---
title: "MISI-mut aammalu ikorfartortit immikkoortoqartarfianni "
description: "MISI-mut aammalu ikorfartortit immikkoortoqartarfianni "
date: "2026-11-20"
created: "2026-11-20"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [MISI-mut aammalu ikorfartortit immikkoortoqartarfianni](https://sermersooq.gl/suliffissat/inuttaqanngitsut/misi-mut-aammalu-ikorfartortit-immikkoortoqartarfianni)

Qinnuteqarnissamut periarfissarititaasoq

11/12/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Tina Evaldsen / ks26tiev@sermersooq.gl

**Ulloq sulilerfissaq** 1. januar 2027 isumaqatigiissuteqarnikkulluunniit

**Meeqqat inuusuttullu pillugit suliassaqarfimmi nutaamik sammivilersueqataarusuppit?**

Kommuneqarfik Sermersooq ineriartortitsinermut siunnerfilimmik MISI-mut aammalu meeqqanut inuusuttunullu ikorfartortit immikkoortoqartarfianni Meeqqanut Atuarfeqarnermullu Ingerlatsivimmut Fagchefimik pissarsiorpoq.

Erseqqissumik angusaqarusuppugut: Meeqqat inuusuttullu ataqatigiinnerusumik pisariaqartitaat aallaavigalugit suliniuteqarfigineqarnerat qitiutinneqartoq. Kommunimi aaqqissuussaanikkut immikkoortiternera pinnagu.

Taamaattumik aqutsisumik pissarsiorpugut periusissiornermik nukittuumik piginnaasalimmik, ingerlatsineruppitsaasumik ingerlanneqarneranik qulakkeerinnissinnaasumik aammalu ulluunerani neqeroorutini, atuarfiit, siunnersuineq aamma tapersersuinermik suliniuteqarfiit akimorlugit siunissami suliniutinik ineriartortitsiqataanissamut piginnaasalimmik .

Una pisortatut atorfik kommunip meeqqanut inuusuttullu pillugit suliassaqarfiata tamarmiusup ineriartortinneqarneranut sunniuteqarnissamut periarfissiisoq.

**Ineriartornermi pingaarutilimmik inissisimaneq**

Meeqqanut Atuarfeqarnermullu Ingerlatsivimmi sulianut tunngasunut qullersat aqutsisuisa ilagilissavatit, toqqaannartumillu pisortamut akisussaassuseqarlutit.

MISI-p Meeqqanullu Inuusuttunullu Ikorfartortit Immikkoortortaqarfiup suliatigut, aaqqissuussaanikkut aningaasaqarnikkullu ineriartortinneqarneranut akisussaaffik pingaarneq tigussavat.

Peqatigisaanik ingerlatsiviup tamarmiusup ineriartortinneqarnerani pingaarutilimmik suleqataassaatit. Pisortaq aamma immikkoortortaqarfinni pisortat allat peqatigalugit suleqatigiinneq akimorlugu nukittorsassavat, kommunimilu suliniutit imminnut ataqatigiinnerulernissaat qulakkeerlugu.

Ikorfartortinut tunngasuteqartuni periutsip nutaamik eqqarsaatigineqarnissaa aallartereerpoq, taamaalilluni suliniutit meeqqap pisariaqartitaanik aallaaveqarnerulissallutik, meeqqallu sumiinnera aallaavigalugu ingerlanneqarlutik. Pissutsit pisariaqartitsinerat naapertorlugu isumalluutit siusinnerusukkut, eqaannerusumik aamma suliatigut pisariaqartitat aallaavigalugit atorneqassapput.

Upperaarput ataatsimoorneq, tatigeqatigiinneq akisussaaffimmillu ataatsimoorussineq tunngavigalugit aqutsineq – aamma upperaarput suliatigut assigiinngitsunik tunuliaqutallit suleqatigiinnerisigut kiisalu aaqqissuussaanikkut killiliussat akimorlugit aaqqiissutissat pitsaanerpaat pilersinneqartartut.

**Suliassaqarfik pillugu**

Meeqqanut Atuarfeqarnermullu Ingerlatsivik makkuninnga immikkoortortaqarpoq: Atuarfik, MISI aamma Meeqqanut Inuusuttunullu Ikorfartortit Immikkoortortaqarfik, Ulluunerani neqeroorutit, Sunngiffik Kultureqarnerlu, Ineriartortitsineq, Peqqissutsimik siuarsaaneq Pinaveersaartitsinerlu kiisalu Allattoqarfik.

**MISI** meeqqanut inuusuttunullu 0-18-inik ukiulinnut tunngasunik, perorsaanikkut tarnikkullu siunnersuinermik suliaqartarpoq. Siunnersuineq meeqqanik inuusuttunillu sullissisunut ilinniarsimasunut sammitinneqarpoq, meeqqap inuusuttulluunniit atugarissaarnera, ineriartornera ilinniarneralu qitiutillugit.

