---
title: "Maligiaq paarlatsimik inuussutissalerinermut ikiortissarsiorpoq"
description: "Maligiaq paarlatsimik inuussutissalerinermut ikiortissarsiorpoq"
date: "2026-11-02"
created: "2026-11-02"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Maligiaq paarlatsimik inuussutissalerinermut ikiortissarsiorpoq](https://sermersooq.gl/suliffissat/inuttaqanngitsut/maligiaq-paarlatsimik-inuussutissalerinermut-ikiortissarsiorpoq)

Qinnuteqarnissamut periarfissarititaasoq

23/11/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Aviaja Dalager / ks28avda@sermersooq.gl / 366480

**Meeqqerivik Maligiaq inuussutissalerinermut ikiortimik pikkorissumik tunniusimasumillu paarlatsissarsiorpoq**

Meeqqerivik Maligiaq inuussutissalerinermut ikiortimik pikkorissumik tunniusimasumillu, erninermut atatillugu sulinngiffeqartumut paarlatsissarsiorpoq. Sulilerneq isumaqatigiissuteqarnikkut pisinnaavoq.

Maligiaq katillugit 0-6-inik ukiulinnik 96-inik meeraqarpoq. Meeqqat immikkoortunut arfinilinnut agguataagaapput. Minnerni immikkoortut tamarmik 12-nik meeraqarput, angajulliillu immikkoortuini tamani 20-nik meeraqarluni.

Meeqqerivik Maligiaq ataasinngornermiit tallimanngornermut nal. 07.00-17.00 ammasarpoq.

**Immikkoortuni sulisut ukuupput:**

Perorsaasoq, isumaginninnermi ikiortit, Ikiortit, pisortaq, inuussutissalerinermut ikiorti, ikiorti

**Atorfimmi suliassat**

Ujartugarput tassaavoq inuussutissalerinermut ikiorti – ajornanngippat misilittagalik – makku suliassarisassallugit:

·Namminersorluni akisussaaffimmik tigusisinnaasoq, akisussaassuseqarluartoq aammalu meeqqat nerisassanik sunniuteqarsinnaasunik imaluunniit nerisartunut mianerisassanik pisariaqartitsisut immikkut eqqarsaatigalugit nerisassiorsinnaasoq

·Angajoqqaanik sulisunillu qanittumik suleqatigiilluarsinnaasoq

·Meeqqeriviup nerisaqartarnermut politikkiatut malittarisassat naapertorlugit sulisinnaasoq

**Qinnuteqartunut naatsorsuutigaarput**

·Igaffimmi ikiortitut imaluunniit inuussutissalerinermut ikiortitut ilinniarsimasoq, imaluunniit nerisassanik suliaqarneq pillugu ilinniagaqarsimasoq

·Eqqarsarluarsinnaasoq, nutaaliorsinnaasoq aammalu aaqqissuussaasumik sulisinnaasoq

·Suleqatit angajoqqaallu pitsaasumik suleqatigisinnaagai

·Pissusissamisoortumik allannguisinnaasoq aammalu misilittakkanik nutaanik misileraanissamut piumassuseqartoq

·Meeqqanik nuannarisaqartoq, tamanna pingaaruteqarluinnarpoq

**Neqeroorutigaarput**

·Meeqqat nuannaartut

·Sulisut nuannaartut qiimasullu

·Angajoqqaanik sulisunillu pitsaasumik suleqatigiinneq

·Meeqqerivik sulisullu patajaatsut

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Aviaja Dalager , oqarasuaat: +299 36 64 80 imaluunniit e-mail: ks28avda@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1146-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1146-26)

## Attaveqarfissaq

Aviaja Dalager / ks28avda@sermersooq.gl / 366480