---
title: "Majoriaq Nuuk Ilinniartitsisumik tuluttoortitsisussamik pissarsiorpoq"
description: "Majoriaq Nuuk Ilinniartitsisumik tuluttoortitsisussamik pissarsiorpoq"
date: "2026-08-20"
created: "2026-08-20"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Majoriaq Nuuk Ilinniartitsisumik tuluttoortitsisussamik pissarsiorpoq](https://sermersooq.gl/suliffissat/inuttaqanngitsut/majoriaq-nuuk-ilinniartitsisumik-tuluttoortitsisussamik-pissarsiorpoq)

Qinnuteqarnissamut periarfissarititaasoq

10/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Nuka Nielsen Larsen / ks48nuni@sermersooq.gl

Majoriaq Nuuk suliffeqarfiuvoq ineriartortoq. Ukiuni kingullerni suliat pingaarnerit eqaannerusumik aallunneqarnissaat suliniutigisimavaa, taamatuttaaq innuttaasut pisariaqartitaasa matussusernissaannut naapigiaalluni. Majoriami suliassat pingaarnerit qitiusut tassaapput: Inuusuttut inersimasullu ilinniagaqarnissaannut siunnersuineq innuttaassullu suliffeqalernissaanut aallartisaaneq. Majoriaq Nuuk siunnersuiffittut suliffiummat inersimasunullu piginnaanngorsaqqiffiummat iluaquterujussuussaaq ilinniartitsisutut ilinniarsimasuunissat taavalu inersimasunik atuartitsinermik misilittagaqarnissat imaluunniit ilinniarsimanissat ilanngullugu IT atorlugu suliaqarluarsinnaanissat/ilisimasaqarluarnissat.

Majoriami ilinniartitsisutut sulissaatit, tassani inuusuttut inersimasullu atuartinnerini ilinniakkamik aallartitsinissaannut kajumilersitsinissaq suliassarivat.

Majoriami atuartitseriaaseq FA-niveauiuvoq (Meeqqat atuarfianni inaarutaassumik misilitsiffiusoq). Pitsaaqqutaassaaq sammisaqartitsinermik tunngasunik atuartitsineq ingerlannissaannut soqutigisaqaruit, taamatut Majoriami atuartut atuartitsineq kajuminnartutut, isumalittut qanilaarfiusutullu misigisarniassammassuk.

**Atuartitsineq ilinniartitsisoqatit siunnersuisullu suleqatigalugit pilersaarusiorneqartassaaq, piumasaqaatit ukuupput:**

·Ilisimasaqarneq

·Namminersorsinnaaneq

·Aaqqissuussaalluartumik suleriuseqarneq

·Suleqataalluarsinnaaneq

·Nutaaliorsinnaaneq

·Immikkut pisariaqartitsisunik paasinnilluarsinnaaneq

**Naatsorsuutigaarput:**

·Ilinniartitsisutut ilinniarsimasuunissat

·Oqaluttariarsornikkut allattariarsornikkullu oqaatsinik piginnaasaqarluarnissat

·Inersimasunik ilinniartitsinermik tassungaluunniit assingusumik suliaqarnermik misilittagaqarnissat

·Atuarfiup ineriartorneranut tunniussinissannut kajumissuseqarlutillu nukissaqarnissat

·Qarasaasialerineq (IT) atuartitsinermi atorluarsinnaagit

·Inaarutaasumik misilitsittarneq ilisimasaqarfigissavat

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Teamleder-i Nuka Nielsen Larsen, oqarasuaat +299 36 80 75 imaluunniit e-mail: ks48nuni@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 811-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=811-26)

## Attaveqarfissaq

Nuka Nielsen Larsen / ks48nuni@sermersooq.gl