---
title: "Maligiaq sulisunik pingasunik pissarsiorpoq"
description: "Maligiaq sulisunik pingasunik pissarsiorpoq"
date: "2026-08-12"
created: "2026-08-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Maligiaq sulisunik pingasunik pissarsiorpoq](https://sermersooq.gl/suliffissat/inuttaqanngitsut/maligiaq-sulisunik-pingasunik-pissarsiorpoq)

Qinnuteqarnissamut periarfissarititaasoq

2/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Pipaluk Gedionsen-Steenholdt / ks27pige@sermersooq.gl

Meeqqat suleqatigerusuppigit ulluinnarnilu toqqissisimanartunik, isumassuisunik ineriartornartunillu pilersitseqataarusullutit? Taava Maligiammi sulisut nutaat ilagilersinnaavatit.

Perorsaanermut tunngasumik ilinniagaqarsimanissaq piumasaqaataanngilaq. Pingaarnerpaavoq aalajaatsuunissat, akisussaassuseqarnissat suleqatit angajoqqaallu qanimut suleqatigalugit meeqqanik sulerusussuseqarnissat.

**Maligiaq pillugu**

Meeqqerivik meeraaqqerivittalik Maligiaq naluttarfik Malik-ip eqqaaniippoq pisuttuarnissamullu periarfissaqarluarluni. Meeqqat 96-it inissaqartinneqarput ininut arfinilinnut agguarlugit: meeraaqqerivimmi meeqqat 0–2½-nik ukiullit 36-t inini pingasuniipput, ini ataaseq meeqqanut 12-inut inissaqarluni, meeqqerivimmilu meeqqat 2½–6-inik ukiullit 60-it inini pingasuniipput, ini ataaseq meeqqanut 20-nut inissaqarluni.

Pisortap saniatigut inini tamani sulisut pingasuupput, pisortap tullia sulisut amerlassusissaannut ilaalluni. Tamatuma saniatigut igaffimmi eqqiaasunillu sulisoqarpoq. Meeqqerivik ataasinngornermiit tallimanngornermut nal. 07.00–17.00 ammasarpoq.

**Suliassatit**

Sulisutut meeqqat ulluinnarni inuunerannut pingaarutilittut peqataassaatit. Suliassat ilaatigut makkuussapput:

·Pinnguaatinut, sammisassanut pisuttuarnernullu eqeersimaartumik peqataaneq

·Meeqqanut isumassuineq, qanilaarneq toqqissisimanermillu pilersitsineq

·Meeqqat atugarissaarnerannik, ineriartornerannik nammineersinnaassusiannillu tapersersuineq

·Ulluinnarni ileqquni, ilaatigut nerinermi, atisalersornermi, sinitsitsinermi, inuttut paaqqutarinninnermi eqqiluisaararnermilu ikiuunneq

·Meeqqap ataasiakkaap pisariaqartitaanik ineriartorneranillu eqqumaffiginninneq

·Angajoqqaat suleqatillu ataqqinnittumik suleqatigineri

·Sulisut ataatsimiinnerinut ataatsimullu pilersaarusiornermut peqataaneq

·Meeqqeriviup ilinniarsimasunik sulisaanit aqutsisuinillu suliamut tunngasumik ilitsersorneqarnissaq ilitsersuutinillu malinninnissaq

**Naatsorsuutigaarput,**

·Aalajaatsuussasutit piffissamillu eqqorlutit takkuttassasutit

·Isumassuisuussasutit, naammagittartuunissat qanilaartuunissallu

·Meeqqat suleqatigerusussagitit

·Akisussaaffimmik tigusisinnaassasutit meeqqeriviullu isumaqatigiissutai maleruagassailu malissagitit

·Eqaatsuussasutit assigiinngitsunillu suleqateqarsinnaassasutit

·Suleqatigiinnermut pitsaasumik tapersiissasutit

·Ilinniartitaanissamut, ilitsersorneqarnissamut suliamullu tunngasumik ineriartornissamut ammasuussasutit

Meeqqanik siornatigut suliaqarsimanerit iluaqutaassaaq, piumasaqaataanngilarli. Perorsaanermut tunngasumik ilinniagaqarsimanissaq aamma piumasaqaataanngilaq.

Kalaallisut qallunaatullu attaveqarsinnaanerit iluaqutaassaaq, piumasaqaataanngilarli.

**Neqeroorutigaavut**

·Suliffik meeqqanik qitiutitsisoq

·Suliamut sukumiisumik ilisarititsineq

·Ingerlaavartumik ilitsersuisarneq tapersersuisarnerlu

·Suleqatit suliaminnut tunniusimasut suleqatigineri

·Perorsaanermik sulinermik misilittagaqalernissamut periarfissaq

·Suleqatigiiffik atugarissaarneq, ataqqinninneq ineriartornerlu qitiutillugit

**Atorfinitsitaanermi atugassarititaasut**

Piffissaq tamakkerlugu atorfissat pingasuupput, piaarnerpaamik imaluunniit isumaqatigiissuteqarnikkut suliffigineqalersinnaasut.

Akissarsiat atorfinitsitaanermilu atugassarititaasut isumaqatigiissut atuuttoq naapertorlugu aalajangersarneqassapput. Nalinginnaasumik qaammatini pingasuni misiliummik atorfinitsitsisoqassaaq.

Atorfinnut atatillugu sulisunut inissiamik innersuussisoqarsinnaanngilaq.

Atorfinitsitaanissamut pinerluuteqarsimannginnermut meeqqanillu pinerliisimannginnermut uppernarsaatit naammaginartut piumasaqaataapput.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Pipaluk Gedionsen-Steenholdt, oqarasuaat +299 36 64 80 imaluunniit e-mail: ks27pige@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 763-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=763-26)

## Attaveqarfissaq

Pipaluk Gedionsen-Steenholdt / ks27pige@sermersooq.gl