---
title: "Meeqqanut Kusernermi aqqutissiuussisoq "
description: "Meeqqanut Kusernermi aqqutissiuussisoq "
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Meeqqanut Kusernermi aqqutissiuussisoq](https://sermersooq.gl/suliffissat/inuttaqanngitsut/meeqqanut-kusernermi-aqqutissiuussisoq)

Qinnuteqarnissamut periarfissarititaasoq

25/8/2026

Attaveqarfissaq

Solveig Mølgaard / ks75somo@sermersooq.gl / 366176 / 555697

**Meeqqat ineriartornerannut ineriartortitseqataarusuppit aammalu ilaqutariinnut tapersersortarialinnut sinaakkutinik toqqissisimanartunik pilersitseqataarusullutit?**

Kuserneq ilaqutariinnut naartusunut imaluunniit mikisunik meerartalinnut najugaqarfiutigaluni misigissutsitigut katsorsaaviutigisoq Ilaqutariinnut aqqutissiuussisumik tunniusimasumik sulisussarsiorpoq.

Ilaqutariit tamakkiisumik isigalugit meeqqap killiffia ineriartorneralu ukkataralugit suliaqartarpugut. Angajoqqaat angajoqqaatut piginnaasaannik ineriartortitseqataasarpugut, ulluinnarni ataavartumik periuseqartitsinikkut meeqqap pisariaqartitaannut ineriartornerannullu paasinnissinnaanerannut ikorfartuisuulluta.

**Atorfik pillugu:**

Ilaqutariinnut aqqutissiuussisutut meeqqap killiffia ineriartornera kiisalu meeqqap angajoqqaallu akornanni attaveqatigiinnerata annertusarnissaat suliassaraatit.

Suliassatit ilaatigut tassaapput:

- Meeqqap ineriartorneranut atugarissaarnissaanullu tapersersuineq
- Meeqqap ersersinniagaanut angajoqqaatut atuaasinnaanerulernissaannut qisuariajaarsinnaanerannullu aqqutissiuussineq
- Ataavartumik periuseqalernissamut aqqutissiuussineq
- Sammisassanik pilersaarusiorneq peqataanerlu (ass. pinnguarneq, maluginiutinut inerisaaqataaneq aamma meeqqat eqimattaanik ingerlatsineq)
- Malinnaaviginninnernut aamma suliatigut naliliinernut peqataaneq

suleqatigiinni qanimut suleqataassaatit aamma misigissutsitigut katsorsaanermik ataatsimut katsorsaanermi suliniuteqarnermut ilanngutissaatit.

**Kuserneq pillugu:**

Kusernermi meeraq angajoqqaallu tamakkiisumik isigalugit suleriaaseqarpugut. Suliniutigut ima agguataarneqarput:

- **Ilaqutariinnut aqqutissiuussisut meeqqanut tunngasunik suliallit**, meeqqap atugarissaarneranik, ineriartorneranik aammalu meeqqap angajoqqaallu akornanni peqatiginninnermik ukkassisut.
- **Ilaqutariinni aqqutissiuussisut angajoqqaat inuttut ineriartornerannut suliallit**, angajoqqaat inuttut inerikkiartornerannik, aaqqissuussaanerannik ulluinnarnilu inuuneqarneranni suliaqartut.

Taakkua saniatigut aqutsisoq, katsorsaanermut siunnersorti aamma psykoterapeuti suleqatigiinni ilaapput, taakku ataatsimoorlutik katsorsaanermik suliniummi qulakkeerinnittuupput.

**Suleqatissarput tassaassaaq:**

- Suliassaqarfimmut naapertuuttumik tunuliaqutalik (ass. perorsaasoq imaluunniit isumaginninnermut siunnersorti)
- Meeqqanik suliaqarnermit misilittagaqartoq, ajornanngippat naalungiarsunnik aamma meeraaqqanik
- Ilaqutariinnik sullissinermik aamma peqateqarnermik soqutigisalik
- Atassuteqarluni aaqqissuussaasumillu sulisinnaasoq
- Ilaqutariinnik naapitsinermi eqqissisimasoq, erseqqissoq naammagittartorlu
- Ilitsoqqussatut kalaallisut oqaasilik

Iluaqutaasaaq illit:

- siusissumik ineriartorneq, attaveqalertarneq imaluunniit aaliangersimasumik periuseqarneq pillugit ilisimasaqaruit
- maluginiutit ineriartornerannik aamma siusissukkut uummarissaaneq misilittagaqarfigaatit imaluunniit soqutigisaraatit
- ilaqutariit ulluinnaannut aaqqissuussaanermik aqqutissiuussinermillu suliaqarsinnaavutit

**Neqeroorutigaavut:**

- Suliffik isumaqarluartoq meeqqanik ilaqutariinnillu qitiutitsisoq
- Suleqatigiit suliassaqarfimmut tunniusimasut
- Qanimut suleqatigiinneq ulluinnarnilu siunersioqatigiinneq
- Suliatigut ineriartortitsinissamut periarfissalik
- Suliffeqarfik erseqqissunik sinaakkutilik ataatsimoorussamillu siunnerfilik

**Paasissutissat:**

- Atorfik ulloq naallugu suliffiuvoq
- Ulluinnarni sulineq 8-16
- Ilaqutariit peqatigalugit sammisanik angalanernillu aaqqissuussisoqarsinnaavoq
- Pingaartuusarneq pisussaaffinnut ilaavoq

**Annertunerusumik paasisaqarusukkuit:**
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Solveig Mølgaard, oqarasuaat +299 555697 imaluunniit e-mail: ks75somo@sermersooq.gl

**Pineqaatissinneqarsimannginnermut aamma meeqqanut pinerliisimannginnermut uppernarsaat:**
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.

**Inissaq:**
Atorfininnermut atatillugu inissiamik innersuussisoqarsinnaanngilaq.

**Qinnuteqaat:**
Qinnuteqaat qulequtserlugu **Atorfiup ilisarnaataa 734-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=734-26)

## Attaveqarfissaq

Solveig Mølgaard / ks75somo@sermersooq.gl / 366176 / 555697