---
title: "Kommuneqarfik Sermersooq attaveqaqatigiinnermi sulisussarsiorpoq"
description: "Kommuneqarfik Sermersooq attaveqaqatigiinnermi sulisussarsiorpoq"
date: "2026-10-16"
created: "2026-10-16"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kommuneqarfik Sermersooq attaveqaqatigiinnermi sulisussarsiorpoq](https://sermersooq.gl/suliffissat/inuttaqanngitsut/kommuneqarfik-sermersooq-attaveqaqatigiinnermi-sulisussarsiorpoq)

Qinnuteqarnissamut periarfissarititaasoq

6/11/2026

Suliffik

Nuuk

Sumiiffik

Koncernservice

Attaveqarfissaq

Malu Lange Pedersen / ks35mape@sermersooq.gl

**Oqariartuutinik paasiuminaassinnaasunik paasiuminartunngortitsillutit allassinnaavit – aamma sukkasuumik pisoqartillugu allaaserinnilluarsinnaavit? Taava immaqa illiuvoq Attaveqaqatigiinnermi immikkoortortaqarfimmi suleqatigiligassarput.**

Kommuneqarfik Sermersooq suliffeqarfiuvoq angisooq tamatigoortorlu 2.400-nik sulisoqartoq, taakkulu meeqqat, atuarfiit, utoqqaat, illoqarfinnik ineriartortitsineq, avatangiisit, kulturi pillugit aamma innuttasunik kiffartuussinermik ullut tamaasa suliaqartuupput.

Ullullu tamaasa oqaluttuassarpassuanik, aalajangiussanik aamma paasissutissanik innuttaasunut aamma sulisunut paasissutissiissutigisassanik peqartarpoq.

Taamaammat allaaserinnillaqissumik attaveqaqatigiinnermi suleqatissarsiorpugut – sukkasuumik, eqqortumik aamma uummaarissumik allassinnasumik.

**Suliffik pillugu**

Attaveqaqatigiinnermi suleqataaleruit Attaveqaqatigiinnermut immikkoortortami suleqataalissaatit aamma suliffeqarfiup iluani avataanilu pisunik siammasissumik suliaqartassaatit.

Ullup ingerlanerani suliassaasinnaasarput tusagassiorfinnut nalunaarummik suliaqarneq imaluunniit tusagassiorfinniit saaffiginnissut pillugu ikiuunneq. Aqaguanilu suliassaasinnaasarput intranettimi saqqummiussassamik naatsumik nutaarsiassamik allaaserinninneq, kommunip nittartagaanut allaaserisaqarneq imaluunniit immikkoortortaqarfiit oqariartuuteqarniarneranni paasiuminartuliorluni ikiuunneq.

Sulineq sukkasuumik ingerlasinnaasarpoq, taamaammat pingaaruteqarpoq pisuni nutaani akuliutipallassinnaanissat, oqaluttuap suunera paasillugu aamma attaveqaqatigiinnermi atorluarsinnaasunngortillugu.

**Suliassarisatit tassaasinnaapput:**

·Tusagassiorfinnut nalunaarutinik, nutaarsiassanik aamma attaveqaqatigiinnermi atugassanik allaaserinninneq

·Kommunip nittartagaaniittussanik intranettianiittussanillu allaaserinninneq aaqqissuinerlu

·Kommunip immikkoortortaqarfiini aamma suliassaqarfiini assigiinngitsuni attaveqaqatigiinnermi atugassanik ikiuuneq

·Tusagassiinermik aamma tusagassiorfiit saaffiginninneranni ikiuunneq

·Sulinermi oqaatsinik paasiuminaassinnaasunik aamma allaffissornermi atorneqartartunik paasiuminartunngortitsineq

·Suliffeqarfimmi angisuumi oqaluttuassaqqissunik nassaarneq oqaluttuarineqarnissaanilu ikiuunneq

·Attaveqatigiinnermi pilersaarusiornermi aamma suliassaqaleriasaartillugu ikiuunneq

**Piginnaasassatit**

Qaffasissumik ilinniagaqarsimanissat, soorlu attaveqaqatigiinneq, oqaasilerineq, inuaqatigiilerineq pillugit imaluunniit taakkununnga assingusumik ilinniagaqarnissat takorloorparput.

Allalluarsinnaanissat uatsinnut pingaarnerpaavoq.

Intranettimut nutaarsiassamik naatsumik aamma tusagassiorfinnut nalunaarummik allassinnaassaatit, saaffigisallu assigiinngitsut apeqqutaallutik oqaatsitigut tulluarsarsinnaassaatit.

Taassuma saniatigut pingaartipparput:

·Pitsaasumik, erseqqissumik sukkasuumillu allassinnaanissat

·Oqaatsitigut nalilersuilluarsinnaanissat aamma oqaluttuatsialannik nassaarsinnaanissat

·Namminersorlutit sulisinnaanissat aamma suliassat amerlatillugit eqqissisimasinnaanissat

·Sammisanut nutaanut ilaannilu paasiuminaassinnaasunut paasinnipallassinnaanissat

·Alapernaatsuunissat apeqquteqarluarsinnaanissamullu tunuarsimaartuunnginnissat

·Suliffeqarfimmik sammisanik allannguiffiupallassinnaaffiusumik nuannarinninnissat

·Kommunimi attaveqaqatigiinnerup kiffartuussinermut, paasissutissiinermut, ammasuunermut aamma tatiginninermut tunnganeranut paasinnissinnaanissat.

Politikkikkut aqunneqartumi suliffeqarfimmi, pisortat allaffeqarfianni, tusagassiornermik imaluunniit attaveqaqatiginnermi immikkoortortami misilittagaqarnissat pitsaassaaq, piumasaqaataanngilarli.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqustsisoq Malu Pedersen, oqarasuaat +299 36 75 12 imaluunniit e-mail: ks35mape@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1070-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1070-26)

## Attaveqarfissaq

Malu Lange Pedersen / ks35mape@sermersooq.gl