**Meeqqanut Inuusuttunullu Ikorfartortit Immikkoortortaqarfik** meeqqanut inuusuttunullu innarluutilinnut imaluunniit inuttut ajornartorsiuteqartunut isumaginninnikkut immikkut ittumillu perorsaanikkut tapersersuinermik suliaqarpoq. Tamanna angerlarsimaffimmi, ilaqutariinni, ulluunerani neqeroorutini, atuarfimmi imaluunniit sunngiffimmi immikkut ittumik suliniuteqarnissamik pisariaqartitsisoqartillugu ingerlanneqartarpoq.

**Suliassat pingaarnerit**

Immikkoortortaqarfinni marluusuni anguniagassanik aalajangersaassaatit, suliatigut pitsaassuseq ineriartortitsinerlu qulakkeerlugit, kiisalu ingerlatsiviup ataatsimut ineriartortinneqarneranut suliniuteqaqataallutit.

Suliassatit ilaatigut makkuussapput:

·Suliatigut pitsaassutsip, aqutsilluarnerup aamma ingerlatsinerup piujuartitsisumik ingerlanneqarnissaa qulakkiissallugu

·Periusissiornikkut ineriartortitsinermik allannguutinillu suliniutinik aqutsissallutit

·Politikkikkut aalajangiinerit periusissiallu iliuusissatut tigussaasutut piviusunngortissallugit

·MISI-p, atuarfiit, ulluunerani neqeroorutit kiisalu suliassaqarfiit allat akimorlugit suleqatigiinneq nukittorsassallugu

·Politikkikkut aqutsisut aamma sulinermut aaqqissuussaanerup akornanni suleqatigiinnermi pisortaq tapersersussallugu

·Aningaasaqarnikkut pilersaarusiorneq malinnaaffiginerlu qulakkiissallugu

·Suliatigut ineriartortitsinermik, atugarissaararnermik akisussaaffimmillu ataatsimoorussinermik ilisarnaatilimmik suliffeqarfimmi kulturimik pilersitseqataassalluni

**Illit piginnaasatit**

Ilinnit naatsorsuutigaarput:

·Ilinniagaqassasutit attuumassuteqartumik, soorlu ilinniartitsisutut, perorsaasutut, tarnip pissusaanik ilisimasalittut assigisaanilluunniit, aqutsinermut tunngasunik ilinniagaqarnermik imaluunniit ilinniaqqinnermik ilaneqartumik

·Aqutsinermik misilittagaqarluassasutit, ajornanngippat politikkikkut aqunneqartumi sulinermik misilittagaqarlutit

·Periusissiornikkut paasinnilluarsinnaassuseqassasutit, kiisalu aaqqissuussaanermik allannguutinillu aqutsinermik misilittagaqassasutit

·Politikkikkut aalajangiinerit ulluinnarni sulinermi piviusunngortissinnaassagitit

·Suliatigut pitsaassutsimut, aningaasaqarnermut sulisullu ineriartortinneqarnissaannut isiginnilluarsinnaassasutit

·Attaveqaqateqarnermi aamma suliatigut assigiinngiiaartunik tunuliaqutalinnik suleqateqarnermi nukittuujussasutit

Aqutsisutut erseqqissumik aqutsisinnaassaatit, tatiginnilersitsisinnaassaatit iliuuseqapallassinnaassallutillu. Periusissiornikkut tamakkiisumik isiginnissinnaassaatit, suleqataasut peqataarusussuseqalersissavatit allallu ataatsimoorlutik aaqqiissutissanik nassaarnissaannut kajumissaarlugit. Peqatigisaanik Kalaallit Nunaanni pissutsinut aamma najukkani inuiaqatigiinnut kulturikkut paasinnittuunissat ataqqinnittuunissallu pingaaruteqarpoq.

**Neqeroorutigaagut**

Pisortatut atorfeqarnermi isumalerujussuusumi Kommuneqarfik Sermersuumi meeqqanut inuusuttunullu suliniutit ineriartortinneqarnerannut sunniuteqarluarsinnaassaatit.

Ingerlatsivimmi anguniagaqarluartumi, suliatigut avatangiiseqarluartumi, pisortaqatigiinnik tunniusimasunik kiisalu politikkikkut allaffissornikkullu aqutsisunik qanimut suleqateqarfiusumi ilaalissaatit.

Suliatigut oqaloqatigiinnissamut, aqutsisutut ineriartortinnissamut kiisalu kommunip siunissami meeqqanut inuusuttunullu tunngasunik suliaqarneranut ersarissumik sunniuteqarnissamut periarfissaqarluassaaq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Tina Evaldsen, oqarasuaat +299 22 65 56 imaluunniit e-mail: ks26tiev@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1230-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1230-26)

## Attaveqarfissaq

Tina Evaldsen / ks26tiev@sermersooq.gl
