---
title: "Maligiaq inuussutissalerinermik ikiortimik pissarsiorpoq"
description: "Maligiaq inuussutissalerinermik ikiortimik pissarsiorpoq"
date: "2026-08-12"
created: "2026-08-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Maligiaq inuussutissalerinermik ikiortimik pissarsiorpoq](https://sermersooq.gl/suliffissat/inuttaqanngitsut/maligiaq-inuussutissalerinermik-ikiortimik-pissarsiorpoq)

Qinnuteqarnissamut periarfissarititaasoq

2/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Pipaluk Gedionsen-Steenholdt / ks27pige@sermersooq.gl

Meeqqanut peqqinnartunik, mamartunik toqqissisimanartumillu nerisassanik piareersaasarusuppit Maligiallu ulluinnarni ingerlanneqarneranut pingaarutilittut peqataarusullutit?

**Atorfik pillugu**

Maligiaq inuussutissalerinermik ikiortitut ilinniarsimasumik igaffimmi ulluinnarni ingerlatsinermik isumaginnissinnaasumik meeqqanullu inuussutissartaqartunik, assigiinngisitaartunik kajungernartunillu nerisassanik qulakkeerinnissinnaasumik pissarsiorpoq.

Meeqqerivimmi qitiusumik atuuffeqassaatit nerisassat, nerisaqarnermut ileqqut, sapigaqarnerit immikkullu nerisaqartariaqarnerit pillugit aqutsisut perorsaanermillu sulisut qanimut suleqatigalugit. Atorfimmi suliamut piginnaasaqarneq, aaqqissuussisinnaaneq meeqqerivimmilu sulinermik paasinninneq pisariaqarput.

**Suliassatit pingaarnerit**

·Nerisassanut pilersaarusiorneq inuussutissartaqartunillu, assigiinngitsunik meeqqanullu naleqquttunik nerisassiorneq

·Sapigaqarnernik, inuussutissanik sapigaqarnernik aamma immikkut nerisaqartariaqarnernik uppernarsarneqarsimasunik eqqortumik isumaginninnerup qulakkeerneqarnera

·Pisiortorneq, nioqqutissanik tigusaqarneq, quersuarmik aqutsineq akuutissanillu aningaasatigut eqqumaffiginnilluni atuineq

·Igaffimmi eqqiluisaarnerup, eqqiaanerup, kissassutsimik nakkutilliinerup uppernarsaatitalimmillu nammineq nakkutilliinerup qulakkeerneqarnera

·Nerisassanik maangaannartitsinerup pinaveersaartinnera akuutissanillu akisussaassuseqarluni piujuartitsisumillu atuineq

·Nerisassat pitsaasumillu nerisaqarnermut ileqqut pillugit aqutsisunik perorsaanermillu sulisunik suleqateqarneq

·Ulluinnarni ulapaarfiusumi nerisassat piffissaq eqqorlugu isumannaatsumillu sassaalliutigineqarsinnaaqqullugit igaffimmi sulinermik aaqqissuussineq

**Perorsaanikkut ilisarnaatigisavut**

Maligiaq meeraaqqerivimmi meeqqerivimmilu meeqqanut ininik arfinilinnik allanngorartumik atorneqarsinnaasunik imaqarpoq. Pingaartilluinnarpavut:

·Toqqissisimaneq pitsaasumillu attaveqatigiinneq meeqqap ineriartorneranut tunngaviusut

·Ullut tamaasa silamiinneq silaannarissumilu pinnguarneq

·Peqqinnartunik nerisaqarneq, eqqiluisaarneq perorsaanikkullu aalajangersimasunik ilisarnartunillu ileqqoqarneq

·Meeqqat nammineersinnaassutsiminnik, alapernaassutsiminnik, patajaassutsiminnik nuannaarnerminnillu ineriartortitsinerat

·Meeqqat ataatsimoorfiat peqataatitsisoq, meeqqat tamarmik ilaallutik misigisiffigisaat

**Illit ujarpatsigit, makkuninnga piginnaasalik:**

·Inuussutissalerinermik ikiortitut imaluunniit igaffimmi suliamut attuumassuteqartumik allamik ilinniarsimasoq

·Inuussutissaqassuseq, inuussutissat isumannaatsuunerat, eqqiluisaarneq namminerlu nakkutilliineq pillugit ilisimasaqartoq

·Nammineerluni, aaqqissuussaasumik aningaasatigullu akisussaassuseqarluni sulisinnaasoq

·Meeqqat assigiinngitsunik pisariaqartitaannik eqqumaffiginnittoq nerisassanillu meeqqat ukiui immikkullu nerisaqartariaqarnerat naapertorlugit naleqqussaasinnaasoq

·Aalajaatsuusoq, eqaatsuusoq assigiinngitsunillu sulialinnik suleqateqallaqqissoq

·Meeqqanut, angajoqqaanut suleqatinullu ataqqinnittumik suliamullu naapertuuttumik pissusilersortoq

·Kalaallisut qallunaatullu pitsaasumik oqalussinnaaneq iluaqutaassaaq, piumasaqaataanngilarli

**Neqeroorutigaavut**

·Igaffimmi namminersorluni isumaqarluartumillu suliaqarneq, meeqqanut ulluinnarni ersarissumik pingaaruteqartoq

·Meeqqerivimmi meeraaqqerivittalimmi angisuumi suleqatit suliaminnut tunniusimasut suleqatigineri

·Meeqqeriviup nerisassanut politikkianik nerisaqarnermullu ileqquinik ineriartortitsinermut peqataarnissamut periarfissaq

·Ulluinnarni sulineq allanngorartoq pitsaassutsimik, peqqinnartumik inuuneqarnermik pitsaasumillu nerinermi misigisaqartitsinermik ukkataqartoq

**Maligiaq pillugu**

Meeqqerivik meeraaqqerivittalik Maligiaq naluttarfik Malik-ip eqqaaniippoq pisuttuarnissamullu periarfissaqarluarluni. Meeqqat 96-it inissaqartinneqarput ininut arfinilinnut agguarlugit: meeraaqqerivimmi meeqqat 0–2½-nik ukiullit 36-t inini pingasuniipput, ini ataaseq meeqqanut 12-inut inissaqarluni, meeqqerivimmilu meeqqat 2½–6-inik ukiullit 60-it inini pingasuniipput, ini ataaseq meeqqanut 20-nut inissaqarluni.

Pisortap saniatigut inini tamani sulisut pingasuupput, pisortap tullia sulisut amerlassusissaannut ilaalluni. Tamatuma saniatigut igaffimmi eqqiaasunillu sulisoqarpoq. Meeqqerivik ataasinngornermiit tallimanngornermut nal. 07.00–17.00 ammasarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Pipaluk Gedionsen-Steenholdt, oqarasuaat +299 36 64 80 imaluunniit e-mail: ks27pige@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 762-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=762-26)

## Attaveqarfissaq

Pipaluk Gedionsen-Steenholdt / ks27pige@sermersooq.gl