---
title: "Meeqqat Tullersortissarsiorpoq"
description: "Meeqqat Tullersortissarsiorpoq"
date: "2026-11-05"
created: "2026-11-05"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Meeqqat Tullersortissarsiorpoq](https://sermersooq.gl/suliffissat/inuttaqanngitsut/meeqqat-tullersortissarsiorpoq)

Qinnuteqarnissamut periarfissarititaasoq

26/11/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Birgitte Davidsen / ks48bida@sermersooq.gl

**Nuuk-mi Akuleriinnik meeraateqarfik Meeqqerivik Meeqqat immikkoortortami Tullersortimik tunniusimasunik, suliaminnik ilisimasaqarluartunik pissarsiorpoq.**

Illiua qanilaarnermik, aalajaatsumik siunnerfiliilluni ineriartortitserusuttoq ataatsimoorfimmillu ilinniutaasussamik takunnissinnaasoq?

Taamaappat illiusimassaaq akuleriinni meeqqerivimmi Meeqqat-ni, immikkoortortami tullersortissatut atorfimmut ujagarput.

**Akuleriinni meeraateqarfik Meeqqerivik Meeqqat Nuuk-mi meeqqeriviuvoq:**

Meeraaqqerivimmi meeqqat 10-iupput, 0-nit 3-inut ukiullit, ini ataasiinnaavoq, Meeqqerivimmi meeqqat 3-6nik ukiullit 15-iupput tassani ini aamma ataasiinnaavoq.

Meeqqerivik ulluinnarni ammasarpoq ataasinngornermit tallimanngornermut nal 07:00-miit 17:00-mut

Suleqatissatit 9-iupput Praktikertoq ilanngullugu. Ineriartortitsinermut ammasuusut. Inikkaani sulisuupput, perorsaasoq 1, inunnik isumaginninnermik ilinniagalik 1, ikiortilu 1. Meeqqerivimmi igaffimmioqarpoq Ernæringsassistent-ut ilinniarsimasoq, taannalu Praktikertuuteqarluni.    Meeqqerivik “Meeqqat” angajoqqaanik sinniisuutitaqarpoq tallimanik.                          Tullersortinngortussaq inip aappaani perorsaasutut sulilerumaarpoq.

**Anguniagaraarput:**

Meeqqat meeraanertik toqqissisimasumik nuannersumillu avatangiiserisaarlutillu misigissagaat, meeqqat ammasunngortinnissaat aamma imminnut tatigisunngortinnissaat tamatumanilu pingaartuuvoq meeqqat peqatigiinnermut akuusutut misigisimanissaat.

Meeqqat sulisunik peqateqarlutik aaliangeeqataasarnissaat, aaliangeeqataanerlu meeqqat ukiuinut inerisimaneranullunaleqquttuunissaa anguniarneqarpoq qanimut angajoqqaat suleqatigalugit .

**Ilisarnaatigaarput:**

Meeqqat tunngaviusuni ineriartuutigisassaasa saniatigut timi aalanerlu aamma najukkatsinni pinngortitaq kusanartoq atorluartarnissaa pingaartipparput, qanga , ullumikkullu kulturimut tunngasunik sammisaqarneq, aammameeqqat meeqqerivimmiit atuarfimmut atualernissaminut pitsaasumik ikaarsaartinnissaat aamma meeraaqqerivimmiit meeqqerivimmut.

**Ilisarnaatitta ilagivai:**

Perorsaariaaseq akuersaartoq. Atuisut sulisullu suleqatigiiffiat. Sila qanoq ikkaluarpalluunniit aneertarneq. Oqaatsit naallugit atorneqartarnerat.

**Meeqqeriviup pingaartitai:**

Meeraq qitiutillugu suleqatigiinneq. Inuttut immikkuullarissuseqarnermik akuersaarneq. Meeqqap immikkuullarissusaa ataqqillugu sulineq. Meeraq naligalugu sulineq. Toqqissisimaneq. Peqqinneq. Eqqiluisaarneq.

Suleqatigiiulluta tamatta meeqqanik sullissinermik nuannarisaqarneq, naleqartitanik pingaartitsineq, toqqissisimaneq, qanilaassuseq aammalu ullut tamarmik meeqqanut angajoqqaavinullu nuannersuunissaannut pingaartitsineq.

**Naatsorsuutigaarput illit**

∙Inulerinermut/perorsaanermut attuumassutilimmik ilinniagalik allatulluunniit suliamut attuumassutilimmik tunuliaqutalik

∙Meeqqerivinni perorsaasutut imal. Aqutsinermik ukiorpassuarni misilittagalik

∙Suleqatiginnissinnaassuseqarluartoq tamakkiisumik isiginnissinnaasoq aamma sulisunik ilitsersuisinnaassusilik

∙Akisussaaffimmik tigusisinnaasutit, nammineerlutit sulisinnaasutit peqatigisaanillu ataatsimoornermi aktiivimik peqataasinnaasutit

∙Aqutsisup atorfimmut atuuffimmullu nassuiaammut innersuussisoqassaaq, aqutsisup sulinnginneranut atatillugu atuutilertussamut. Suliamut tunngasunik alapernaatsutit perorsaanermullu tunngasunik oqallinnerni pitsaasumik peqataarusussuseqartutit

∙Meeqqanik suliaqarninni isumassuisuusutit, aalajaatsutit, qanilaartutit erseqqissumillu periuseqartutit

∙Ulluinnarni ulapaarfiusumi allanngorartumilu eqaatsumik suleriaaseqarsinnaasutit allannguinissamullu piareersimasutit

∙Meeqqat, angajoqqaat suleqatillu ataqqinnittumik suliamullu naleqquttumik attaveqarfigisinnaagitit

∙IT/qarasaasiamut atuinissamut piginnaasaqarneq

Meeqqanut Atuarfeqarnermullu Ingerlatsiviup meeqqat alapernaatsut, tatitussusillit, peqqissut nuannaartullu pilersinnissaat anguniagaraa. Anguniakkat anguneqarnissaannut illit aqutsisoq qanimut suleqatigalugu ukkatarinissai naatsorsuutigineqarpoq

**Illoqarfimmi meeqqat nuannernerpaat saniatigut neqeroorutigisinnaavarput**

∙Suleqatit tamatigoortut

∙Pissanganartumik ataatsimooqatigiilluni ineriartorfiusumi peqataaneq

∙Angajoqqaat meeqqamik ulluinnaannik soqutiginnittut

∙Suliffimmi avatangiisit pitsaasut, quianarsinnaasunut illarnermullu inissaqartitsisut

Meeqqanut Atuarfeqarnermullu Ingerlatsivimmit neqerooruteqartoqartarpoq,

Meeqqerivinni sulisunut naleqquttunik ingerlaavartumik pikkorissarnissamut

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Birgitte Davidsen, oqarasuaat +299 36 68 51 imaluunniit e-mail: ks48bida@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1154-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1154-26)

## Attaveqarfissaq

Birgitte Davidsen / ks48bida@sermersooq.gl