---
title: "Kommuneqarfik Sermersooq Tasiilami inuussutissarsiornermut siunnersorti"
description: "Kommuneqarfik Sermersooq Tasiilami inuussutissarsiornermut siunnersorti"
date: "2026-10-21"
created: "2026-10-01"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kommuneqarfik Sermersooq Tasiilami inuussutissarsiornermut siunnersorti](https://sermersooq.gl/suliffissat/inuttaqanngitsut/kommuneqarfik-sermersooq-tasiilami-inuussutissarsiornermut-siunnersorti)

Qinnuteqarnissamut periarfissarititaasoq

22/10/2026

Suliffik

Tasiilaq

Sumiiffik

Koncernservice

Attaveqarfissaq

Salik Damgaard / ks00sada@sermersooq.gl

Tunumi inuussutissarsiornermik ineriartortitseqataarusuppit?

Tasiilami, illoqarfiullu nunaqarfiini Ittoqqortoormiinilu inuussutissarsiornermik ineriartortitsineq pillugu suliffeqarfinnik aamma najukkami sullissisunik suleqateqarusuppit? Taamaappat atorfissaqartitarput immaqa illiuvoq.

Kommuneqarfik Sermersooq najukkami inuussutissarsiornermik ineriartortitsinissamut aamma suliniutinik suliaqarnissamut soqutiginnittumik inuussutissarsiornermut siunnersortimik namminersorsinnaasumik tunniusimasumillu pissarsiorpoq. Atorfik piaarnerpaamik imaluunniit isumaqatigiissuteqarnikkut inuttalerneqarumavoq.

Tasiilami suliffeqassaatit aamma illoqarfimmi, Tasiilap eqqaani nunaqarfinni Ittoqqortoormiinilu Kommuneqarfik Sermersuup inuussutissarsiornermut suliniuteqarneranut akisussaasuussaatit. Najukkami suliffeqarfinnut, aallarnisaasunut aamma sullissisunut allanut qanissaatissaatit aamma periarfissanik aalajangersimasunik suliniutinngortitseqataassaatit.

Suliatigut kommunimi assigiinngitsunik suliaqartuusut ataatsimooqatigiinneqataalissaatittaaq. Taamaattumik Nunap Immikkoortuani Paamiuni aamma Nunap Immikkoortuani Nuummi takornariaqarnerup inuussutissarsiornerullu ineriartortinnissaannut suleqatinik takornarialerisunillu suleqateqarneq misigissavat.

**Immikkoortortaq ineriartortoq:**

Takornariaqarneq Inuussutissarsiornerlu ineriartortuartoq nutaanillu suliniuteqartuartoq peqataaffigissavat. Najukkami suliffeqarfiit, aaqqissuussat, takornarialerisut, ingerlatsiviit allat suleqatigisartakkallu allat qanimut suleqatigisarpavut.

Taamaattumik ineriartornerup sunniuteqarfiginissaanut, isumassarsiat piviusunngortinnissaannut politikkikkullu aalajangiussat sukumiisumik suliniutinngortinnissaannut najukkamilu malugineqarsinnaasumik angusaqarnissamut periarfissaqassaatit.

Atorfik aaqqissuussaanikkut Takornariaqarnermut Inuussutissarsiornermullu immikkoortortami inississisimavoq, taannalu Inuussutissarsiornermut, Aaqqissuussinermut Pisiniarnermullu atavoq Suliffeqarfiup iluani Kiffartuussimmi, Takornariaqarnermut Inuussutissarsiornermullu immikkoortortami aqutsisumut attaveqarluni.

**Atorfiup imarisai:**

Inuussutissarsiornermut siunnersortimik pissarsiorpugut, ilaatigut ukuninnga suliaqartussamik:

·Najukkami nukittuffiit, pisariaqartitat periarfissallu aallaavigalugit Tasiilami, Tasiilap eqqaani nunaqarfinni Ittoqqortoormiinilu inuussutissarsiornermik ineriartortitseqataaneq

·Tunumi Inuussutissarsiornermi Oqalliffimmut allatseqarfittut atuuffeqarneq, matumani ataatsimiinnernik, workshoppinik aamma malinnaanernik ataqatigiissaarineq kiisalu oqalliffiup suleqatigiinneranik, suliaqarneranik ataatsimullu suliniuteqarneranik tapersersuineq

·Najukkami sullissisut aamma ingerlatsiviit attuumassutillit suleqatigalugit politikkikkut aalajangiussanik kommunillu inuussutissarsiorneq pillugu politikkianik aalajangersimasunik suliniutinngortitsineq

·Suliffeqarfinnik, aallarnisaasunit aamma inuussutissarsiornermut siunnersuisooqatigiinnik oqaloqateqarnermut tapertaaneq, matumani ataatsimiinnernik piareersaaneq, isummanik katersineq aamma suliniutinik isumaqatigiissutaareersunik malinnaaviginninneq

·Suliniutinut najukkami suliffeqarfinnut aalarnisaasunullu atugassarititaasunik pitsanngorsaataasunut tapertaaneq, matumunnga ilanngullugit suleqatigiinnermik, piginnaasanik attaveqaasersuutinillu pisariaqartitsinermik paasiniaaneq

