---
title: "Majoriaq Tasiilaq ataatsimik siunnersortissarsiorpoq "
description: "Majoriaq Tasiilaq ataatsimik siunnersortissarsiorpoq "
date: "2026-10-22"
created: "2026-10-22"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Majoriaq Tasiilaq ataatsimik siunnersortissarsiorpoq](https://sermersooq.gl/suliffissat/inuttaqanngitsut/majoriaq-tasiilaq-ataatsimik-siunnersortissarsiorpoq)

Qinnuteqarnissamut periarfissarititaasoq

12/11/2026

Suliffik

Tasiilaq

Sumiiffik

Forvaltning for Velfærd og arbejdsmarked

Attaveqarfissaq

Nikoline-Mette Nuko / ks70menu@sermersooq.gl / 367798 / 547690

Kommuneqarfik Sermersooq, Majoriaq Tasiilaq pikkorissumik tunniussimasumillu pingaarnertut saaffiginniffiusartumi suliffeqartuunermut qaffassarnermut ilinniartitaanermullu tunngasunik suliaqartussamik ataatsimik siunnersortissarsiorpoq.

Majoriaq Tasiilaq maanna suliatigut ineriartortitsiffiuleruttorpoq, taamaalilluni siunnersortinngortussaq nammineerluinnarluni suliassaqarfimmi ineriartortitsinermik siunniunneqarsimasunik suliaqarsinnaasuussaaq, aammalu suleriutsinik ineriartortitsinermi ingerlatitseqqinnissami peqataalersitseqataassaaq. Atorfininnissaq 1. december 2026 pissasoq kissaatigineqarpoq imaluunniit isumaqatigiissuteqarnikkut.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Tasiilami inissisimavoq. Suliffissarsiuussisarnermi aqqutissiuussinermilu qitiusumik ingerlatsivimmi Majoriami ningiu qaninnertut aqutsisorissavaa.

**Atorfimmi suliassat:**

∙Suliffissarsiortunik nalunaarsuineq

∙Allaffissornikkut suliassanik ingerlatsineq

∙Tasiilami nunaqarfiinilu suliffeqartuunermut, qaffassaanermut ilinniagaqalernissamullu ingerlariaqqikkusuttunik aqqutissiuussineq siunnersuinerlu

∙Avataaniit tikisitsinissamik qinnuteqaatinik suliassanik ingerlatsineq malitseqartitsisarnerlu

∙Nammineersinnaalluni suliaqarsinnaassuseqartuunissaq taavalu allanik suleqateqarsinnaanissaq pikkoriffigineqassaaq

∙Suliffeqarfiit attavigisartakkat ilinniartoqarfiillu suleqatiginerinut ineriartortitseqataalluni peqataaneq

∙Kommunimi ingerlatsiviit allat suleqatigineri

∙Sulianik allanik aammalu tassanngaannaq takkuttunik suliaqaqataasinnaassuseqarneq

**Naatsorsuutigisat:**

∙Suliassaqarfimmut naapertuuttumik ilinniagaqarsimaneq misilittagaqarnerlu

∙Ilinniartitaanermut suliffeqarnermullu tunngasuni inatsisinik ilisimasaqareerneq

∙Pitsaasumik angusaqarusuttuusutit sunniuteqarluarusuttuusutillu

∙Inoqatit naligalugit ataqqillugillu naapittaritit, kisiannili aamma aalajangersimasumik pissuseqassallutit

∙Suliffeqarnermut tunngasutillugu kissaatigisanik pisariaqartitanillu qulaajaanermut peqataasinnaasutit

∙Kalaallisut danskisullu oqalussinnaanermik piginnaasaqartutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaavut:**Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

Aqqutissiuussisutut tunngaviusumik ilinniagaqarnissamut imaluunniit allatigut Majoriami sulinermut attuumassuteqartumik pikkorissarnissanik periarfissaqartitsissaagut.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Centerleder Mette Nuko, oqarasuaat +299 36 77 98 imaluunniit e-mail: ks70menu@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1093-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1093-26)

## Attaveqarfissaq

Nikoline-Mette Nuko / ks70menu@sermersooq.gl / 367798 / 547690