---
title: "Majoriaq Nuuk marlunnik konsulentissarsiorpoq "
description: "Majoriaq Nuuk marlunnik konsulentissarsiorpoq "
date: "2026-08-27"
created: "2026-08-21"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Majoriaq Nuuk marlunnik konsulentissarsiorpoq](https://sermersooq.gl/suliffissat/inuttaqanngitsut/majoriaq-nuuk-marlunnik-konsulentissarsiorpoq)

Qinnuteqarnissamut periarfissarititaasoq

11/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Jonna Therkelsen / ks14joth@sermersooq.gl

Illit innuttaasut inuuneranni allanngueqataarusuppit, suliffimmut, ilinniarnermut aamma inuiaqatigiinni peqataanissamut periarfissanik sullisseqataarusuppit?

Majoriaq Nuuk marlunnik konsulentinik pimoorussisunik sulisussarsiorpoq, innuttaasut qanillugit suleqatigalugit suliffissamut aamma ilinniartitaanermut aqqutissanik pilersitseqataarusuttunik pissarsiorpoq.

Konsulentitut innuttaasunik siunnersuisassaatit, kajumissaarisassaatit tapersersuisassallutillu, kiisalu suliffissaqartitsinermut suliniutinik pitsaasunik piviusorsiortunillu ineriartortitseqataasassallutit.

**Majoriaq pillugu**

Majoriap siunertaraa innuttaasut pisinnaasatik naapertorlugit suliffissaqartitsinermi aamma inuiaqatigiinni eqeersimaartumik peqataatinneqartitsisussaq. Inuit ataasiakkaat nukittuffiinut, periarfissaanut aamma ineriartorneranut immikkut isiginiagaqartut.

Atorfik Kommuneqarfik Sermersooq-mi Isumaginninnermut Suliffissaqartitsinermullu Ingerlatsivimmi, Majoriaq Nuuk-mi inissisimavoq. Aqutsisutut qaninnerpaamik pisortarissavatit Sulississanut aamma Siunnersuinermik immikkoortortaqarfimmi pisortaq.

**Suliassat**

Ullut assigiinngisitaartunik suliassaqartassaatit, innuttaasunik sullissinermik, allaffissornermik aamma ineriartortitsinermik imaqartunik, ilaatigut makkuninnga:

·Suliffissarsiortunik innuttaasunik suliassanik isumaginninneq aamma paasissutissanik nalunaarsuineq

·Iliuusissanik pilersaarusiorneq aamma suliffissaqartitsinermut suliniutinik malitseqartitsineq

·Suliffissaaleqisunik siunnersuineq kiisalu suliffissaqartitsinermut suliniutinik pilersaarusiorneq, aallartisaaneq aamma malitseqartitsineq

·Matchgruppe-nik immikkoortiterineq aamma paasiniaanermik ingerlatsinernik malitseqartitsineq

·Innuttaasunik innersuussineq, suliffissamik innersuussineq aamma iliuuseqartitsilertitsineq, innuttaasut sulisinnaassusiat ineriartornissamullu periarfissaat pingaartitsineq

·Suliffeqarfinnik suleqateqarnermik aaqqissuussineq aamma suliffeqarfiit pillugit café-nik ingerlatsineq

·Tusarniaassutinik allakkanik, suliami peqataasunut tusarniaassutinik aamma aalajangiinernik suliaqarnissaq, ilaatigut jobsøgningsydelse-stop kiisalu matchgruppe 2 aamma 3-mut innersuussineq

·PKU-/PKO-kursinut atatillugu suliassanik isumaginninneq

·Ineriartortitsinermut aamma immikkut ittumik suliassanut peqataaneq

Taamatuttaaq Majoriaq-mi suleriaatsinik, suliniutinik aamma suleqatigiinnernik ineriartortitseqataanissamut periarfissaqassallutit.

**Ilinnit naatsorsuutigaarput**

·Ilinniagaqassutsikkut naleqquttumik ilinniagaqarsimasutit, pingaartumik isumaginninnermut tunngasunik ilinniagaqarsimaneq iluaqutaassaaq

·Isumaginninnermut, ilinniartitaanermut aamma suliffissaqartitsinermut tunngasunik ilisimasaqartutit

·Aaqqissuussamik suleriaaseqartutit aamma ulluinnarni suliassat assigiinngiiaartut nuannarigitit

·Namminerisamik suliniuteqarsinnaasutit aamma suleqatigisavit akornanni pitsaasumik suleqatigiinnermut peqataarusuttuusutit

·Innuttaasunik suleqatinnillu ataqqinnittumik, akuersaarlutit pimoorussillutillu naapitsisartutit

·Innuttaasut kissaataannik, nukittuffiinik pisariaqartitaannillu paasisaqarfigisinnaagitit

·Kisimiillutit sulisinnaasutit aamma suliatigut assigiinngitsutigut suleqatigiinnermi eqeersimaartumik peqataasinnaasutit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Siunnersuinermik, suliassanik isumaginninnermik imaluunniit suliffissaqartitsinermut tunngasunik misilittagaqarnissaq iluaqutaassaaq, pingaarnerpaavorli allanngueqataarusussuseqarnissat aamma suliatigut ineriartorusussuseqarnissat.

**Neqeroorutigaarput**

Suliffik isumalimmik unammillernartumillu, akisussaaffimmik nammineerluni tigusiffiusoq aamma allanngoriartortumi aaqqissuussinermi ineriartortitsinissamut sunniuteqarnissamut periarfissaqartoq.

Ilaatigut neqeroorutigaarput:

·Ilisarititsineq aamma sungiusarneq pitsaasoq

·Suliatigut qanittumik oqaloqatigiittarneq aamma suleqatigiinneq pitsaasoq

·Suliatigut ineriartortitsinissamut aamma piginnaasanik qaffassaanissamut periarfissat

·Ilaatigut tunngaviusumik aqqutissiuussinermut ilinniarnissamut periarfissiisoq

Suliffeqarfitsinni naleqartitat uku aallaavigaavut: suliatigut piginnaaneqarneq, inuiaqatigiinnut isiginnittaaseq pitsaasoq, akisussaaffik, ataatsimut isiginnittaaseq pitsaasoq, periusissatut eqqarsarneq, attaveqatigiinneq, ineriartortitsineq kiisalu ilinniartitsineq, ilinniarneq aamma siunnersuineq aqqutissiuussinerlu.

Naatsorsuutigaarput naleqartitat taakku imminut tulluuttutut isigissagitit, ataatsimoorluta suliassatsinnut pingaarnerpaamut peqataassasutillu.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Jonna Therkildsen, oqarasuaat +299 36 81 40 imaluunniit e-mail: ks26joth@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 817-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=817-26)

## Attaveqarfissaq

Jonna Therkelsen / ks14joth@sermersooq.gl