---
title: "Kommuneqarfik Sermersooq ikorfartortissarsiorpoq meeqqerivik Maligiami"
description: "Kommuneqarfik Sermersooq ikorfartortissarsiorpoq meeqqerivik Maligiami"
date: "2026-08-12"
created: "2026-08-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kommuneqarfik Sermersooq ikorfartortissarsiorpoq meeqqerivik Maligiami](https://sermersooq.gl/suliffissat/inuttaqanngitsut/kommuneqarfik-sermersooq-ikorfartortissarsiorpoq-meeqqerivik-maligiami)

Qinnuteqarnissamut periarfissarititaasoq

2/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Lydia Mathiassen / ks28lyma@sermersooq.gl

Kommuneqarfik Sermersooq ikorfartortimik tunniusimasumik isumassuisumillu pissarsiorpoq, meeqqamut immikkut pisariaqartitsisumut Maligiamiittumut.

**Maligiaq pillugu:**

Meeraaqqeriviutigaluni meeqqerivik Maligiaq naluttarfimmut Malimmut qanittumiippoq pisuttuarnissamullu periarfissaqarluarpoq. Meeqqat 96-it ininut arfinilinnut agguagaallutik inissaqartinneqarput: meeraaqqerivimmi meeqqat 0–2½-nik ukiullit 36-t ininut pingasunut, inimi ataatsimi meeqqat 12-it, kiisalu meeqqerivimmi meeqqat 2½–6-inik ukiullit 60-it ininut pingasunut, inimi ataatsimi meeqqat 20-t.

Aqutsisup saniatigut inini tamani sulisut pingasut sulisorineqarnissaat aalajangersagaavoq, aqutsisup tullia sulisut amerlassusissaannut ilaalluni, kiisalu igaffimmi eqqiaanermilu sulisoqarpoq. Meeqqerivik ataasinngornermiit tallimanngornermut nal. 07.00–17.00 ammasarpoq.

Atorfik piffissaq tamakkerlugu atorfiuvoq sapaatip akunneranut akunnerit 40-t suliffiulluni.

**Naatsorsuutigaarput illit:**

·Ikorfartortitut imaluunniit perorsaasutut ilinniagaqarsimasutit ajornanngippat nappaatit suussusersisat aamma innarluutit pillugit tapiliussatut ilisimasaqartutit. Imaluunniit suliamik ilinniagaqarsimanngitsutit kisianni meeqqanik inuusuttunillu sullissinermik misilittagaqartutit ikiorsiinermik suliassanik ingerlatsisinnaallutit

·Tatitusutit, naammagittartoq, inussiarnersoq, suleqatigiuminartoq, aalajaatsoq, akisussaaffimmik ilisimaarinnittoq aammalu ataqqinnittoq

·Nammineq akisussaaffimmik tigusisinnaasutit namminersorlutillu sulisinnaallutit

·Suleqatinut angajoqqaanullu suleqateqarumasutit, aamma sulianut tunngatillugu perorsaaneq pillugu oqallinnerni peqataarusussuseqartutit

·Marlunnik (kalaallisut qallunaatullu) oqaaseqartuuguit iluaqutaassaaq, piumasaqaataanngilarli

**Pingaarnertut suliassat:**

Meeraq nalinginnaasumik tapersersorlugu sungiusarlugulu tarnikkut, timikkut inooqataanermilu ineriartornera eqqarsaatigalugit tapersersorlugu.

·Meeraq pillugu iliuusissatut pilersaarummi anguniagassatut inississukkat tunaar-taralugit perorsaanikkut tapersersuinermik ingerlatsissasutit

·Meeraq ikorfartorlugu ulluinnarni suliassaanik, meeqqerivimmi meeqqap sumiiffiani

·Meeqqap annermik nammineersinnaalernissaanut sungiusarnera

·Suleqatigiit ataatsimiittarnerannut peqataasarneq

·Siunersiuineqarnermi peqataaneq

·Killiffik pillugu ingerlatsivimmik angajoqqaanillu ataatsimeeqateqarnerni peqataasarneq

·Meeqqap sumiiffiani sulisut sinnerinik suleqateqarneq

·Killiffimmik nalunaarusiamik suliaqarneq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ikorfartortinik ataqatigiissaarisuni aqutsisoq Lydia Mathiassen, oqarasuaat +299 36 73 86, imaluunniit e-mail: ks28lyma@sermersooq.gl imaluunniit uunga: Maligiami aqutsisuugallartumut Pipaluk Gedionsen-Steenholdt tlf. +299 36 64 80 imaluunniit e-mail: ks27pige@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 765-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=765-26)

## Attaveqarfissaq

Lydia Mathiassen / ks28lyma@sermersooq.gl