---
title: "Ittoqqortoormiini Sunngiffimmut Kultureqarnermullu aqutsisoq"
description: "Ittoqqortoormiini Sunngiffimmut Kultureqarnermullu aqutsisoq"
date: "2026-09-03"
created: "2026-09-03"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ittoqqortoormiini Sunngiffimmut Kultureqarnermullu aqutsisoq](https://sermersooq.gl/suliffissat/inuttaqanngitsut/ittoqqortoormiini-sunngiffimmut-kultureqarnermullu-aqutsisoq)

Qinnuteqarnissamut periarfissarititaasoq

24/9/2026

Suliffik

Ittoqqortoormiit

Sumiiffik

Forvaltning for Børn og Skoler

Attaveqarfissaq

Ingeborg Pike / ks57inpi@sermersooq.gl

Kommuneqarfik Sermersooq Ittoqqortoormiit, Sunngiffimmut Kultureqarnermullu immikkoortortaqarfimmut nukittuumik immikkoortortaqarfimmi aqutsisussarsiorpoq. Ittoqqortoormiini sunngiffimmi kulturikkullu sulisoqarnermut akisussaaffeqassaatit aamma pilersaarusiornermut, ataqatigiissaarinermut, aningaasanut inatsimmi akisussaaffimmut, sulisunik aqutsinermut, politikkikkut aalajangersakkanik, isumaginninnermut tunngasunik suliniutinut, peqatigiiffinnut tapersersuinermut, inuusuttunut inersimasunullu sunngiffimmi ilinniartitsinermut kiisalu suliassat ad-hoc-imik suliaqassaatit.

**Immikkoortortami pisortaq eqeersimaatoq piumasarineqarpoq:**

Innuttaasunut iluaqutaasumik pilersaarutini suliassanilu siuariartornissaq qulakkeersinnaaviuk piumassuseqartitsisinnaavit? Kommuneqarfik Sermersuumi Sunngiffimmut Kultureqarnermullu Immikkoortortaqarfimmi nukittuumik immikkoortortaqarfimmi aqutsisussarsiorpoq, ulloq 1. november 2026 imaluunniitisumaqatigiissuteqarnikkut atorfinittussamik.

**Suliffiup imarisaa:**

Sunngiffimmut Kultureqarnermullu immikkoortortaqarfimmi aqutsisutut aqutsineq kajumissisitsisoq aqqutigalugu immikkoortortami suliassani siuariartornissaq qulakkeertussaavat. ****

**Ilaatigut suliassat suliassallu uku suliarisariaqarpatit:**

·Ulluinnarni sulinermik pilersaarusiornermik ataqatigiissaarinermillu akisussaasuuneq ·Ulluinnarni ingerlatsinermut akisussaasuuneq, aningaasanut inatsimmi akisussaasuuneq ·Sulisunik aqutsinermut akisussaasuuneq
·Politikkikkut aalajangernerit soorlu qaammammut pisussat ingerlaqqinnissaannik qulakkeerineq

·Isumaginninnermi suliniutit ingerlaqqinnissaannik qulakkeerineq

·Kattuffinnut tapersersuineq aamma tapiissutit aqunneqarnerat qulakkeerneqarnissaat ·Inuusuttunut inersimasunullu assigiinngisitaartumik sunngiffimmi ilinniartitsinermik qulakkeerineq
·Ad hoc-imik suliassat

Sunngiffimmut Kultureqarnermullu immikkoortortaqarfimmi pisortarissavat Ulluinnarni Ingerlatsinermi pisortaq. Ittoqqortoormit Sunngiffimmi aqutsisutut, aaqqissuussinermut ataqatigiissaarisutut, Minihalimi aqutsisoq, Umimmak Klubbimi aqutsisoq, Ittoqqortoormiit Katersugaasivia, arsaattarfik taavalu Ittoqqortoormiuni Sisorartarfik akisussaaffigissavatit.

**Illit profilit:**

Sunngiffimmi kulturimilu immikkoortortaqarfimmi aqutsisutut atuuffik pissanganartuuvoq aammalu assigiinngisitaartuuvoq.

·Attuumassuteqartumik qaffasissumik ilinniagaqarpoq
·Ingerlatsinermik/aningaasaqarnermik misilittagaqarneq
·Inuk namminersorluni sulisinnaasoq aammalu piffissaq taanna atorlugu allanik qanimut pingaaruteqartumillu suleqateqarnissamut isersinnaasoq
·Suliassanik aaqqissuussinermik, ataqatigiissaarinermik, pilersaarusiornermik malinnaanermillu piginnaasalik
·Avatangiisinut aamma attaveqaqatigiissinnaassuseqarluni
·Sunngiffimmi aamma kulturimut tunngasunik ilisimasaq
·Peqqissutsimut suliniutinik misilittagaqarpoq
·Inuit assigiinngitsorpassuit akornanni navianartorsiorneq nuannaralugu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaarput:**

·Atorfik pissanganartoq pissanganartorpassuarnillu suliassaqartoq
·Suliffimmi assut pissanganartumi, ulloq ataaseq assigiinngitsuunngitsoq
·Sulisut piginnaaneqarluartut suleqatillu pitsaasut
·Suliffik pitsaasoq, suliffimmi sila qitiutillugu
·Suliamik aamma inuttut ineriartornissamut periarfissat pitsaasut
·Namminersorluni sulineq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ingerlatsinermut pisortaq Ingeborg Pike, oqarasuaat +299 58 82 75 imaluunniit e-mail: ks57inpi@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 870-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=870-26)

## Attaveqarfissaq

Ingeborg Pike / ks57inpi@sermersooq.gl