---
title: "Meeqqanut inuusuttunullu ikorfartortinut immikkoortortaqarfik allaffimmiussasiorpoq"
description: "Meeqqanut inuusuttunullu ikorfartortinut immikkoortortaqarfik allaffimmiussasiorpoq"
date: "2026-11-12"
created: "2026-11-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Meeqqanut inuusuttunullu ikorfartortinut immikkoortortaqarfik allaffimmiussasiorpoq](https://sermersooq.gl/suliffissat/inuttaqanngitsut/meeqqanut-inuusuttunullu-ikorfartortinut-immikkoortortaqarfik-allaffimmiussasiorpoq)

Qinnuteqarnissamut periarfissarititaasoq

3/12/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Lydia Mathiassen / ks28lyma@sermersooq.gl

**Meeqqat inuusuttullu siunissaannik ilusileeqataarusuppit? Suliffeqarfimmilu uummaarissumi, akuersaarneq, ataatsimoorneq aamma ineriartortitsineq tunngaviusumik naleqartinneqartumi sulerusuppit?**

**Taava atorfimmik ilinnut tulluaqqissaartumik neqeroorfigisinnaavatsigit!**

Meeqqanut inuusuttunullu ikorfartortinut immikkoortortaqarfik allaffimmiussarsiorpoq, taanna ulluinnarni ingerlatsinermut ikiuuttassaaq, taamaalilluni perorsaaneq pillugu siunnersortit immikkoortortami perorsaanermut tunngasunik suliassanut piffissaqarnerulersinnaaqqullugit.

Ulluunerani neqeroorutini, atuarfinni kiisalu atuareernerup kingorna paaritittarfinni sunngiffimmilu ornittakkani ikorfartorteqarnermut tunngasut tamarmik **Meeqqanut inuusuttunullu ikorfartortinut immikkoortortaqarfimmi** akisussaaffigineqarput. Allaffimmi fagchefi, immikkoortortami aqutsisoq kiisalu perorsaaneq pillugu siunnersortit marluk sulisuupput. Maannakkullu kissaatigalutigu allaffimmioqalernissarput, immikkoortortaqarfitsinni ulluinnarni ingerlatsinermi ikiuuttussaq.

**Ataatsimoorneq patajaatsoq**

Meeqqanut inuusuttunullu ikorfartortinut immikkoortortaqarfimmi kissaatigaarput, suliffeqarfittut eqeersimaartuunissaq, akuersaartuuneq, ataatsimuussuseq ineriartortitsinerlu naleqartitani pingaarnerutillugit. Akunnitsinni isumalluartumik akuersaartumillu pissuseqarfigeqatigiinnissaq pingaartipparput, suliffeqarfillu pitsaasoq pilersinniarlugu tamatta akisussaaffimmik tiguseqatigiissalluta. Qaffasissumik anguniagaqarneq ingerlalluarnerlu ilikkagaqartitsisinnaalluarnissamut ineriartortitsilluarnissamullu pisariaqartuusut upperaarput, taamaattumik kikkut tamat sunniuteqarnissaat isumalerujussuuvoq.

**Qanoq ittumik ujartuivugut**

Immikkoortortaqarfik tamaat isigalugu ulluinnarnilu akuunissat pingaaruteqarpoq, taamaattumik suliassanik naammassinninniarnermi atorfillu ataatsimut isigalugit naleqqussarluarsinnaasuussaatit. Suliassanik pingaarnersiuinermi tulleriiaarisinnaassuseqarnissat nammineerlutillu aqutsisinnaassuseqarnissat pingaaruteqarpoq.

**Suleqatigiligassatit kikkuusunuku**

Immikkoortortaqarfimmi aqutsisoq ulluinnarni suleqatigisassavat.

Tamatumalu saniatigut perorsaaneq pillugu siunnersortit kiisalu ikorfartortit suleqatigisassallugit. Qaninnertut aqutsisussat tassaavoq immikkoortortaqarfimmi aqutsisoq.

**Allaffimmiussarsiorpugut, ilaatigut ukununnga tunngasunik suliaqartartussaq:**

·Atorfimmik inuttassarsiuussisarneq

·Atorfinitsitsineq

·Meeqqanik pinerlisimannginnermut uppernarsaat

·Mailikkut oqarasuaatikkullu saaffiginnissutit isumagalugit

·Akissarsiat tamakkiisut allattorsimaffiinik akuersisarneq

·Killiffik pillugu nalunaarusianik toqqortuisarneq nassiussisarnerlu

·Pjeceqqat

·Akissarsiassat

**Neqeroorutigivagut:**

·Ilaatigooriarluni ulapaarfiusartoq, ulluinnaat assigiinngisitaartut sulianut tunngasunik ilisimasaqalernissamut ineriartornissamullu periarfissalik

·Isumaqatigiissuteqarnikkut suliartortarnerit nikerartut

·Namminersorfiusoq suliassallu assigiinngisitaartut

**Naatsorsuutigaarput, illit:**

·Allaffimmiutut ilinniagaqarsimasuusutit imaluunniit matuma siuliini suliassanik misilittagaqarsimasuusutit

·Namminersorsinnaassuseqartutit kisimiillutillu sulisinnaasutit

·Allaffissornermi suliassanik ilisimasaqartutit

·Piffissaliunneqartunik eqqortitsisinnaasoq

·Allanngortitsinissamut piareersimallutit

**Sap.ak. piffissaq suliffiusussaq allaguk** sap.ak. 40 tiimit

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Lydia Mathiassen, oqarasuaat +299 36 73 86 imalunniit uunga allallutit e-mail ks28lyma@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1190-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1190-26)

## Attaveqarfissaq

Lydia Mathiassen / ks28lyma@sermersooq.gl