---
title: "Neqerooruteqartitsinermut Isumaqatigiissutinullu immikkut siunnersorti"
description: "Neqerooruteqartitsinermut Isumaqatigiissutinullu immikkut siunnersorti"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Neqerooruteqartitsinermut Isumaqatigiissutinullu immikkut siunnersorti](https://sermersooq.gl/suliffissat/inuttaqanngitsut/neqerooruteqartitsinermut-isumaqatigiissutinullu-immikkut-siunnersorti)

Qinnuteqarnissamut periarfissarititaasoq

21/8/2026

Suliffik

Nuuk

Sumiiffik

Koncernservice

Attaveqarfissaq

Napaartoq Lyberth Lennert / ks21naly@sermersooq.gl

Neqeroortitsisarneq, isumaqatigiissutit aamma pilersaarusiukkamik pisiniartarneq ilisimasaqarfigilluarpigit? Imaluunniit taakkuninnga suliaqarneq pilerigissagaluarpiuk? Ilisimaarinnilluni pisinniartarnissamik isumaqatigiissusiortarnissaq aamma kommunimi imminut akilersinnaasumik akisussaassuseqartumillu pisinniartarnissaq pillugu isumaqatigiissutaasunik pisariitsumik aqutsisinnaanissaq qulakkeerinneqataaffigerusuppiuk? Taava illiusimassaaq ujartugarput.

**Atorfik pillugu**

Suleqataasinnaasumik pikkorissumik tunniusimasumillu pisiniartarnermut neqeroortitsisarnermullu suliassanik aallartinneraniit naammassinissaanut suliaqarsinnaasumik pissarsiorpugut. Makku ilaatigut akisussaaffigissavatit:

·Nioqqutissanut kiffartuussinernillu neqeroortitsinermik suliaqarnissamut pilersaarusiorneq ingerlatsinerlu

·Kommunimi isumaqatigiissutaasunik aqutsineq, malinnaaffiginninneq ineriartortitsinerlu

·Kommunimi qarasaasiaqarnikkut akuersissutaatinik ataqatigiissaarineq nakkutiginninnerlu kiisalu suliassaqarfinni akisussaasut suleqatigalugit attuumassuteqartunik qarasaasiaqarnermik isumaqatigiissusiornerit

·Pisinniarfigisartakkanik isumaqatigiissuteqarfigisanut tunngasunik malinnaaffiginninneq, tassunga ilaalluni fakturanik akileeqqusissutinillu isumaqatigiissutit atugassarititaasullu naapertorlugit eqqortumillu ingerlatsisoqarnissaanik qulakkeerinninneq

·Pisiortorfigisartakkanik misissuineq pitsaanerulernissaannillu suliaqarneq

·Neqeroortitsisarneq pillugu siunnersuineq aamma isumaqatigiissutit pitsaassusaannik qulakkeerinninnermik suliaqarneq.

·Kommuneqarfimmi ingerlatsivinnik assigiinngitsunik sulianik siunersiueqatigiittarneq

·Immikkoortortami aqutsisumik suleqateqarluni aningaasatigut iluanaaruteqarsinnaaneq pitsaassuserlu ukkataralugit neqeroortitsinermik aamma isumaqatigiissusiornermik qulakkeerinneqataaneq

·Kommunimut tamakkiisumik naleqarnerulersinnaaqqullugu pisinniarfigisartakkanut isumaqatigiissutinik kiisalu imminut akilersinnaasumik akisussaassuseqartumillu pisinniartarnissamik pitsanngorsaateqartuarnissamut qulakkeerinneqataaneq

**Ilinnut tunngasut**

Suleqatissarput tassaassaaq:

·Ingerlaqqiffiusumik ilinniaqarsimassasutit

·Akisussaaffeqarnermik iluarisimaarinnittoq suliassanillu ajornakusoortunik aqutsisinnaasoq

·Neqeroortitsinermik, isumaqatigiissutinik aqutsinermik isumaqatiginninniartarnernillu misilittagaqartoq

·Qarasaasialerinermik akuersissutinullu tunngasunik paasisimasaqarnissaq, piumasaqaataanngilarli

·Misissueqqissaarillaqqissoq, aaqqissuussaasumik suliaqartartoq aamma attaveqaatinik nutaanik pissarsiaqallaqqissoq

·Aningaasaqarnermut tunngasunik paasisimasalik isumaqatiissutinillu malinnaaffiginninnissamik controllerinermillu soqutigisalik

·Ersarissumik attaveqaqatiginnittariaasilik aamma suliassaqarfiit assigiinngitsut akornanni suleqateqarsinnaasoq

·Danskisut oqalussinnaasoq ajornanngippallu kalaallisut (kalaallisut oqalussinnaaneq iluaqutaassaaq, piumasaqaataanngilarli)

**Neqeroorutigaavut**

·Kommuneqarfimmi pimoorullugu anguniagalimmi allanngueqataanissamut periarfissaqarneq

·Suleqatigiit imminnut tapersersortarlutillu siunersiueqatigiittartut

·Ullut tamaasa ullut allanngorartut suliassallu pissanganarlutillu ineriartitsitsiffiusut

·Annertuumik namminersorfiusoq aamma kommunimi Pisinniartarnermut Isumaqatigiissutinillu Aqutsinermut immikkoortortaqarfimmi ineriartortitsinermik sunniuteqaqataasinnaaneq

·Sulinermut atatillugu inissaqartitsisoqassaaq.

Suliatigut qaffasissumik inissisimasunik, piujuartitsinissamut aaqqiissutinik qulakkeerinnittarluta, suleqataalissaatit. Atorfimmi Pisinniartarnermut immikkoortortami aqutsisoq qaninnertut aneqarpoq. Inuussutissarsiornermut, Aaqqissuussinermut Pisinartarnermullu Immikkoortortaq Suliffeqarfiup iluani Kiffartuussivimmut ilaavoq, tassanilu suliaqarfiit arlallit ilaallutik.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisumut Napaartoq Lyberth Lennertimut attaveqarnissannut tikilluaqqusaavutit, oqa. +299 367046 imaluunniit e-mail: ks21naly@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 727-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=727-26)

## Attaveqarfissaq

Napaartoq Lyberth Lennert / ks21naly@sermersooq.gl