---
title: "Kommuneqarfik Sermersuup Ilisimatusarfiullu akornanni ph.d-nngorniaq"
description: "Kommuneqarfik Sermersuup Ilisimatusarfiullu akornanni ph.d-nngorniaq"
date: "2026-08-27"
created: "2026-08-27"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kommuneqarfik Sermersuup Ilisimatusarfiullu akornanni ph.d-nngorniaq](https://sermersooq.gl/suliffissat/inuttaqanngitsut/kommuneqarfik-sermersuup-ilisimatusarfiullu-akornanni-phd-nngorniaq)

Qinnuteqarnissamut periarfissarititaasoq

17/9/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Frederik Lundblad / ks70frlu@sermersooq.gl / 366080 / 589393

# Kommuneqarfik Sermersuup Ilisimatusarfiullu akornanni suleqatigiinnikkut suliffeqarfimmit akilerneqartumik ph.d-nngorniaq

**Angerlarsimaffiup avataanut inissiinermi meeqqat tusaaneqarnissaat pillugu suliniummut HELLE-mut suliffeqarfimmit akilerneqartumik ph.d.-nngorniaq** Kommuneqarfik Sermersooq, Meeqqanut Ilaqutariinnullu Ingerlatsivik Ilisimatusarfik suleqatigalugu suliniummutph.d.-nngorniamik pissarsiorpoq,

Suliniut HELLE inissiinerup pitsaassusaanik sunniuteqarluarneranillu naliliinermi meeqqat isumaannik peqataatitsinissamut aaqqissuussaasumik periuseqarnissamik ineriartortitsiffiussaaq atuutsitsiffiulerlunilu. Ph.d.-suliniut Ilisimatusarfimmi Center for Children, Adolescent Research Environment (CARE)-miippoq.

**Neqeroorutigaavut:**

·Tunngaviusumik ilinniakkat misilittakkatillu eqqarsaatigalugit suliniutip allaaserineqarneranut inaarutaasumut annertuumik sunniuteqarneq

·Ilisimatusarnermi avatangiisit tunniusimasut assigiinngitsunillu suliassaqarfiusut sulinermi qanimut suleqatiginniffiusut

·Kommunimit aamma ilisimatusartunit misilittagalinnit Kalaallit Nunaanni meeqqanik, inuusuttunik inuiaqatigiinnillu immikkut ilisimasalinnit ilitsersuunneqarnissamut siunersiorneqarnissamullu periarfissaqarneq

·Najukkami inuiaqatigiinnik qanimut suleqateqarnissamut periarfissaqarneq aamma sulinermut toqqaannartumik attuumassutilimmut ilisimatusarnermut ikiuisinnaaneq

·Nunanit tamalaanit attaveqateqarneq suleqateqarnissamullu periarfissaqarneq, tassunga ilanngullugit Nunap inoqqaavinit isummersuutit ukkataralugit

·Ilinniarnermi avatangiisit peqataatitsisut, tassani suliatigut inuttullu ineriartorneq ukkatarineqarpoq

 **Makkuninnga piginnaasalimmik sulisussarsiorpugut:**

·Attuumassutilimmik ingerlariaqqiffiusumik ilinniagalik (ass. inuiaqatigiilernermut, inuup ineriartorneranit ilisimatusaatinut, isumaginninnermi sulinermut, peqqissaanermut imaluunniit assigisaanik suliassaqarfinnut tunngasut).

·Kalaallisut, tuluttut danskisullu oqaatsinik pisinnaasaqarluartoq.

·Najukkami inuiaqatigiinni sulinermik aamma Indigenous Knowlegde pillugu soqutiginnittoq misilittagalillu.

·Misissueqqissaarnermi piginnaasaqarluartoq aamma namminersorluni allanittaaq suleqateqarluni sulisinnaasoq.

·Ilisimatusarnermut suleqataarusuttoq, meeqqat atugarissaarnissaannut isumannaatsuunissaannullu toqqaannartumik attuumassuteqartoq.

·Ph.d.-nngorniartussatullu allatsinnissamut piumasaqaatinik naammassinnittoq.

Suliffeqarfimmit akilerneqartumik ph.d.-nngorniarneq tassaavoq suliffeqarfimmik suleqateqarluni ph.d.-mik ingerlatsineq, ilisimatusarnermi sulinermik siunertalik. Nalinginnaasumik ph.d.-nnogrniarneq ilinniagartuunngorniarluni ilisimatusarnermik ukkassiffiusarpoq suliffeqarfimmilli akilerneqartumik ph.d.-nngorniarneq suliffeqarfimmi ajornartorsiutaasunik aalajangersimasunik aaqqiiniarnermik siunertaqarfiusarput, peqatigitillugu ilinniartoq ph.d.-nngortarpoq aamma ilisimatusarnermi avatangiisini peqataalluartuulluni. Peqataaneq pikkorissaqataanermik, angusanik ingerlatitseqqiineq, ilisimatusarnikkut allaatigisanik saqqummersitsineq kiisalu piffissami sivisunerusumi nunami allami ilisimatusarneq. Anguniagaq tassaavoq ilisimatusartunik namminersorsinnaasunik nunani tamalaani qaffasinnerpaamik angusaqarsinnaasunik ilinniagaqalersitsinissaq.

Aallartiffissatut naatsorsuutigineqartoq tassaavoq 1. oktobari 2026 imaluunniit tamatuma kingorna piaartumik. Atorfeqarnermi qaammatit marluk siulliit suliniummik allaaserinninnermik imaqassaaq aamma suliniummik allaaserinninnerup ph.d.-nngorniarnermut ilinniarfimmut allatsinnissamut ph.d.-ataatsimiititamit akuersissutigineqarnissaa atorfimmut apeqqutaassaaq. Suliniummik allaaserinninneq akuersissutigineqarpat atorfinittussarlu allatsereerpat ukiut pingajussaanni ingerlatsineq aallartinneqassaaq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: meeqqanut ilaqutariinnullu ingerlatsivimmi pisortamut Frederik Lundblad-imut piniarneqarsinnaapput, e-mail: ks70frlu@sermersooq.gl. Imaluunniit Suliniut HELLE pillugu paasissutissat atortullu annertunerusut pillugit Centerleder Bonnie Jensen attavigiuk uunga boje@uni.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 840-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=840-26)

## Attaveqarfissaq

Frederik Lundblad / ks70frlu@sermersooq.gl / 366080 / 589393