---
title: "Majoriaq Paamiut-nut allaffimmi fuldmægtigi "
description: "Majoriaq Paamiut-nut allaffimmi fuldmægtigi "
date: "2026-09-25"
created: "2026-09-25"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Majoriaq Paamiut-nut allaffimmi fuldmægtigi](https://sermersooq.gl/suliffissat/inuttaqanngitsut/majoriaq-paamiut-nut-allaffimmi-fuldmaegtigi)

Qinnuteqarnissamut periarfissarititaasoq

16/10/2026

Suliffik

Paamiut

Sumiiffik

Forvaltning for Velfærd og arbejdsmarked

Attaveqarfissaq

Naja Jakobsen / ks80naja@sermersooq.gl / +299366604

Majoriaq Paamiut allaffimmi fuldmægtigimik / suliassanik suliaqartartumik atorfinittussarsiorpoq isumaqatigiissuteqarnikkut.

Atorfik pilersinneqarpoq suliassat amerliartornerat aammalu Majoriaq-mi oqartussaasutut allaffissornermilu suliassat ajornakusoornerulernerat pissutigalugit. Uppernarsaatinik piumasaqaateqarnerit, nalunaarsuineq aammalu pitsaassutsimik qulakkeerinninneq annertusisimapput, taamatuttaaq ikiorsiissutinut, nunanit allaneersunik sulisunut aammalu innuttaasunik saaffiginnittarnerit amerleriaateqarnerat maluginiarneqarsimalluni. Normeringip ilaneqarnissaa pisariaqarpoq suliassanik piffissaliussat naapertorlugit aammalu inatsisilerinikkut eqqortumik ingerlatsisoqarnissaa, kiisalu ingerlatsinerup patajaatsuunissaa qulakkeerniarlugu.

Atorfik tamakkiisumik suliffiuvoq aammalu Kommuneqarfik Sermersooq-mi Inuussutissarsiornermut Isumaginninnermullu ingerlatsivimmi, Majoriaq Paamiut-mi inissisimavoq. Immikkoortortaqarfimmi aqutsisoq qaninnertut aqutsisuussaaq.

**Majoriaq-mi sulisut tamarmik naleqartitat tunngavigalugit sulisarput, taamaattumik qinnuteqartoq atorfimmut naleqartitat malinnissaanut naatsorsuutigivarput, naleqartitallu tassaapput:**

·Suliamut ilisimasaqarneq – tulluartumik qaffasissusilimmik suliaqarsinnaaneq

·Inuiaqatigiinnut isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq

·Naammassinninneq – Pingaarnertut suliamut angusaqarluarneq

·Ataatsimut isiginninneq – Majoriap ataatsimoortuunerata takusinnaanera

·Iliuussissamik pilersaarusiorneq – Majoriamut tunaartanik sinaakkutinillu inissitsiterineq

·Attaveqatigiinneq – ilutsinni avammullu oqaloqatigiittarneq

·Ineriartorneq – inuit, ingerlariutsit aaqqissuussaanerlu nakussassarlugit

·Siunnersuineq – Pingaarnertut suliassaq suliarilluarlugu.

**Majoriaq-mi suliassat assigiinngitsorpassuupput ilaatigullu makkuupput:**

·Saaffiginnittarfimmi sullissineq aammalu oqarasuaatikkut innuttaasunik attaveqarneq

·Suliffissarsiortunik Winformatik-imi aamma GetOrganized-imi nalunaarsuineq

·Qinnuteqaatinik suliaqarneq aammalu aalajangiinernik suliaqarlunilu nassiussineq

·Karantænenik aammalu nuunnissamut (nuttarnerulersitsinermut tunngasunik) suliaqarneq

·Nunanit allaneersunik sulisunik qinnuteqaatinik suliaqarneq

·Akiliinissamut allattorsimaffinnik pitsaassutsimik qulakkeerinninneq

·Suliassat allat pisariaqartitsineq naapertorlugu suleqateqarluni allanik ingerlatsineq

Sulissat suliarineqassapput suleqatit allat qanimut suleqatigalugit aammalu centerleder-imut nalunaaruteqartarnikkut.

**Qinnuteqartumut naatsorsuutigineqartut:**

·Suliniuteqarsinnaaneq aammalu akisussaassuseqarneq

·Suliassanik aaqqissuussamik aammalu namminersortumik ingerlatsisinnaaneq

·Innuttaasunik sullissilluarsinnaaneq aammalu innuttaasunik attaveqarnermi ilisimaarinnittoq

·Suleqatigiinnermi pitsaasumik piginnaasaqarneq

·Marlunnik oqaaseqarneq iluaqutaassaaq, piumasaqaataanngilarli.

·Allaffimmi imaluunniit inuiaqatigiinnut tunngasunik ilinniagaqarsimanissaq

Oqartussanut sullissinermik misilittagaqarneq aammalu inatsisilerinermi attuumassutilinnik ilisimasaqarneq iluaqutaassaaq, kisianni piumasaqaataanngilaq, ilinniartitsisoqassammat

**Neqeroorutigaarput**:

Suliffik unammillernartoq aammalu assigiinngitsorpassuarnik imalik, suliassaqarfimmi oqartussaaffigineqartumi namminersorluni akisussaaffeqarluni aammalu suliatigut ineriartortitsinissamut periarfissaqartoq.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortoami aqutsisoq Naja Jakobsen, oqarasuaat +299 36 66 04 imaluunniit e-mail: ks80naja@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 976-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=976-26)

## Attaveqarfissaq

Naja Jakobsen / ks80naja@sermersooq.gl / +299366604