---
title: "MISI-mut aammalu meeqqanut inuusuttunullu ikorfartortit immikkoortoqartarfianni Fagchefi"
description: "MISI-mut aammalu meeqqanut inuusuttunullu ikorfartortit immikkoortoqartarfianni Fagchefi"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [MISI-mut aammalu meeqqanut inuusuttunullu ikorfartortit immikkoortoqartarfianni Fagchefi](https://sermersooq.gl/suliffissat/inuttaqanngitsut/misi-mut-aammalu-meeqqanut-inuusuttunullu-ikorfartortit-immikkoortoqartarfianni-fagchefi)

Qinnuteqarnissamut periarfissarititaasoq

18/8/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Tina Evaldsen / ks26tiev@sermersooq.gl

**Kommuneqarfik Sermersooq ineriartortitsinermut siunnerfilimmik MISI-mut aammalu meeqqanut inuusuttunullu ikorfartortit immikkoortoqartarfianni Meeqqanut Atuarfeqarnermullu Ingerlatsivimmut Fagchefimik pissarsiorpoq.**

Meeqqanut Inuusuttuaqqanullu sullissivimmi siunnerfimmi nutaami siuttutut inissisimarusuppit? Meeqqanut inuusuttunullu pitsaanerusumik ataqatigiissaarinermik pilersitseqataarusussuseqarpit? Suliatigut suleqatigiinneq pigaangat aaqqiissutissat pitsaanerit pisartut upperaajuk aammalu pigiliutiinnakkamik eqqarsartarneq unammillernissaanut aammalu aaqqissuussaanerup akornanni ataqatigiissitsilernissamut sapiissuseqarpit?

Taava una Kalaallit Nunaanni pisortatut atorfik pissanganarnerpaat ilagisinnaavaat.

Kommuneqarfik Sermersuumi erseqqissumik angusaqarusussuseqarpugut: Uagut suliffeqarfittut aggualussimanerput pinnagu meeqqat inuusuttullu pisariaqartitaat aallaavigalugit suliniuteqarnermik ataqatigiinnerusumik pilersitserusuppugut. Taamaattumik MISI-mut aammalu meeqqanut inuusuttunullu ikorfartortit immikkoortoqartarfiannut Fagchefimik siunnersuisoqarfimmi aammalu aaqqissuussaanerit akornanni ulluunerani neqerooruteqarfinni, atuarfeqarfinni aammalu suliaqarfinni allani ineriartortitseqataasinnaasumik pissarsiorpugut.

Immikkoortortaqarfimmi aqutsisussamik taamaallaat pissarsiunngilagut. Meeqqanut inuusuttunullu suliassaqarfik tamakkerlugu ineriartortitseqataarusuttumik aqutsisumik pissarsiorpugut.

**Aqutsisutut atorfik piviusumik sunniuteqarfik:**

MISI-mi aamma meeqqanut inuusuttunullu ikorfartortit immikkoortoqartarfianni Fagchefitut Meeqqanut Atuarfeqarnermullu Ingerlatsivimmi qitiusumik periusissiortumik aqutsisuussaatit pisortamullu toqqaannartumik attaveqassallutit.

MISI-mi aamma meeqqanut inuusuttunullu ikorfartortit immikkoortoqartarfianni suliatigut ataqatigiinnerullu ineriartorneranut akisussaasuussaatit.

Ingerlatsivik tamakkerlugu pingaarutilittut inissisimallutit ineriartortitseqataassaatit. Fagchefit allat peqatigalugit meeqqat ilaqutariillu kommunimik ataatsimik immikkoortukkuutaanngitsumik ataqatigiissaartumik misigisaqarnissaannut pilersitseqataassaatit. Assersuutigalugu ikorfartorteqarnermi suliassaqarfimmi suliassanut suleriaatsimik allanngortitsinermik ingerlatsivugut. Aningaasat sumi inissisimanersut imaluunniit immikkoortortaq sorleq aningaasaliissutinik pigisaqarnersoq aallaaviginagu meeqqap inissisimaffiani pisariaqartitai aallaavigalugit suliniuteqarneq pissaaq aamma sulisut aningaasaliissutillu siusinnerusukkut eqaannerusumik aammalu suliatigut annerusumik atorneqartassapput.

Tamannalu isumaqarpoq siunnersuisut, ulluunerani paaqqinnittarfiit, atuarfeqarfiit, pinaveersaartitsinerit, ikorfartorfeqarfinni aamma suliniuteqarfiit allat akornanni siunissami suleqatigiinnerannut ineriartortitsinermi peqataanissamut periarfissaqassasutit.

**Ataatsimoorneq aqqutigalugu aqutsineq upperaarput:**

Chefit nukittuunut piumassuseqartunut ilaalissaatit tassani immikkoortortami aqutsisutut isiginata immitsinnut aqutsisooqatigiittut isigivugut.

Ataatsimoorussamik anguniakkat makkua aallaavigalugit sulivugut:

∙Meeqqanut inuusuttunullu suliassaqarfimmiittunut sammivimmik ataatsimik pilersitsineq

∙Aaqqissugaanikkut namminerisarsiornerit nungusarlugit

∙Aaqqissuussat suliassaqarfiillu akornanni suleqatigiinneq nukittorsarlugu

∙Immikkoortortani immikkuunngikkaluarluni suliassaqarfiit akornanni aaqqiissutissanik inerisaaneq

∙Tatiginninneq, sapiissuseqarneq, alapernaanneq aamma ataatsimoorussamik akisussaassuseqarneq aallaavigalugit kulturimik pilersitsineq.

