---
title: "Majoriaq Nuummi siunnersortissarsiorpoq"
description: "Majoriaq Nuummi siunnersortissarsiorpoq"
date: "2026-11-02"
created: "2026-11-02"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Majoriaq Nuummi siunnersortissarsiorpoq](https://sermersooq.gl/suliffissat/inuttaqanngitsut/majoriaq-nuummi-siunnersortissarsiorpoq-2)

Qinnuteqarnissamut periarfissarititaasoq

23/11/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Karina Ivalo Kleist / ks23kakl@sermersooq.gl

Kommuneqarfik Sermersooq, pikkorissumik tunniussimasunillu pingaarnertut piginnaanngorsaaqqiinermik, sulisinnaassutsimik nalilersuinermik, sulileqqinnissamut innersuussinermik ujartuillunilu siunnersuinermik qaammarsaanertalimmik suliaqartussamik, maanna suliatigut ineriartortitsiffiuleruttortumi suliassaqarfimmi ineriartortitsinermik ingerlatitseqqinnissami peqataalertussamik siunnersortissarsiorpoq.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Nuummi inissisimavoq, suliffissarsiuussisarnermi aqqutissiuussinermullu immikkoortortami aqutsisoq tassani qaninnertut aqutsisuuvoq.

**Majoriami sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat ukua peqataaffigiumallugit akuersaarsimassavaat:**  ****

·Suliamut ilisimasaqarneq – tulluartumik qaffasissusilimmik suliaqarsinnaaneq

·Inuiaqatigiinnut isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq

·Naammassinninneq – Pingaarnertut suliamut angusaqarluarneq

·Ataatsimut isiginninneq – Majoriap ataatsimoortuunerata takusinnaannera

·Iliuussissamik pilersaarusiorneq – Majoriamut tunaartanik sinaakkutinillu inissitsiterineq

·Attaveqatigiinneq – ilutsinni avammullu oqaloqatigiittarneq

·Ineriartorneq – inuit, ingerlariutsit aaqqissuussaanerlu nakussassarlugit

·Atuartitsineq ilinniartitsinerlu taavalu siunnersuineq – Pingaarnertut suliassaq suliarilluarlugu

Taamaattumik Majoriami inuusuttunut inersimasunullu siunnersortitut sulissaatit, taamaalillutit aamma sulilernissamut ilinnialernissamulluunniit piareersarnermi ikorfartuillutillu kajumissaarisutut sulissallutit.

**Atorfimmi suliassat:**

∙Suliffissarsiortunik, ilinniagaqalerusuttunik pikkorissarusuttunillu sullissineq nalunaarsuinerlu

∙Sulisinnaassutsimik nalilersueqataaneq, siusinaartumillu pensionisialinnik qinnuteqartunik sullissineq

∙Suliffissarsiortunik naleqqussakkat 1-2-miittunik ilitsersuinermut ingerlariaqqitsitsiniaanermillu suliaqarneq

∙Sulilernissamut innersuussineq

∙Piginnaanngorsaaqqiinermut innersuussisarneq

∙Piginnaanngorsaqqiisarnermi suliassanik ingerlatsineq malitseqartitsisarnerlu

∙Inuusuttunik 30-t ataallugit ukiulinnik ujartuilluni aqqutissiussiisinnaaneq

∙Avataaniit sulisussanik tikisitsinissamik qinnuteqaatinik sullissineq

∙Majoriap iluani suleriutsinik ineriartortitseqataaneq

∙Suliffeqarfiit attavigisartakkat ilinniartoqarfiillu suleqatiginerinut ineriartortitseqataalluni peqataaneq

∙Kommunimi ingerlatsiviit allat suleqatigineri

∙Suliassaqarfimmi aningaasartuutinik ataavartumik ingerlatseqataaneq, aqutseqataaneq nakkutilleeqataanerlu

∙Sulianik allanik aammalu tassanngaannaq takkuttunik suliaqaqataasinnaassuseqarneq

**Naatsorsuutigisat:**

∙Suliassaqarfimmut naapertuuttumik ilinniagaqarsimaneq misilittagaqarnerlu, neriulluta isumaginnerup iluani ilinniakkamik tunuliaquteqartutit

∙Isumaginninnermut, ilinniartitaanermut suliffeqarnermullu tunngasuni inatsisinik ilisimasaqareerneq

∙Unammilligassanut takkussortuartunut akiuussinnaassuseqartuusutit sulianillu assigiinngisitaarsinnaasunik ataatsikkut aallussisinnaassuseqarlutit

∙Nammineersinnaalluseqarluartutit allanulllu immersueqataalluartarlutit

∙Inoqatit naligalugit ataqqillugillu naapittaritit

∙Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit

∙Kalaallisut danskisullu oqalussinnaanermik piginnaasaqartutit, piumasaqaataanngilarli

**Neqeroorutigaavut:**
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Centerchef Karina Kleist, oqarasuaat +299 36 63 70 imaluunniit e-mail: ks23kakl@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1143-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1143-26)

## Attaveqarfissaq

Karina Ivalo Kleist / ks23kakl@sermersooq.gl