarineqassapput.

**Naatsorsuutigaarput:**

·Nipilersornermut tunngasumik imaluunniit allamik attuumassuteqartumik ilinniagaqarsimasutit

·Meeqqanik inuusuttunillu assigiinngitsunik ukiulinnik assigiinngitsumillu piginnaasaqartunik ilinniartitsinissamut nipilersornikkullu ineriartortitsinissamut suliaqarnissamullu piumassuseqartutit

·Ataasiakkaanik eqimattakkaanillu ilinniartitsinermik pilersaarusiorsinnaallutillu ingerlatsisisinnaasutit

·Ilinniartitsininni erseqqissumik tunniusimasumillu periuseqartutit, ilinniarnermilu toqqissisimanartunik kajuminnartunillu avatangiiseqartitsisinnaasutit

·Atuartunut, ilinniartitsinermut periutsinut suliassanullu assigiinngitsunut naleqqussarsinnaasutit

·Nipilersornermik Ilinniarfiup suliaanut ineriartortitseqataarusuttutit, suliniutinut, tusarnaartitsinernut sammisassanullu allanut peqataanissamut piumassuseqartut

·Namminersorlutit akisussaassuseqarlutit sulisinnaasutit, peqatigisaanillu suleqatinik suleqatigisartakkanillu allanik suleqateqarneq nuannarigit

**Pitsaassaaq:**

·Ilinniartitsisutut, nipilersornermik tunngasumik ilinniagaqarsimaguit imaluunniit meeqqanik inuusuttunillu ilinniartitsinermik misilittagaqaruit

·Nipilersuut aaliangersumik amerlanerusulluunniit atorlugit nipilersorsinnaallutillu ilinniartitsisinnaaguit

·Nipilersoqatigiinnermi, erinarsoqatigiinnermi, tusarnaartitsinermi, workshop-ini suliniutinilu assigusuni misilittagaqaruit

Aamma pingaartipparput aalajaatsuunissat, inussiarnersuunissat meeqqanullu inuusuttunullu pitsaasumik attaveqarsinnaaneq, kiisalu Nipilersornermik Ilinniarfiup piorsarsimassutsillu iluani uummaaritsitseqataallutit peqatigerussagitsigut.

**Neqeroorutigissavagut**

Atorfik pissanganartoq assigiinngisitaartorlu neqeroorutigaarput, tassani ilinniartitsinerit nammineq ilusilersueqataaffigisinnaallugu aammalu Nipilersornermik Ilinniarfiup ineriartortinneqarneranut peqataasinnaallutit.

Suliffik eqaatsumik aaqqissuussiffiusoq, namminersorluni sulisinnaanermut inissaqartitsisoq aammalu nammineq sulinerpit qanoq aaqqissuunneqarneranut sunniuteqarnissamut periarfissiisoq. Peqatigisaanik suleqatigiit akornanni pitsaasumik suleqatigiinnissaq, suliamut tunngasunik isumasioqatigiittarnissaq kiisalu suliffimmut suliassanullu pitsaasumik iserluarnissaq ilitsersuunneqarnissarlu pingaartippavut.

Maani nipilersornikkut piginnaasatit, isumassarsiatit pilersitsisinnaassutsillu atorluarnissaannut inissaqassaatit – ulluinnarni ilinniartitsinermi aammalu Nipilersornermik Ilinniarfiup suliniutaanut, workshop-inut tusarnaartitsinerinullu atatillugu.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Nipilersornermik ilinniarfimmi aqutsisoq Angutimmarik Fleischer, oqarasuaat +299 36 62 90 imaluunniit e-mail: ks00anfl@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1007-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1007-26)

## Attaveqarfissaq

Angutimmarik Fleischer / ks00anfl@sermersooq.gl