---
title: "Maligiaq perorsaanermik ilinniarsimasunik marlunnik pissarsiorpoq"
description: "Maligiaq perorsaanermik ilinniarsimasunik marlunnik pissarsiorpoq"
date: "2026-08-12"
created: "2026-08-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Maligiaq perorsaanermik ilinniarsimasunik marlunnik pissarsiorpoq](https://sermersooq.gl/suliffissat/inuttaqanngitsut/maligiaq-perorsaanermik-ilinniarsimasunik-marlunnik-pissarsiorpoq)

Qinnuteqarnissamut periarfissarititaasoq

2/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Pipaluk Gedionsen-Steenholdt / ks27pige@sermersooq.gl

Nuummi meeqqerivimmi meeraaqqerivittalimmi angisuumi meeqqat ulluinnarni toqqissisimanartumik, ineriartornartumik isumaqarluartumillu inuuneqarnissaat pilersitseqataaffigerusuppiuk?

**Atorfik pillugu**

Maligiaq perorsaasunik imaluunniit isumaginninnermi perorsaasunik marlunnik suliaminnut tunniusimasunik suliamullu tunngasunik ilisimasaqarluartunik pissarsiorpoq. Taakku perorsaanermik sulinermut eqeersimaartumik peqataassapput meeqqallu atugarissaarnerannut, ineriartornerannut, ilinniarnerannut inuttullu inerikkiartornerannut tapersersuisuussallutik.

Suleqatigiinnut pitsaasunik attaveqatigiinnermik, ersarissunik sinaakkusiinermik angajoqqaanillu qanimut suleqateqarnermik ulluinnarni sulinermut tunngaviliisunut ilaalissaatit. Sammisassanut sunniuteqarnissamut Maligiallu perorsaanikkut suleriaasianik ineriartortitseqqinnermut peqataarnissamut periarfissaqassaatit.

**Suliassatit pingaarnerit**

·Meeqqat eqimattat pisariaqartitaat aallaavigalugit perorsaanikkut sammisassanik ineriartortitsisunik pilersaarusiorneq, ingerlatsineq naliliinerlu

·Toqqissisimanartunik, peqataatitsisunik ersarissunillu sinaakkusiineq kiisalu meeqqat inersimasullu akornanni pitsaasunik attaveqatigiinnernik tapersersuineq

·Meeqqap ataasiakkaap atugarissaarnera ineriartorneralu malinnaaffigalugu ataatsimut perorsaanikkut eqqarsaqatigiinnermut suliamut tunngasunik tapersiineq

·Angajoqqaat, suleqatit, aqutsisut aamma suliatigut suleqatigiinneqartartut attuumassutillit ataqqinnittumik aaqqiissutissarsiorlunilu suleqatigineqarnerat

·Aaqqissuussinermut, pitsaasunik ileqqunut, peqqinnartunik nerisaqarnermut, eqqiluisaarinermut silamilu eqeersimaartumik sammisaqartarnermut peqataaneq

·Sulisut ataatsimiinnerinut, suliamut tunngasunik oqallinnernut meeqqeriviullu suleriaasianik ineriartortitsinermut eqeersimaartumik peqataaneq

**Perorsaanikkut ilisarnaatigisavut**

Maligiaq meeraaqqerivimmi meeqqerivimmilu meeqqanut ininik arfinilinnik allanngorartumik atorneqarsinnaasunik imaqarpoq. Pingaartilluinnarpavut:

·Toqqissisimaneq pitsaasumillu attaveqatigiinneq meeqqap ineriartorneranut tunngaviusut

·Ullut tamaasa silamiinneq silaannarissumilu pinnguarneq

·Peqqinnartunik nerisaqarneq, eqqiluisaarneq perorsaanikkullu aalajangersimasunik ilisarnartunillu ileqqoqarneq

·Meeqqat nammineersinnaassutsiminnik, alapernaassutsiminnik, patajaassutsiminnik nuannaarnerminnillu ineriartortitsinerat

·Meeqqat ataatsimoorfiat peqataatitsisoq, meeqqat tamarmik ilaallutik misigisiffigisaat

**Illit ujarpatsigit, makkuninnga piginnaasalik:**

·Perorsaasutut ikiortitut imaluunniit isumaginninnermi ikiortitut ilinniarsimasoq

·Akisussaaffimmik tigusisinnaasoq, nammineerluni sulisinnaasoq peqatigitillugulu ataatsimoortunut eqeersimaartumik peqataasoq

·Suliamut tunngasunik alapernaatsoq perorsaanikkullu oqallinnernut pitsaasumik peqataarusuttoq

·meeqqanik suliaqarnermini isumassuisoq, aalajaatsuusoq, qanilaartoq erseqqissorlu

·ulluinnarni ulapaarfiusumi allanngorartumilu eqaatsuusoq allannguinissamullu piareersimasoq

·meeqqanut, angajoqqaanut suleqatinullu ataqqinnittumik suliamullu naapertuuttumik attaveqartartoq

·Kalaallisut qallunaatullu pitsaasumik oqalussinnaaneq iluaqutaassaaq, piumasaqaataanngilarli

**Neqeroorutigaavut**

·Suliffik ulluinnarni sammisassanut meeqqeriviullu ineriartorneranut suliamut tunngasumik sunniuteqarnissamut periarfissalik

·Sulisut atugarissaarnerannik, suliffimmi avatangiisinik pitsaasumillu suleqatigiiffimmik ukkataqarneq

·Meeqqat assigiinngisitaartut kiisalu ulluinnarni akisussaaffeqarnermik, allanngorassusermik isumaqarluartunillu attaveqatigiinnernik imalik

**Maligiaq pillugu**

Meeqqerivik meeraaqqerivittalik Maligiaq naluttarfik Malik-ip eqqaaniippoq pisuttuarnissamullu periarfissaqarluarluni. Meeqqat 96-it inissaqartinneqarput ininut arfinilinnut agguarlugit: meeraaqqerivimmi meeqqat 0–2½-nik ukiullit 36-t inini pingasuniipput, ini ataaseq meeqqanut 12-inut inissaqarluni, meeqqerivimmilu meeqqat 2½–6-inik ukiullit 60-it inini pingasuniipput, ini ataaseq meeqqanut 20-nut inissaqarluni.

Pisortap saniatigut inini tamani sulisut pingasuupput, pisortap tullia sulisut amerlassusissaannut ilaalluni. Tamatuma saniatigut igaffimmi eqqiaasunillu sulisoqarpoq. Meeqqerivik ataasinngornermiit tallimanngornermut nal. 07.00–17.00 ammasarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Pipaluk Gedionsen-Steenholdt, oqarasuaat +299 36 64 80 imaluunniit e-mail: ks27pige@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 761-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=761-26)

## Attaveqarfissaq

Pipaluk Gedionsen-Steenholdt / ks27pige@sermersooq.gl