Upperaarput aqutsineq ataatsimoorullugu iluatsiffigisassarigipput.

**Atorfik pillugu:**

Meeqqanut Atuarfeqarnermullu Ingerlatsivik tulliuttunik immikkoortortaqarpoq: Atuarfeqarneq, MISI aamma meeqqanut inuusuttunullu ikorfartortinut immikkoortortaqarfik, Ulluunerani paaqqinnittarfiit, Sammisassaqartitsineq Kultureqarnerlu, Ineriartorneq, Peqqinnermik Siuarsaaneq aamma Pitsaaliuineq kiisalu Stabi

MISI sulianik ilisimasalinnut meeqqanik inuusuttunillu 0-imiit 18-inik ukiulinnik sullissisunut perorsaanikkut tarnip pissusiinik siunnersuinermik ingerlataqarluni siunnersuisarfiuvoq. MISI meeqqat ineriartornerat, atugarissaarnerat ilikkagaqartarnerallu pillugit ajornartorsiutit pillugit siunnersuisarpoq. Kommuneqarfik Sermersuumi meeqqat inuusuttullu atugarissaarnerat, ineriartornerat ilikkagaqartarnerallu qulakkeerniarlugu MISI Sermersooq ullut tamaasa suliniuteqartarpoq. Atuuffimmini erseqqaarissumik, suliatigullu nukittuumik aammalu aaqqissuussaanermilu isumannaatsumik siunnersuisartoqarnissaa pisariaqarpoq.

Meeqqanut inuusuttunullu ikorfartortinut immikkoortortaqarfik meeqqanut inuusuttunullu annertuumik timikkut, tarnikkut, silassorissutsikkut imaluunniit malussarissutsikkut piginnaasakitsunut aamma/imaluunniit meeqqat avatangiisaanni inooqataanikkut ajornartorsiuteqartunut, nalinginnaasumik angerlarsimaffimmi imaluunniit ilaquttani, aamma immikkut ittumik perorsaanermi ikorfartuinissamik pisariaqartitsisuni perorsaanikkut iliuuseqartarput. Immikkut ittumik perorsaanikkut iliuuseqarneq aamma meeqqamut imaluunniit inuusuttup ilaqutaanut, paaqqinnittarfimmut, atuarfimmut aamma/imaluunniit susassaqartitsinermi neqerooruteqarfinnut tunngasinnaavoq.

Atorfik ullormut suliffiusussaq ulloq naallugu suliffiuvoq Nuummiillunilu.

**Pingaarnertut suliassatit:**

Ingerlatsinermi ingerlalluarneq aamma ineriartornermut ingerlatsisuuneq qulakkiissavatit.

Ilaatigut ukuninnga suliaqartassaatit:

∙MISI-mi aamma meeqqanut inuusuttunullu ikorfartuinermut immikkoortortaqarfimmi aqutsineq ineriartortitsinerlu, tassani qaffasissumik suliatigut pitsaassutsimik atuilluartumillu ingerlatsineq qitiutinneqarluni

∙Politikikkut aqutsinerup aamma suliatigut aaqqissugaanerup akornanni pisortap ataqatigiissitsiniarneranut tapersersuisussaatit

∙Meeqqanut inuusuttunut ilaqutariinnullu naleqartitsinermik pilersitsisumik periutsit erseqqissumik aaqqiissutinngortillugit

∙Aaqqissugaanermi assigiinngitsut akornanni ineriartornermik allanngoriartornermillu ingerlataqarneq

∙MISI, paaqqinnittarfiit, atuarfeqarfiit, ikorfartorteqarnermi suliassaqarfiup allallu suleqatigisat akornanni suleqatigiinnermik nukittorsaaneq

∙Assigiinngitsuni suliaqarnermik, ilikkagaqartarnermik aammalu ataatsimut akisussaassuseqarnermik imalimmik kultureqalersitsineq

∙Aningaasaqarnermik pilersaarusiorneq malinnaaffiginninnerlu

**Illit ilisarnaatitit:**

∙Ilinniartitsisutut, perorsaasutut naleqquttumilluunniit ilinniagaqarsimasutit - ajornanngippat ingerlariaqqiffiusumik ilinniagaqarnermik peqartutit imaluunniit suliassaqarfiup, ingerlatsinerup aqutsinerulluunniit iluani ilinniagaqarsimasutit

∙Uppernarsaatitalimmik aqutsinermik misilittagaqartutit – ajornanngippat suliffeqarfimmit qinikkanit aqunneqartumit

∙Pilersaarusiortutut aqutsisoq politikikkut aalajangiinernik piviusunngortitsisinnaasoq

∙Sulisut nalerisimanerannik, piginnaanngorsaanernik malittaannillu ukkatarinnittoq

∙Allannguinermik aqutsisutut aaqqissuussamillu inerisaanermik misilittagalik taakkunanngalu paasisimasalik

∙Allattariarsornikkut oqaatsitigullu attaveqaqatigiittarnikkut piginnaasaqarluartutit

∙Immikkoortortaqarfiit immikkoortullu assigiinngitsut akornanni assigiinngitsunik suliallit suleqatigiilersinnaanerannik piginnaasaqarluartoq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pisortaq Tina Evaldsen, oqarasuaat +299 22 65 56 imaluunniit e-mail: ks26tiev@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 699-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=699-26)

## Attaveqarfissaq

Tina Evaldsen / ks26tiev@sermersooq.gl