---
title: "Meeqqanut Ilaqutariinnullu Ingerlatsivik / Stabi kontorfuldmægtigissarsiorpoq "
description: "Meeqqanut Ilaqutariinnullu Ingerlatsivik / Stabi kontorfuldmægtigissarsiorpoq "
date: "2026-10-21"
created: "2026-10-21"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Meeqqanut Ilaqutariinnullu Ingerlatsivik / Stabi kontorfuldmægtigissarsiorpoq](https://sermersooq.gl/suliffissat/inuttaqanngitsut/meeqqanut-ilaqutariinnullu-ingerlatsivik-stabi-kontorfuldmaegtigissarsiorpoq)

Qinnuteqarnissamut periarfissarititaasoq

11/11/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Bruno Heilmann / ks40brhe@sermersooq.gl

Kommuneqarfik Sermersuumi Meeqqanut Atuarfeqarnermullu Ingerlatsivimmi Stabi piffissamut tamakkiisumut kontorfuldmægtigimik pikkorissumik tunniusimasumillu pissarsiorpoq.

Oqartussaaffeqarfik, Suliniuteqarfik aamma Stabi ingerlatsivimmiipput.
Stabi maannakkut qulinik sulisoqarpoq, sulisunut pingasunut agguagaallutik - aningaasaqarnermi aqutsisut, siunnersuisut suleqatigiit aamma kontorfuldmægtigit. Meeqqanut Ilaqutariinnullu politikki 2025 - 2035 ingerlatsivik tamakkerlugu aqutsinermut ineriartornermullu qitiusumik tunngaviuvoq.
Atorfik piffissaq suliffiusussaq tamakkerlugu suliffiuvoq, stabimi pisortaq qaninnertut qullersarineqarluni.

Uagut pilluta annertunerusumik paasissutissanik pissarsisinnaavutit uani: https://sermersooq.gl/kl/department/meeqqanut-ilaqutariinnullu-ingerlatsivik/

**Atorfiup imarai:**
Kontorfuldmægtigimik - ajornanngippat misilittagalimmik aningaasaqarnermut immikkoortortami peqataasussamik aamma uku ataanni suliaqartussamik pissarsiorpugut:

·Suliassaqarfiit akisussaaffeqarfiillu pingaarnerit allattorneqassapput

·Akiligassanik suliaqarneq, ilanngullugit akiliuteqarnerit malinnaatitsinerillu

·Missingersuutit malinnaatinneqarnerinut ilanngussaqarneq suliassaqarfiillu toqqakkat aningaasaqarnerisa tamakkiisumik malittarineqarnerannik pilersitsineq

·Aningaasaqarnermi nalunaarsukkat nakkutilliiffigineqarnerannut pitsaassusiisalu qulakkeerneqarnerannut tapertaaneq

·Suleqatit immikkoortortallu peqatigalugit aningaasaqarnermik pissutsinik misissuineq qulaajaanerlu

·Aningaasaqarnermik allaffissornermillu suliassaqarfiup iluani suleriaatsinik ineriartortitseqataaneq pitsanngorsaaqataanerlu

·Power BI-mi meeqqat allattorsimaffianik malinnaasitsineq

·GetOrganizedimi suliassanik nalunaarusiorneq

·Suliassat takkussuuttut

Siunnersortaaneq aamma stabimi aningaasaqarnermut immikkoortortami kontorfuldmægtigit allat qanimut suleqatigalugit suliassat suliarineqassapput.

**Qinnuteqartunut naatsorsuutigisat:**

∙Allaffissornermik ilinniagaqarputit allaffissornermik imaluunniit aningaasaqarnermik specialeqarlutit imaluunniit assingusumik ilinniagaqarputit.

∙Ajornanngippat pisortat allaffeqarfianni akiligassiissutinik suliaqarnermik, akiliinernik, naatsorsuutinik allattuinermi kontolersuinermillu misilittagaqarputit.

∙Aningaasaqarnikkut suleriutsinut ilisimasaqarputit aamma ilanngussanik nakkutilliisinnaavutit, eqqortumik kontolersuinermik qulakkeerinnissinnaavutit aamma akiliutinik malinnaaviginnissinnaavutit. Excel ilisimasaqarfigilluarpat aamma ajornanngippat AX/Prismemik aamma GetOrganizedimi nalunaarusiornermik misilittagaqarputit.

**Pingaartipparputtaaq:**

∙Aalajaatsuuneq, pitsaassutsimik ilisimasaqarluarneq immikkuualuttunillu maluginiaasinnaaneq

∙Tamakkiisumik takunnissinnaalluni ataatsikkut amerlasuunik suliaqarsinnaaneq

∙Allattariarsornermi oqaluttariarsornermilu ersarissumik paatsuugassaanngitsumillu attaveqartarneq

∙Nammineerluni sulisinnaaneq, akisussaassuseqarneq sullissiumatunerlu

∙Sulianut atatillugu eqaatsumik periuseqarneq suliallu agguaanneqartarneranni aaqqiissuteqartuarsinnaaneq

∙Ulloq ulapaarfiugaluarpalluunniit ukkatarinnilluarsinnaaneq ataqatigiissitsilluarsinnaanerlu

∙Tatitooq, namminersorluni aallarniiniartartoq, nukissaqarluartoq piumassuseqarluartorlu

∙Uagut suliassatta naammassineqarnissaannut ineriartortitseqataanermut pitsanngorsaanermullu peqataasoq

∙Kisitsisilerillaqqissoq

Siammasissumik suleqateqarluarsinnaaneq

∙ Marluinnik kalaallisut qallunaatullu oqaaseqartuuneq iluaqutaassaaq piumasaqaataanngilarli.

**Neqeroorutigaavut:**

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq aqutsisut peqatigilluinnarlugit suleqatigiilluarnerup attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

**Pineqaatissinneqarsimannginnermut aamma meeqqanik innarliisimannginnermut uppernarsaatit:**

Atorfik una meeqqanik innarliisimannginnermut aamma pineqaatissinneqarsimannginnermut uppernarsaatinik pissarsinissamut piumasaqaateqarfiuvoq. Inatsit naapertorlugu kommune meeqqanik pinerliisimannginnermut aamma pineqaatissinneqarsimannginnermut uppernarsaatinik naammaginartutut isigineqartunik pissarsereerpat atorfinitsitsiniarneq aallartinneqarsinnaavoq. Taamaattumik maluginiaqquarput, atorfinitsitsineq aatsaat isumaqatigiissutigineqarsinnaammat kommune rigspolitiinit pineqaatissinneqarsimannginnermut aamma Politiinit meeqqanik innarliisimannginnermut uppernarsaatinik tigusaqarpat.

Meeqqanik innarliisimannginnermut uppernarsaat kommunimit pissarsiarineqassaaq qinnuteqartup akuersissuteqarneratigut, pineqaatissinneqarsimannginnermullu uppernarsaat nammineerluni Politiinit pissarsiarineqassaaq.

**Akissarsiatigut atorfinitsitsinermilu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatiginninniarsinnaatitaasup akornanni isumaqatigiissutit atuuttut naapertorlugit.

Atorfinitsitsineq qaammatini pingasuni misiliutitaqaqqaassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Stabimi pisortaq Bruno Heilmann, oqarasuaat +299 55 36 10 imaluunniit e-mail: ks40brhe@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1078-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1078-26)

## Attaveqarfissaq

Bruno Heilmann / ks40brhe@sermersooq.gl