---
title: "Meeqqanut inuusuttuaqqanullu tulleriiaarisarfiup immikkortortaani fuldmægtigi"
description: "Meeqqanut inuusuttuaqqanullu tulleriiaarisarfiup immikkortortaani fuldmægtigi"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Meeqqanut inuusuttuaqqanullu tulleriiaarisarfiup immikkortortaani fuldmægtigi](https://sermersooq.gl/suliffissat/inuttaqanngitsut/meeqqanut-inuusuttuaqqanullu-tulleriiaarisarfiup-immikkortortaani-fuldmaegtigi)

Qinnuteqarnissamut periarfissarititaasoq

26/8/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Lida Lysgaard Jonathansen / ks06lijo@sermersooq.gl / 367328

**Meeqqanut Atuarfeqarnermullu Ingerlatsiviup Meeqqanut inuusuttuaqqanullu tulleriiaarisarfiup immikkortortaani fuldmægtigi**

Kommuneqarfik Sermersooq Meeqqanut Atuarfeqarnermullu Ingerlatsivimmi, Meeqqanut inuusuttuaqqanullu tulleriiaarisarfiup immikkortortaani pikkorissumik pimoorussisumik kontorfuldmægtigi atorfik ulloq 01. oktober 2026 imaluunniit isumaqatigiinnikkut inuttassarsiuunneqarpoq.

Meeqqanut Atuarfeqarnermullu Ingerlatsiviup isumagisarivai Ulluunerani neqeroorutit, Atuarfeqarfiit aamma MISI, kiisalu Susassaqartitsineq Kulturilu aammalu anguniagaralugulu Kommuneqarfik Sermersuumi meeqqanut tamanut sinaakkutit pitsaanerpaat, tamatumuuna ilikkariartornermik, ineriartornermik, atugarissaarnermik inuunerissaarnermillu tunngaviliinissaq, peqataaffigerusukkukku taava immaqa illit suleqatissarivatsigit.

Meeqqanut inuusuttuaqqanullu tulleriiaarisarfiup immikkortortaa Allaffeqarfiup ataani inissisimavoq Meeqqanut Atuarfeqarnermullu Ingerlatsiviup ataani. Immikkoortortaq inuttaligaavoq immikkoortortami aqutsisoq kiisalu kontorfuldmægtigit sisamat. Qaninnertut immikkoortortami aqutsisoq kontorfuldmægtigip pisortarissallugu. Meeqqanut inuusuttuaqqanullu tulleriiaarisarfiup immikkoortortaani suliassat ilagaat, meeqqanik meeqqerivinnut, AKO-nut, SPO-nut, FRO-nut atuarfinullu isaatitsineq.

Immikkoortortami sulianik ingerlatsinermik suleriutsinillu pitsanngorsaaneq ineriartortitseqqinnerlu sulissutigineqartuartarput, Kommunimi innuttaasut sulisullumi allat immikkoortortaqarfiup suliatigut pisariitsumik akimmisaarfeqanngitsumillu suleriutsinik ingerlatsisuuneranik misiginninnissaat qulakkeerumallugu.

Suleqatitaassatta sulisooreersut assigalugit pimoorussilluni qiimasumillu sulineq tunngavigalugit immikkoortortaqarfimmi sulinerup ingerlarnganik pitsanngorsaaqataalluni suleqataassasoq naatsorsuutigaarput.

Atorfik innuttaasunut attaveqarnissamik pisariaqartitsiffiuvoq, oqarasuaatikkut, allakkatigut, E-mail-ikkullu attaveqarnikkut kalaallisut qallunaatut ilaatigullu tuluttut, taassuma saniatigut Meeqqanut inuusuttuaqqanullu tulleriiaarisarfiup saaffiginnissutit/apeqqutit immikkut suliarineqarnissamik pisariaqartitsinngitsut, kommunip Innuttaasunut Saaffiginnittarfianiit ingerlanneqartarput.

Ingerlatsiviup sullivimmi avatangiisigissuunissaq, pissuserissuunissaq, attaveqaqatigiittarneq, akisussaassuseqarneq aamma suleqatigiinneq pingaartippaa.

**Atorfiup allaaserinera:**

·Kommuneqarfik Sermersuumi meeqqerivinni neqerooruteqarnissamut utaqqisutut allattorsimaffinnik pilersitsineq, nutarterineq misissuisarnerlu, taakkunani tuaviortunik qinnuteqaatit ilanngullugit

·Atualersitsineq aamma tikeraanut, nuuttunut kiisalu atualeqqaartussanik allatsitsineq

·Meeqqerivimmut allatsittunik anisunillu sullissineq

·Meeqqerivimmi takkuttarnermut nalunaarsuisarneq, sulisullu amerlassusiligaanerat

·Angajoqqaanik utaqqisuniittunik allatsissimasunillu sullissineq

·Akinik naatsorsuineq akiliisitsisarnerlu kiisalu nalimmassaasarneq

·Akinut nutaanut tunngatillugu akinik allannguinerit kiisalu isertitat allanngornerinut atatillugu akinik il. il. allannguinerit

· Allaffimmi suliassat allat

**Piginnaasat/naatsorsuutigisat:**

·Allaffimmiutut ilinniagaqarsimaneq assigisaanilluunniit

·Siusinnerusukkut assingusumik suliaqarnermik misilittagaqarsimanissaq orniginartinneqarpoq

·Sullinniakkanut suleqatinullu angusaqarfiulluartussamik pitsaasumillu oqaloqatiginnissinnaaneq

 **Tamatuma saniatigut pingaartipparput, illit:**

·Attaveqatiginnillaqqissoq suleqatiginnillaqqissoq, oqaatitsigullu piginnaaneqartutit

·Arlalinnik ataatsikkut suliaqarsinnaasutit

·Suliassanut aamma suliassanik agguataarnerinik ingerlaavartumik iluarsiissuteqarnissamut eqaatsumik allanngueriataarsinnaassuseqassasutit

·Ulluinnarni ulapaarfiusumi qitiutitsillutit aaqqissuisinnaassuseqarlutit sulisinnaasutit

·Avammut ammasuusutit ilakkuminartuusutillu

·Aalajaatsuusutit, namminersorsinnaasoq sullissinermillu ilisimaarinnittuusutit

·Oqaatsitigut allattariarsornikkullu marluinnik oqaaseqartuusutit nutsigassanillu ”annikitsunik” nutserisinnaallutit

·Suliaqarfigisami sullissinermik atortunillu ineriartortitsisinnaasutit

**Makku neqeroorutigaavut:**Atorfik suliassanik unammillernartortalik, pissanganartoq assigiinngiiaartunik suliassalik ulapaarfiusinnaasorlu, aamma imarisaanik nammineq sunniuteqarfigisinnaasat aaqqissuussaanermi ineriartortinneqartumi allanngorartumilu namminersortorujussuullutit akisussaaffeqalissaatit. Suliffimmut suliffeqarfimmullu iserluartinneqarnissaq pingaartiparput aammalu pitsaasumik suleqatigiittoqarnissaa qulakkeernissaa anguniartuarlutigu.
Attuumassuteqartunut pikkorissarnissanut peqataanissaq periarfissaassaaq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Lida Lysgaard Jonathansen, oqarasuaat +299 36 73 28 imaluunniit e-mail: ks06lijo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 743-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=743-26)

## Attaveqarfissaq

Lida Lysgaard Jonathansen / ks06lijo@sermersooq.gl / 367328