---
title: "Majoriaq Nuuk Siunnersortissarsiorpoq"
description: "Majoriaq Nuuk Siunnersortissarsiorpoq"
date: "2026-09-11"
created: "2026-09-11"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Majoriaq Nuuk Siunnersortissarsiorpoq](https://sermersooq.gl/suliffissat/inuttaqanngitsut/majoriaq-nuuk-siunnersortissarsiorpoq)

Qinnuteqarnissamut periarfissarititaasoq

15/9/2026

Suliffik

Nuuk

Attaveqarfissaq

Jonna Therkelsen / ks14joth@sermersooq.gl

Kommuneqarfik Sermersooq, Majoriaq Nuuk pikkorissumik tunniussimasunillu pingaarnertut suliffeqanngikkallarnermi ikiorsiissutilerinermik suliaqartussamik, maanna suliatigut ineriartortitsiffiuleruttortumi, taamaalilluni suliassaqarfimmi ineriartortitsinermik ingerlatitseqqinnissami peqataalertussamik siunnersortissarsiorpoq.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Nuummi inissisimavoq. Suliffissarsiuussisarnermi aqqutissiuussinermullu immikkoortortami aqutsisoq tassani qaninnertut aqutsisuuvoq.

Majoriami sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat ukua peqataaffigiumallugit akuersaarsimassavaat:

·Suliamut ilisimasaqarneq – tulluartumik qaffasissusilimmik suliaqarsinnaaneq

·Inuiaqatigiinnut isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq

·Naammassinninneq – Pingaarnertut suliamut angusaqarluarneq

·Ataatsimut isiginninneq – Majoriap ataatsimoortuunerata takusinnaannera

·Iliuussissamik pilersaarusiorneq – Majoriamut tunaartanik sinaakkutinillu inissitsiterineq

·Attaveqatigiinneq – ilutsinni avammullu oqaloqatigiittarneq

·Ineriartorneq – inuit, ingerlariutsit aaqqissuussaanerlu nakussassarlugit

·Atuartitsineq ilinniartitsinerlu taavalu siunnersuineq – Pingaarnertut suliassaq suliarilluarlugu

Taamaattumik Majoriami inuusuttunut inersimasunullu siunnersortitut suleqataassaatit, taamaalillutit aamma sulilernissamut ilinnialernissamulluunniit piareersartitsinermi ikorfartueqataallutillu kajumissaareqataassallutit.

**Atorfimmi suliassat:**

Suliassat assigiinngitsorpassuupput, ilaatigut makku ilaallutik:

·Saaffiginnittarfimmi innuttaasunik sullissineq aammalu oqarasuaatikkut attaveqarneq

·Suliffissarsiortut Winformatik aamma GetOrganized-imi nalunaarsuineq

·Suliffeqanngikkallarnermi ikiorsiissutinik qinnuteqaatinik suliarinninneq aammalu aalajangiinernik allagaqaasiorneq

·Killilersuinernik ingerlatsineq

·Nuttarnerulernissamut ikiorsiissut pillugit ingerlatsineq

·Avataanit suliartortitsinissamut qinnuteqaatinik suliarinninneq

·Akissarsiat allattorsimaffiannik pitsaassutsimik qulakkeerinninneq

·Sulianik allanik aammalu tassanngaannaq takkuttunik suliaqaqataasinnaassuseqarneq

Suliassat suleqatigiinni sulisut allat qanittumik suleqatigalugit ingerlanneqartarput, aammalu immikkoortortaqarfimmi aqutsisumut akisussaasuullutik.

**Naatsorsuutigisat:**

·Allaffimmiutut imaluunniit isumaginninnermut tunngasumik ilinniagaqarsimasoq

·Akisussaassuseqartoq aammalu nammineerluni sulisinnaasoq

·Aaqqissuussamik sulisoq

·Innuttaasunik sullissinermi kiffartuussillaqqissoq

·[Suleqatigiinnermut piginnaasalik](https://sermersooq.gl/null)

·Marlunnik oqaasilik iluaqutaassaaq, piumasaqaataanngilarli

·Oqartussaasutut sulinermik misilittagaqarneq aammalu inatsisilerinermut attuumassuteqartunut ilisimasaqarneq iluaqutaassaaq piumasaqaataananili

**Neqeroorutigaavut:**
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

**Pineqaatissinneqarsimannginnermut uppernarsaat:**Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

**Akissaatinut atorfinitsitaanermullu tunngatillugit atugassarititaasut:**Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit AK Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

**Inissiaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortaqarfimmi aqutsisoq Jonna Therkelsen, oqarasuaat +299 36 73 14 imaluunniit e-mail: ks14joth@sermersooq.gl

**Qinnuteqaat:**
Qinnuteqaatip ilisarnaataata qulequtserlugu **Atorfiup ilisarnaataa 911-26-mik,** aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

**Imatut qinnuteqaateqassaatit:**
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=911-26)

## Attaveqarfissaq

Jonna Therkelsen / ks14joth@sermersooq.gl