---
title: "Meeqqat Inuusuttullu pillugit siunnersorti– atuarfeqarnermullu suliassaqarfimmut"
description: "Meeqqat Inuusuttullu pillugit siunnersorti– atuarfeqarnermullu suliassaqarfimmut"
date: "2026-10-27"
created: "2026-10-27"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Meeqqat Inuusuttullu pillugit siunnersorti– atuarfeqarnermullu suliassaqarfimmut](https://sermersooq.gl/suliffissat/inuttaqanngitsut/meeqqat-inuusuttullu-pillugit-siunnersorti-atuarfeqarnermullu-suliassaqarfimmut)

Qinnuteqarnissamut periarfissarititaasoq

17/11/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Arnannguaq Jakobsen / ks10arth@sermersooq.gl / 366334

Kommuneqarfik Sermersooq atuarfeqarnermut suliassaqarfimmi piffissami killilikkamik pingaarnertut suliaqartussamik MISI-mi Meeqqanut inuusuttunullu siunnersortissarsiorpoq. Atorfik novembarip aallaqqaataa 2026-miit juulip 31-viat 2027-mut killeqarpoq.

MISI-mi (Meeqqanik inuusuttunillu siunnersuisarfik) Kommuneqarfik Sermersuumi meeqqat inuusuttullu akornanni nalerisimaneq, ilikkariartornerat aamma ineriartorneq siuarsarniarlugu suliaqartoqarpoq. Meeqqap avatangiisaani sulisunik, tassunga ilanngullugit atuartitsinermi siunnersortinik, ilinniartitsisunik aamma atuarfimmi aqutsisunik patajaallisaaneq pingaartillugu perorsaanermik aamma tarnip pissusiinik ilisimasalittut siunnersuinissamut neqerooruteqartarpugut. Ilutigalugu MISI-mi psykologit, atuarfinni siunnersortit aamma ilisimasallit allat suliassaqarfinni assigiinngitsuni qanimut suleqatigisarpagut, meeqqanut aaqqiissutit pitsaanerpaat naniniarlugit.

**Pingaarnertut suliassatit:**

·Meeqqat nalerisimanerat aamma ilikkariartornerannut tunngatillugu atuartitsinermi siunnersortinut, ilinniartitsisunut aamma atuarfinni aqutsisunut siunnersuineq aamma ilitsersuineq

·Suliassaqarfinni assigiinngitsuni psykologinik aamma MISI-mi sulisunik ilisimasalinnik allanik suleqateqarnermi peqataaneq

·Meeqqat immikkut atuartinneqartut aamma immikkut perorsaanermik ikiorserneqartartut ukiumoortumik naliliiffigineqarnerannik suliaqarneq

·Sulinermi immikkut ittumik perorsaanermi innersuussutinik atuutsitsilernissamik tapersiineq

·MISI-mi suliatigut ineriartornermut ilisimasanillu avitseqatigiinnermut sunniuteqaqataaneq

·Pisortap qaninnerup isumaqatigineratigut allanik suliaqarneq

**Illit makkunannga piginnaasaqartutit atorfinitsikkusuppatsigit:**

·Ilinniartitsisutut ilinniarsimasutit.
·Qaffasinnerusumik ilinniagaqaqqissimasutit, ass. cand. pæd. psyk. imaluunniit attuumassutilimmik ilinniagaqaqqissimaguit iluaqutaassaaq

·Immikkut atuartitsinermi imaluunniit perorsaanermi tarnip pissusaanik ilisimasallit suliassaqarfiata iluani misilittagalik

·Suliassaqarfiit assigiinngitsut akornanni suleqatiginnilluarsinnaasoq suleqatigiinnilu sunniuteqarluarsinnaasoq

·Namminersorlutit sulisinnaasutit aamma siunnersuilluni ilitsersuillunilu suliassani ingerlalluarsinnaasoq

·Saqqummiussinerit imaluunniit suliamut tunngatillugu isumasiueqatigiinneq aqqutigalugu sulisunik patajaallisaanermik soqutigisalik

**Neqeroorutigaagut:**

·Ulluinnarni isumaqartumik inuuneqarneq, meeqqanut inuusuttunullu allannguisinnaallutit

·Suliatigut inuttullu ineriartornissamut periarfissat pitsaasut

·Suleqatigiit patajaatsut suleqatigiinni isumasiueqatigiissinnaasut tapersersoqatigiissinnaasullu

·Suliffimmut iseriartuaarneq sukumiisoq suleqatinit misilittagalinnit tapersersuiffiusoq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisuugallartoq Arnannguaq Jakobsen, oqarasuaat +299 36 63 34 imaluunniit e-mail: ks10arth@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1106-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1106-26)

## Attaveqarfissaq

Arnannguaq Jakobsen / ks10arth@sermersooq.gl / 366334