---
title: "Kangillinnguani najugaqatigiiffimmut Isumaginninnermik ikiorti"
description: "Kangillinnguani najugaqatigiiffimmut Isumaginninnermik ikiorti"
date: "2026-09-11"
created: "2026-09-11"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Kangillinnguani najugaqatigiiffimmut Isumaginninnermik ikiorti](https://sermersooq.gl/suliffissat/inuttaqanngitsut/kangillinnguani-najugaqatigiiffimmut-isumaginninnermik-ikiorti)

Qinnuteqarnissamut periarfissarititaasoq

2/10/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Aqqaluk Slot Pedersen

**Kangillinnguani najugaqatigiiffimmut aamma najugaqarfinnut Isumaginninnermik ikiortissarsiorpoq.**

Kangillinnguani najugaqatigiiffimmut aamma najugaqarfinnut tunniusimasumik Isumaginninnermik ikiortitssarsiorpoq. Kangillinnguani najugaqatigiiffik Nuummi najugaqatigiiffiit mikinerit ilagaat aamma Nuummi najugaqarfiit tassunga ilaapput. Najugaqatigiiffimmi najugallit katillugit 25-pput, taakkulu eqqarsartaatsikkut aamma/imaluunniit timikkut piginnaasaat annikillisimasuupput atornerluinermillu atugaqartuullutik. Illit pingaarnertut suliassarissavat najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqatigiiffik aamma najugaqarfiit katillugu 16-it miss. sulisoqarpoq, tunuliaqutaallu assigiinngillat ass.; perorsaasut, ilinniartitsisut, isumaginninnermi ikiortit ilinniarsimanngitsullu.

Atorfik piffissaq suliffiusussaq tamaat sapaatip akunneranut 40 tiimit suliffiuvoq. Ulluinnarni sapaatip akunneratalu naanerani ullukkoortutut, unnukkoortutut unnuarsiortutullu sulisassaatit.

**Suliassatit:**

·Najugaqartut nammineernerulernissaat inuunerisalu pitsaanerulernissaat ineriartortillugit ilaatigut najugaqartunut iliuusissatut pilersaarusiat najoqqutaralugit sulinikkut.

·Najugaqartut ulluinnarni sammisassanut kajumissaarlugillu tapersersortassavatit, assersuutigalugu pisuttuarnermi, pisiniarnermi, nerisassiornermi nakorsiarnermilu.

·Najugaqartut, suleqatit aamma aqutsisoq suleqatigalugit najugaqatigiiffimmi ataatsimoornerulersitsinissamik aallussaqarneq.

·Suliffiup iluani avataanilu suleqatigisartakkat aamma qanigisaasut tapertareqatigalugit suleqatigiinneq

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, matumani sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

**Ilinnut naatsorsuutigisavut:**

·Isumaginninnermik ikiortitut ilinniarsimasuusutit

·Inuttut ilakkuminartuussaatit qiimasuusutillu

·Aalajaatsutit, tatituujusutit inunnillu allanik inissaqartitsillutit

·Aalajaatsuussasutit akisussaassuseqarlutillu

·Isumassuisutit aamma ilakkuminartutit, suliffiullu isumannaatsumik avatangiiseqarnissaanut tamanna iluaqutaassasoq takunnissinnaassaatit

·Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu

·Ulloq ulapaarfiugaluarpalluunniit ukkatarinnilluarsinnaasutit ataqatigiissitsilluarsinnaasutillu

**Uagut pilluta:**

Atorfimmi pineqartumi ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartoq, tallimanik allanik najugaqatigiiffeqartoq, marlunnik sammisassaqartitsinermut ataatsimooqateqartitsinissamullu neqeroorutilik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarput sulilerlaatut iluamik ilitsersuunneqarnissat, ingerlaavartumik siunersioqatigineqartarnissat kiisalu suliatigut ataatsimooqatigiiffeqarneq.

Annerusumik paasisaqarusukkuit tikilluaqqusaajuassaatit attaveqarfiginissatsinnut.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Aqqaluk Sloth Pedersen, oqarasuaat +299 49 27 89 imaluunniit e-mail: ks72aqpe@sermersooq.gl imaluunniit uunga:

Tullersorti Jonna Olsen, oqarasuaat +299 28 47 73 imaluunniit e-mail: ks63jool@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 910-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=910-26)

## Attaveqarfissaq

Aqqaluk Slot Pedersen