·Tasiilami, eqqaani nunaqarfinni Ittoqqortoormiinilu inuussutissarsiornermut tunngasunik suliniutinik ataqatigiissaarineq aamma sumiiffinni sullissisunut ataavartumik attaveqarnermik qulakkeerinninneq

·Ineriartortitsinermi suliniutit aamma ataatsimut suliniutit pillugit kommunimi nunap immikkoortuini allani suleqatinik aamma avataaniit suleqatigisartakkanik suleqateqarneq

·Saqqummiussassanik, nassuiaatinik aamma inuussutissarsiornermut suliassaqarfimmi killiffimmik suliaqarneq kiisalu najukkami ataatsimiinnernik suliassanillu pilersaarusioqataaneq ingerlatseqataanerlu

·Immikkoortortami aqutsisumik isumaqatigiissuteqarnikkut inuussutissarsiornermi ineriartortitsinermi suliassanik allanik suliaqarneq

Suliassaq najukkami sullissisut, kommunip ingerlatsivii allat, Takornariaqarnermi Inuussutissarsiornermilu suleqatit immikkoortortamilu aqutsisoq qanimut suleqatigalugit suliarineqassapput.

**Illit ilisarnaatitit:**

Inuussutissarsiornermut siunnersortimik namminersorluni sulisinnaasumik, ujartuisinnaasumik aamma allanik suleqateqarnikkut siuariartortitsisinnaasumik pissarsiorpugut.

Pingaartipparput illit:

·Politikkikkut aqutaasumi sulinermik paasinnilluartuussasutit politikkikkullu aalajangiussanik kissaatinillu suliniutinngortitsisinnaasutit

·Suliffeqarfinnik, innuttaasunik, suleqatigisartakkanik suleqatinillu ersarissumik naligalugillu attaveqateqarsinnaasutit

·Sullissisunik ujartuerusuttutit aamma illoqarfinni nunaqarfinnilu attaveqarnermik tatiginartunik pilersitserusuttutit

·Paasissutissanik, aningaasaqarnermik aamma suliniutinik malinnaaviginninnermik aaqqissuussaasumik suliaqarsinnaasutit

·Misissueqqissaarisinnaasutit, aaqqissuussaasumik sulisinnaasutit aamma najukkami pisariaqartitanik assigiinngitsunik tamanik takunnissinnaasutit

·Namminersorlutit sulisinnaasutit aamma ulluinnarni isortartuumi suliassanik angalanernillu pingaarnersiuisinnaasutit

·Suleqateqarluarsinnaasutit aamma sullissisunik assigiinngitsunik ataatsimut aaqqiissuteqarnermik katersisinnaasutit

·Suliniuteqarsinnaasutit malinnaaviginnissinnaasutillu taamaalilluni isumassarsiat isumaqatigiissutillu iliuusinngortinneqartarlutik

·Tunumi inuussutissarsiornermi atugassarititaasunut soqutiginnittutit aamma kommunimi nunap immikkoortuini assigiinngitsuni sulinissaq kissaatigigit

·Kalaallisut qallunaatullu marluinnik oqaaseqarneq iluaqutaassaaq kisiannili piumasaqataanngilaq

**Ilinniakkatigut tunuliaqutaq:**

Atorfimmut qinnuteqarnissamut ingerlariaqqiffiusumik ilinniarsimasariaqanngilatit. Attaveqarnernik pitsaasunik pilersitsisinnaaneq, najukkami pisariaqartitanik paasinnissinnaaneq aamma isumassarsianik piviusunngortitsineq siullertut pingaartipparput. Suliffeqarfinnik, suliniutinik suliaqarnermik imaluunniit najukkami ineriartortitsinermik misilittagaqarneq iluaqutaassaaq kisianni assigiinngitsorpassuartigut anguneqarsinnaapput.

**Neqeroorutigaavut:**

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat.

**Pineqaatissinneqarsimannginnermik uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissarsiatigut atorfinitsitsinermilu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinitsitsineq qaammatini pingasuni misiliutitaqaqqaassaaq.

**Ineqarneq:**

Atorfimmut atatillugu sulisunut inissiamik innersuussisoqarsinnaavoq, tassunga qularnaveeqqusiissut, ineqarnermut akiliut, atuineq il.il. akilerneqartassapput malittarisassat Kalaallit Nunaanni Namminersorlutik Oqartussani kommunillu illuutaani il.il. ineqarnermut akiliuteqartarnermut sukkulluunniit atuuttut naapertorlugit. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. Ineqarnermut akiliummut tassunga ilanngullugu atuinermut assigisaanullu tunngasut annertunerusumik paasisaqarfigineqarsinnaapput, uani: **[www.iserit.gl](http://www.iserit.gl/)**

Atorfinitsitsinermut apeqqutaavoq atorfimmut atasumik inissaqartitsilerneq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

**Paasissutissat annertunerusut uannga pissarsiarineqarsinnaapput:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Salik Damgaard oqarasuaat +299 580277 imaluunniit e-maili: ks00sada@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1010-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqassaatit:**

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

**Malugiuk:**

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1010-26)

## Attaveqarfissaq

Salik Damgaard / ks00sada@sermersooq.gl