---
title: "Kangillinnguit Atuarfianut ilinniartitsisut pingasut"
description: "Kangillinnguit Atuarfianut ilinniartitsisut pingasut"
date: "2026-10-02"
created: "2026-10-02"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kangillinnguit Atuarfianut ilinniartitsisut pingasut](https://sermersooq.gl/suliffissat/inuttaqanngitsut/kangillinnguit-atuarfianut-ilinniartitsisut-pingasut)

Qinnuteqarnissamut periarfissarititaasoq

9/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Bikki Rosing Kleemann / ks07birk@sermersooq.gl

**Kommuneqarfik Sermersooq ilinniartitsisumik pingasunik pisariaqartitsivoq, pingaaarnertut ilinniartitsisinnaasoq; Angajullerni akullernilu atuartitsissutini ukunani: kalaallisut, qallunaatut, tuluttut aammalu eqaarsaarneq Kangillinnguit Atuarfianni, Nuummi.**

Kommuneqarfik Sermersooq Kangillinnguit Atuarfianni ilinniartitsisutut nutaatut unammilligassanik piukkooruit, tikilluaqqusaavutit saaffiginninnissamut.

**Kangillinnguit Atuarfiat pillugu:**

Kangillinnguit Atuarfiat 520-inik atuartoqarpoq 49-inillu sulisoqarluni. Alloriarfinnut sisamanut aggugaavoq alloriarfiit sisamaattut specialklasset inissisimallutik klasset sisamaallutik.

Kangillinnguit atuarfiata ilisarnaatigai: Klassit kammagiiaat, Angajoqqaat suleqataalluartut, Atuartoq inuttut, inooqataanermigut, ilisimasatigullu ineriartortoq.

**Ukioq manna ukiunilu tulliuttuni pingaartippagut suliniutigissallugit:**

·Atuartunut, angajoqqaanut suleqatinullu qanimut suleqateqarluarsinnaaneq attaveqarluarsinnaanerlu. Atuarfik atuartunut toqqissisimanartoq, atuartut iluminni ikioqatigiittut kammagiiaartullu.

·Atuartut piginnaasamikkut, ilikkagassatigut inooqataanikullu ineriartorluartut piginnaanngorsarneqarluartullu

·Suliffik atugarissaarfiusoq pitsaasumillu aaqqissuussaq, siunertaq pingaartitat suliniutillu ersarissut.

·Suliffik tipigissarfiunngitsoq

·Mobilerfiunngitsoq

**Naatsorsuutigaatsigit:**

·Ilinniartitsisoq ilinniarsimasuussasutit
·Akisussaassusilik, ammasoq, tapersersuisoq, kajumissusilik aallartisaasinnaassasutit
·Suleqatinnut, aqutsisunut angajoqqaanullu pitsaasumik suleqateqarsinnaassuseqarnissat
·Periarfissanik takunnissinnaassasutit aporfissalersornak, periarfissanik akissaassusermillu piginnittuunissat.
·Atuarfiup avatangiisaanut allanngorartumut, ineriartorfiusumut atuartitsinermilu   allanngorarfiusumut kajumissuseqarluartuunissat
·Atuarfimmi immikkoortinneqarsimasumi suleqatigiit suleqatigiinnerani ineriartortitseqqiinissamut suleqataasinnaanissat peqataaffiginissai naatsorsuutigaagut.

**Neqeroorutigaagut:**

·Atuarfiup avatangiisaanut ineriartortitsiffiusoq inuttut piginnaasatigullu ineriartortitsinissamut periarfissalik
·Atuarfeqarfimmi atorfik pissaganartoq, perorsaanikkut ineriartortitsineq salliunneqartoq, politikkikkullu salliutinneqartoq

·Ilinniartitsisutut nutaajuulluni atuarfimmit tapersersorneqarluarneq

·Suleqatit pitsaasut, suleqatigiissuteeqqani kajumissuseqalersitsisuni suleqatigiiffiulluartoq

·Sulianut sunniuteqarnissamut aaqqissuussinissamullu periarfissat pitsaasut

·Ilinniartitseqqiinermut periarfissat pitsaasut

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Atuarfimmi pisortaagallartoq Bikki Rosing Kleemann, oqarasuaat +299 36 64 24 imaluunniit e-mail: ks07birk@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1013-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1013-26)

## Attaveqarfissaq

Bikki Rosing Kleemann / ks07birk@sermersooq.gl