---
title: "Kangillinnguit Atuarfiat pisortap tullersortaanik pissarsiorpoq"
description: "Kangillinnguit Atuarfiat pisortap tullersortaanik pissarsiorpoq"
date: "2026-11-16"
created: "2026-11-16"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kangillinnguit Atuarfiat pisortap tullersortaanik pissarsiorpoq](https://sermersooq.gl/suliffissat/inuttaqanngitsut/kangillinnguit-atuarfiat-pisortap-tullersortaanik-pissarsiorpoq)

Qinnuteqarnissamut periarfissarititaasoq

24/11/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Bikki Rosing Kleemann / ks07birk@sermersooq.gl

Kangillinnguit Atuarfiat Nuussuup immikkoortuani, Annersuup Tasia eqqaaniippoq, atuarfimmi angerlarsimaffimmilu suleqatigiilluarnissamut pitsaasumik kiisalu atuartunik inuiaqatigiinni innuttaalluartunik ineriartortitsinissamut pingaartitsisoq, pisortap tullersortaanik (viceskoleinspektørimik) pissarsiorpoq.

Kangillinnguit Atuarfiat-mi atuartut 525-t missaanniipput ilinniartitsisullu 49-t missaanniillutik, taakkununnga ilaallutik atuarfiup pisortaa pisortallu tullersortaa. Klassenik marlunnik ingerlaarfeqarpoq, 1.-10. klasset tamarmik marluupput aammalu specialklassit sisamaallutik. Atuarfik immikkoortunut sisamanut agguagaavoq: Nukarlerni immikkoortoq: 1.-3. klassit, Akullerni immikkoortoq: 4.-7. klassit Angajullerni immikkoortoq: 8.-10. klassit, kiisalu sisamaattut: specialklassit

Atuartut kalaallisut oqaasillit, qallunaatut oqaasillit kiisalu marluinnik oqaasiliupput.

Kangillinnguit Atuarfiani pingaartinneqarpoq atuarfiup angerlarsimaffiullu akornanni pitsaasumik suleqatigiittoqarnissaa, pitsaasumik attaveqatigiinneq kiisalu ersarissumik pitsaasumillu aqutsineq. Atuarfik ineriartortuuvoq, atuartullu ilisimasaqarluartunik inuiaqatigiinnilu innuttaalluartunik ineriartortinneqarnissaat anguniarlugu sulisoqarluni.

**Suliassat:**

Pisortap tullersortaatut atorfinitsinneqaruit, suliassatit pingaarnerit makkuussapput:

∙Ullaakkut nakkutiginninneq

∙Atuartunik tunngassuteqartunik suliassanik suliarinninneq

∙Sulisunik tunngassuteqartunik suliassanik suliarinninneq

∙Ilinniartitsisut, vikarit pedellillu akissarsiaannik nalunaaruteqartarneq

∙Ilinniartitsisut aktivitetsplan-iannik suliaqarnissaq

∙1. juli aamma oktober-imi nalunaarusiorneq

∙Vikarissanik pilersaarusiorneq

∙Missingersuutinik nakkutilliineq

∙Skoleintra-mi aaqqissuussinerit

∙Ingerlatsinermi suliassanik assigiinngitsumik ataqatigiissaarineq

∙Ataatsimiinnernik ataqatigiissaarineq aammalu nalilersuinerit

∙Trintest-it, terminsprøvit kiisalu allattariarsorluni oqaluinnarlunilu misilitsinnerit ingerlanneri

∙Lejrskolemut angalanissanillu ilinniarfiusunik pilersaarusioqataaneq

∙Ilinniartitsinermut atortussanik pisiniarneq

∙Suleqatigisat avataaneersut suleqatigalugit suliaqarneq kiisalu suliassat allat amerlaqisut

**Pisortap tullersortaanik ujartorpugut, taassuma:**

∙Perorsaanermut, allaffissornermut kiisalu sulisunik aqutsinermut soqutiginnittuullunilu misilittagaqartuunissaa

∙Aqutsinermik akisussaaffinnik namminersorluni tigusisinnaanissaa

∙Sulisut akornanni suliuarusussuseqalersitsisinnaanissaa atugarissaarnikkullu ineriartortitsisinnaanissaa

∙Ammasumik ersarissumillu pissuseqarnissaa

∙Suliassanik arlalinnik ataatsikkorluinnarmik suliarinnissinnaanissaa

∙Atuartut atugarissaarnerat pingaartillugu atuartunullu tamanut anguniagaqarluartuuneq

∙Atuarfiup meeqqeriviillu akornanni suleqatigiinnerup ineriartortinneqarnissaanut peqataasinnaanissaa

∙Atuartut angajoqqaallu akornanni ataatsimoortumik akisussaassuseqalersitsisinnaanissaa

∙Sulisunit assigiinngitsunit suliassat akisussaaffiillu ersarissumik agguataarneqarnissaannut peqataasinnaanissaa

∙Takorluuisinnaallunilu iliuuseqarsinnaanissaa

∙Suleqatigiinni pitsaasumik sulisinnaanissaa

∙Atuarfiup nammineerluni aqunneqarneranik kiisalu immikkoortukkaartumik aaqqissuunneqarneranik ineriartortitseqataarusunnissaa

∙Meeqqat atuarfiat pillugu inatsimmik nalunaarutillu atuuttut pillugit ilisimasaqarluarnissaa

∙Ilinniartitsisut sulisullu allat isumaqatigiissutaannik ilisimasaqarfiginninnissaa

∙Office-programminik atuilluarsinnaanissaa

∙TRIO-mik, Tabulex TEA-mik kiisalu Skoleintra-mik atuisinnaanissaa

∙Atuakkanik ilinniartitsinermilu atortussanik aqutsilluarsinnaanissaa, agguaassisinnaanissaa aaqqissuisinnaanissaalu

∙Kalaallisut qallunaatullu oqalussinnaanera iluaqutaassaaq piumasaqaataanngilarli

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

PAtuarfimmi pisortaagallartoq Bikki Rosing Kleemann, oqarasuaat +299 36 64 24 imaluunniit e-mail: ks07birk@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1185-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1185-26)

## Attaveqarfissaq

Bikki Rosing Kleemann / ks07birk@sermersooq.gl
